សមត្ថកិច្ចចម្រុះខេត្តប៉ៃលិន ចុះអនុវត្តបម្រាមគោចរយ៉ាងតឹងរឹងចំនួន ០៤ទីតាំង ក្នុងភូមិសាស្ត្រខេត្តប៉ៃលិន

កងកម្លាំងចម្រុះទាំង៣ប្រភេទ របស់គណៈបញ្ជាការឯកភាពខេត្តប៉ៃលិន ចុះអនុវត្តបម្រាមគោចរលើគោលដៅត្រួតពិនិត្យ ចំនួន០៤ទីតាំង យ៉ាងតឹងរឹង ក្នុងភូមិសាស្ត្រខេត្តប៉ៃលិន (ស្រុកសាលាក្រៅ ចំនួន០២គោលដៅ និងក្រុងប៉ៃលិន ចំនួន០២គោលដៅ) ក្នុងអំឡុងពេលអនុវត្តបម្រាមគោចររបស់រដ្ឋបាលខេត្ត ដោយផ្អាកជាបណ្ដោះអាសន្ននូវរាល់ការធ្វើចរាចរណ៍ និងរាល់សកម្មភាព ការងារ មុខរបរ ឬអាជីវកម្ម នៅចន្លោះម៉ោង២១៖០០នាទី ដល់ម៉ោង៣៖០០នាទីទៀបភ្លឺ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ បម្លែងថ្មីដែលតា (Delta) នាយប់ថ្ងៃទី០៣ ខែសីហា ឆ្នាំ២០២១។