Connect with us

ព័ត៌មានជាតិ

ខេត្តបន្ទាយមានជ័យ៖ ជនជាតិថៃចំនួន៧នាក់ លួចឆ្លងដែនចូលមកកម្ពុជាខុសច្បាប់ត្រូវបានសមត្ថកិច្ចឃាត់ខ្លួន

(បន្ទាយមានជ័យ)៖ លោកវរសេនីយ៍ទោ ប៉ែន សុគន្ធ មេបញ្ជាការវរសេនាតូចថ្មើរជើងលេខ៥១៤ បានឱ្យដឹងថា នៅយប់ទៀបភ្លឺឈានចូលថ្ងៃទី៣០ ខែកក្កដា ឆ្នាំ២០២១ កម្លាំងរបស់លោក សហការជាមួយកម្លាំងចម្រុះ បានឃាត់ខ្លួនជនជាតិថៃចំនួន៧នាក់ ដែលបម្រុងលួចឆ្លងដែនពីប្រទេសថៃ ចូលមកប្រទេសកម្ពុជា នៅចំណុចផ្លូវឧកញ៉ា សំ ផាន់ណារិទ្ធិ ក្នុងស្រុកអូរជ្រៅ ខេត្តបន្ទាយមានជ័យ។

លោកបានបន្តថា ជានិច្ចកាលលកម្លាំងវរសេនាតូចថ្មើរជើងលេខ៥១៤ តែងតែល្បាតជាប់ជាប្រចាំ ២៤ម៉ោង លើ២៤ម៉ោង ដោយប្តូរវេនគ្នា សហការជាមួយកម្លាំងចម្រុះ ដើម្បីទប់ស្កាត់ពលករលួចឆ្លងដែនខុសច្បាប់ និងទប់ស្កាត់ការឆ្លងរាលដាលនៃជំងឺកូវីដ១៩ មិនឱ្យចូលទៅក្នុងសហគមន៍។

បច្ចុប្បន្ននេះ ជនជាតិថៃទាំង០៧នាក់ខាងលើ ត្រូវបានសមត្ថកិច្ចបញ្ជូនទៅធ្វើចត្តាទ្បីស័ក១៤ថ្ងៃ ក្នុងស្រុកអូរជ្រៅ ខេត្តបន្ទាយមានជ័យ និងរង់ចាំបន្តអនុវត្តតាមវិធីច្បាប់ផងដែរ។ ដោយ គង់ សុខឡេង៕

Click to comment

Leave a Reply

Your email address will not be published.

Facebook