ព័ត៌មានទាន់ហេតុការណ៍
UPDATE: ចិន៖ មនុស្សស្លាប់បន្តកន្ទុយកើនដល់ ៥៨នាក់ ក្នុងគ្រោះទឹកជំនន់នៅខេត្ត Henan ខណៈខេត្ត Zhejiang កំពុងត្រៀមខ្លួនទទួលព្យុះទីហ្វុង In-Fa
(ចឹងចូវ)៖ អាជ្ញាធរខេត្ត ហឺណាន (Henan) នៃប្រទេសចិនបានឱ្យដឹងនៅថ្ងៃសៅរ៍ ទី២៤ ខែកក្កដា ឆ្នាំ២០២១នេះថា ចំនួនមនុស្សស្លាប់បានកើនឡើងដល់៥៨នាក់ហើយ ក្រោយគ្រោះទឹកជំនន់ដ៏អាក្រក់ បានវាយប្រហារខេត្តភាគកណ្តាលមួយនេះ កាលពីប៉ុន្មានថ្ងៃមុន។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ីនហួរ។
អាជ្ញាធរខេត្ត Henan ក៏បានចេញយុទ្ធនាការបោសសម្អាតទីក្រុង ចឹងចូវ (Zhengzhou) ផងដែរ ដែលបានទទួលរងការលិចលង់ និងហេដ្ឋារចនាសម្ព័ន្ធជារួម ត្រូវបានបំផ្លិចបំផ្លាញយ៉ាងដំណំ។ ផ្លូវថ្នល់ពោពេញដោយល្បាប់ភក់, រថយន្តតូចធំត្រូវទឹកហូរកួចឱ្យទៅគរលើគ្នា និងហាងលក់ទំនិញ ព្រមទាំងអគារជាច្រើនបានរងការខូចខាត គឺបាននិងកំពុងស្ថិតក្នុងការស្តារឡើងវិញ ជាបណ្តើរៗគិតត្រឹមថ្ងៃសៅរ៍នេះ។
គួរបញ្ជាក់ថា ប្រទេសចិនក៏កំពុងត្រៀមខ្លួន ដើម្បីទទួលព្យុះទីហ្វុងមួយទៀតផងដែរ ដែលនឹងបោកបក់លើខេត្ត ស៊ីជាំង (Zhejiang) ភាគខាងកើតប្រទេស នៅចុងសប្តាហ៍នេះហើយ។ ការប្រកាសអាសន្នត្រូវបានបង្កើនទៅដល់កម្រិតខ្ពស់បំផុត នៅមុនព្យុះទីហ្វុង អ៊ីនហ្វា (In-Fa) មកដល់ជាមួយល្បឿនខ្យល់បោកបក់ជាង ១៤០គីឡូម៉េត្រក្នុងមួយម៉ោង។ កំពង់ផែសមុទ្រ ផ្លូវក្រោមដី និងអាកាសយានដ្ឋាន ត្រូវបានបង្គាប់ឲ្យផ្អាកដំណើរការរួចរាល់ហើយ៕ ដោយ គង់ សុខឡេង។
ចិន និងជប៉ុន ដាក់ចុះជម្លោះនយោបាយទុកមួយកន្លែងសិន ជួយផ្ដល់ជំនួយហិរញ្ញវត្ថុ និងស្បៀងដល់ប្រទេសស៊ូដង់ដែលកំពុងឆាបឆេះសង្គ្រាម
ចំណងដៃថ្មី សម្រាប់ប្រជាពលរដ្ឋរស់នៅភូមិពូត្រុំ (ដំរីជាន់) ក្នុងសង្កាត់រមនា ទទួលបានផ្លូវក្រាលកៅស៊ូ ប្រវែង២.៥០០ម៉ែត្រ
ព្រឹកនេះសម្តេចតេជោនាយករដ្ឋមន្រ្តី អញ្ជើញសម្ពោធដាក់ឱ្យប្រើប្រាស់ស្ពានឆ្លងទន្លេសាប និងស្ពានអាកាសឫស្សីកែវ
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
នំបញ្ចុកសៀមរាប ផលិតឡើងតាមរូបមន្តពីបុរាណរបស់អ្នកឃុំព្រះដាក់ ត្រៀមចុះបញ្ជីម៉ាកសមូហភាព ដើម្បីលើកកម្ពស់ភាពប្រកួតប្រជែងនៅលើទីផ្សារ
