Connect with us

ព័ត៌មានទាន់ហេតុការណ៍

បាងកក៖ របបដឹកនាំរដ្ឋាភិបាលយោធាថៃ គឺលោក ប្រាយុទ្ធ ចាន់អូចា កាន់តែយ៉ាប់ទៅៗហើយនៅពេលនេះ!

យោងតាមប្រភពបណ្តាញសង្គម ដែលអង្គភាពព័ត៌មានកម្ពុជាសន្តិភាពទទួលបាន នៅព្រឹកថ្ងៃសៅរ៍ទី១៤ ខែសីហា ឆ្នាំ២០២១ បានឱ្យដឹងថា ក្រុមបាតុករថៃបាននាំគ្នាដុតផ្លែឈើ នៅកណ្តាលផ្លូវក្បែរវិមានឯករាជ្យ  ជាសញ្ញានៃផលប៉ះពាល់ដល់កសិករ ដែលរដ្ឋាភិបាលមិនអើពើ និងបង្ហាញពីការបរាជ័យរបស់រដ្ឋាភិបាល  ឧត្តមសេនីយ៍ប្រាយុទ្ធចាន់អូចា។ ជាមួយគ្នានោះដែរ កាលពី​ថ្ងៃ​ពុធ ខែ-ឆ្នាំ ដដែល ថ្មីៗនេះ ក្រុមប៉ូលិ​ស​ថៃ​បាន​ប៉ះ​ទង្គិច​ជាមួយ​ក្រុម​អ្នក​តវ៉ា​អស់​រយៈ​ពេល​ ២​ ថ្ងៃ​ជាប់ៗ​គ្នា បន្ទាប់​ពី​មនុស្ស​រាប់​រយនាក់​បាន​ប្រមូល​ផ្តុំ​គ្នា​នៅ​ជិត​ផ្ទះ​របស់​លោក​នាយក​រដ្ឋ​មន្រ្តី​ ប្រាយុទ្ធ​ ចាន់-អូចា​ (Prayuth Chan-ocha) ​ដើម្បី​ទាមទារ​ឱ្យ​លោក​ចុះ​ចេញ​ពី​តំណែង​ ជុំ​វិញ​ភាព​កម្សោយ​របស់​រដ្ឋាភិបាល​ក្នុង​ការ​គ្រប់​គ្រង​ការ​រាត​ត្បាត​នៃ​ជំងឺ​កូវីដ ១៩​។

យោង​តាម​ទីភ្នាក់ងារ​សារព័ត៌មាន​រ៉យទ័រ​បានឱ្យដឹងថា ក្រុម​បាតុករ​រាប់​រយ​នាក់​ បាន​បាច​ម្សៅព​ណ៌​ទៅ​លើ​ក្រុម​ប៉ូលិស ខណៈ​ពេល​ព្យាយាម​ដើរ​ក្បួន​ទៅ​កាន់​ផ្ទះ​របស់​លោក​ប្រាយុទ្ធ ចាន់អូចា​ ហើយ​ប៉ូលិស ​បាន​តប​វិញ​ដោយ​ឧស្ម័ន​បង្ហូរ​ទឹក​ភ្នែក​ កាណុងបាញ់ទឹក និង​គ្រាប់​កាំភ្លើង​ជ័រ ​ដើម្បី​បំបែក​ហ្វូង​បាតុកម្ម​ និង​​ប្រើ​របង​លួសបន្លា​ និង​កុងតឺន័រ​ ដើម្បី​បិទ​ផ្លូវ​។​ ប៉ូលិសបាន​ការពារ​​ការ​ប្រើ​កម្លាំង​របស់​ខ្លួន​ ដោយថា​​ ជា​វិធានការ​សុវត្ថិភាព​សាធារណៈ​ដ៏​ចាំ​បាច់​មួយ​ ដើម្បី​កុំ​ឱ្យ​មាន​ការ​ខូច​ខាត​ច្រើន​​ ហើយ​និយាយ​ថា​មនុស្ស​៤៨នាក់ ​ដែល​ត្រូវ​ចាប់​ខ្លួន​ ត្រូវ​ប្រឈម​នឹង​ការ​ចោទ​ប្រកាន់​រួម​មាន​ ការ​​បំពាន​ច្បាប់​​រឹត​ត្បឹត​ ដើម្បី​ការពារ​វីរុស​កូរ៉ូណា​ ដែល​ហាម​ឃាត់​ការ​ជួប​ជុំ​​សាធារណៈ​ជា​ដើម​។​

​លោក​ ប្រាយុទ្ធ ចាន់អូចា ​​រង​ការ​រិះគន់​យ៉ាង​ខ្លាំង​ចំពោះ​យុទ្ធនាការ​ចាក់​វ៉ាក់សាំង​ ​និង​ការ​បរាជ័យ​របស់​លោក​ក្នុង​ការ​ទប់​ទល់​នឹង​រលក​ឆ្លង​នៃ​ជំងឺ​កូវីដ១៩ ​ដែល​សម្លាប់​មនុស្ស​អស់​ជាង​៦៧០០​នាក់​ និង​មាន​អ្នក​ឆ្លង​រហូត​ដល់​ជាង​ ៧៨៨ ០០០ ​ករណីទូទាំង​ប្រទេស​នេះ​​​។​ ហើយចលនា​បាតុកម្ម​ ដែល​ដឹក​នាំ​ដោយក្រុម​យុវជន​ ​ព្យាយាម​ផ្តួល​រំលំ​អតីត​មេដឹកនាំ​​យោធា​រូប​នេះ​ អំឡុងការ​ប្រមូល​ផ្តុំ​គ្នា​ដ៏​ធំ​កាល​ពី​ចុង​ឆ្នាំ​មុន​ ដោយ​ចោទ​ថា​ លោក​បាន​ឃុប​ឃិត​ជាមួយ​ប្រព័ន្ធ​នយោបាយ​របស់​​ថៃ​ ដើម្បី​បន្តការ​ដឹកនាំ​​ ប៉ុន្តែ​ត្រូវ​បាន​លោក​​ប្រាយុទ្ធ​បដិសេធ​។ ​ ថ្វី​បើមេ​ដឹកនាំ​បាតុករ​ស្នូល​ខ្លះ​នៅ​​ជាប់​ឃុំ​ក៏​ដោយ​ ចលនា​នេះ​បាន​​ងើប​ឡើង​វិញ​ ចាប់​តាំង​ពី​ស្ថានភាព​ជំងឺ​កូវីដ ១៩​ កាន់​តែ​អាក្រក់​ទៅ​ៗ​៕

ដោយ គង់ សុខឡេង។

 

Click to comment

Leave a Reply

Your email address will not be published.

Facebook