ព័ត៌មានជាតិ
ឯកឧត្តមឃួងស្រេងព្រមានមិនឱ្យមានករណីចែកប័ណ្ណចាក់សាំងជូនកុមារ ជាថ្នូរនឹងការយកលុយឡើយ
ភ្នំពេញ៖ ឯកឧត្តម ឃួងស្រេង អភិបាលរាជធានីភ្នំពេញបានព្រមានទៅអាជ្ញាធរខណ្ឌ សង្កាត់ ភូមិ ទាំងអស់ ដែលមានសិទ្ធិក្នុងការចែកប័ណ្ណចាក់សាំងការពារកូវីដ-១៩ ជូនកុមារ ចាប់ពីអាយុ១២ឆ្នាំដល់១៧ឆ្នាំ គឺមិនអនុញ្ញាតឱ្យមានជាដាច់ខាត ចំពោះការយកលុយជាថ្នូរ នឹងការផ្តល់ប័ណ្ណចាក់សាំងជូនកុមារ បើមានករណីបែបនេះ គឺ ឯកឧត្តមមិនមានការយោគយល់ជាដាច់ខាត។
ឯកឧត្តមអភិបាលរាជធានីភ្នំពេញបានថ្លែងបែបនេះ នៅ ក្នុងកិច្ចប្រជុំតាមរយៈ video ពីចម្ងាយ ជាមួយអាជ្ញាធរខណ្ឌទាំង១៤ នៅសាលារាជ ធានីភ្នំពេញនៅព្រឹកថ្ងៃទី២៨ ខែកក្កដា ដើម្បីធានា ប្រសិទ្ធ ភាពក្នុងអំឡុងពេលចាក់វ៉ាក់សំាងបានប្រព្រឹត្តទៅដោយរលូន។
https://1.bp.blogspot.com/-sp0S0bAgxHo/YQEg7RJarSI/AAAAAAAABWk/b2iYSfENRHcArrOGJu5tZIOGSb2QWPp8ACLcBGAsYHQ/s16000/0.jpeg
ឯកឧត្តម ឃួង ស្រេង អភិបាលរាជធានីភ្នំពេញ បានមានប្រសាសន៍ថា ការចាក់វ៉ាក់សាំងជូនកុមារដែលមានអាយុ១២ឆ្នាំដល់ក្រោម១៨ ឆ្នាំនេះ អាជ្ញាធររបស់យើងត្រូវតែរៀបចំនិងធ្វើឡើងឱ្យបានម៉ត់ចត់បំផុត ដើម្បីឱ្យដំណើរការនៃការចាក់វ៉ាក់សាំងនេះទទួលបានជោគជ័យនិងទទួលបានការគាំទ្រយ៉ាងពេញទំហឹងពីសំណាក់ប្រជាពលរដ្ឋ ហើយអ្វីដែលសំខាន់ គឺដាច់ខាតមិនឱ្យមាននរណាម្នាក់យកលុយជាថ្នូរនឹងការចេញប័ណ្ណចាក់សាំងជូនកុមារនោះទេ ។ បើនៅតែមានសកម្មភាពបែបនេះ អាជ្ញា ធររាជធានីភ្នំពេញមិនយោគ យល់ជាដាច់ខាត ។ ដូច្នេះ អាជ្ញាធរខណ្ឌ សង្កាត់ត្រូវតែយកចិត្តទុកដាក់ឱ្យបានម៉ត់ ចត់បំផុតចំពោះការងារនេះ គឺមិនអនុញ្ញាតជាដាច់ខាតចំពោះការចេញប័ណ្ណជាថ្នូរនឹងការយកប្រាក់ជាដាច់ខាត អាជ្ញាធរខណ្ឌ សង្កាត់ ត្រូវតែទទួលខុសត្រូវដោយខ្លួនឯង។
ឯកឧត្តម ឃួង ស្រេង ក៏បានស្នើដល់អាជ្ញាធរខណ្ឌទាំង ១៤ ត្រូវពង្រឹងឱ្យបានម៉ត់ចត់ចំពោះវិធានការការពារជំងឺកូវីដ-១៩ ពិសេស វីរុសបំប្លែងថ្មី ដែលតា ដែលបាននិងកំពុងវាយលុកនៅពេញពិភពលោក ហើយកម្ពុជាក៏ជាប្រទេសមួយបាននិងកំពុងប្រឈមនឹងវីរុសថ្មីនេះផងដែរ។ ជាងនេះទៀត ត្រូវបន្តពង្រឹងឱ្យបានល្អប្រ សើរបំផុត ចំពោះការផ្ដល់ សេវា ការសម្រួលទៅដល់បង ប្អូនប្រជាពលរដ្ឋដែលមានជំងឺកូវីដ-១៩ ហើយពួកគាត់បានស្ម័គ្រចិត្តព្យាបាលនៅតាមផ្ទះ ។
សូមជម្រាបថា សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញបើកយុទ្ធនាការចាក់វ៉ាក់សាំងជូនកុមារ និងយុវវ័យអាយុ១២ដល់១៧ឆ្នាំ នៅថ្ងៃទី១ ខែសីហា ឆ្នាំ២០២១ នៅវិមានសន្តិភាព ព្រមទាំងធ្វើសន្និសីទកាសែតផងដែរ ដោយសម្តេចនឹងនាំយកចៅៗរបស់សម្តេចទាំងអស់ ដែលមានអាយុ១២-១៧ឆ្នាំ ទៅទទួលវ៉ាក់សាំងនៅថ្ងៃនោះតែម្តង ហើយក្រៅពីចៅរបស់សម្តេចក៏នៅមានចៅៗ របស់ថ្នាក់ដឹកនាំសំខាន់ៗជាច្រើនរូបទៀតទៅទទួលវ៉ាក់សាំងផងដែរ៕
ឯកឧត្តម សុខ ចាន់ភក្តី តំណាងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញើញជាអធិបតីភាព ក្នុងពិធីសំណេះសំណាល និងជូនវិញ្ញាបនបត្រវគ្គបណ្តុះបណ្តាល ដល់អ្នកសារព័ត៌មានចំនួន១១៥នាក់
ព្រះករុណា ព្រះមហាក្សត្រ ស្តេចយាងចូលរួមពិធីសម្ពោធបើកការប្រកួតកីឡាអាស៊ី លើកទី១៩ នៅទីក្រុងហាងចូវ
សម្តេចតេជោ ហ៊ុន សែន លើកឡើងថា៖ ឆ្នាំ២០២២កន្លងទៅ ថ្ងៃនេះខ្ញុំចេញដំណើរទៅ អង្គការសហប្រជាជាតិ ថ្ងៃនេះនាយករដ្ឋមន្ត្រីថ្មីចេញដំណើរទៅម្តង
ពិធីសម្ពោធ និងសិក្ខាសាលា បើកសាខាមជ្ឈមណ្ឌលបណ្តុះបណ្តាលភាសា ជប៉ុន រាជ សំណាង ខេត្តសៀមរាប
ប្រាសាទព្រះវិហារ ដ៏ល្បីល្បាញជារបស់ខ្មែរ ជាតំណាង «ស្នាដៃឯកដ៏មហាអស្ចារ្យរបស់ស្ថាបត្យកម្មខែ្មរ» ដែលត្រូវតែរួមគ្នាការពារទោះត្រូវលះបង់ក្នុងតម្លៃណាក៏ដោយ
