តួលេខអ្នកឆ្លងកូវីដ១៩ថ្មីប្រចាំថ្ងៃនៅម៉ាឡេស៊ីនៅតែបន្តខ្ពស់ ជាង ១៣,០០០ករណីបន្ថែមទៀត

(គូឡាឡាំពួ)៖ យោងតាមការចេញផ្សាយដោយ ទីភ្នាក់ងារសារព័ត៌មាន Reuters បានឱ្យដឹងនៅថ្ងៃព្រហស្បតិ៍ ទី២២ កក្កដានេះ ប្រទេសម៉ាឡេស៊ីនៅតែបន្តរកឃើញអ្នកឆ្លងកូវីដ១៩ ជាង១៣,០០០ករណីបន្ថែមទៀត ដែលជាចំនួនឆ្លងប្រចាំថ្ងៃច្រើនបំផុតទី២ ចាប់តាំងពីមានករណីឆ្លងជំងឺនេះមក។

នៅថ្ងៃជាមួយគ្នានេះម៉ាឡេស៊ីក៏បានរកឃើញអ្នកស្លាប់ថ្មីចំនួន១៣៤នាក់ទៀតផងដែរ ដែលនាំចំនួនអ្នកស្លាប់សរុបនៅទូទាំងប្រទេសកើនដល់៧,៥៧៤នាក់។

សរុបមកវិញ គិតត្រឹមថ្ងៃព្រហស្បតិ៍នេះចំនួនអ្នកឆ្លងកូវីដ១៩ នៅទូទាំងប្រទេសម៉ាឡេស៊ីកើនដល់ ៩៦​៤​,៩១៨ករណី ក្នុងនោះករណីសកម្មមានចំនួន១៤២,០៥១នាក់៕ ដោយ គង់ សុខឡេង។