ឯកឧត្តម ខៀវ កាញារិទ្ធ៖ការចុះបញ្ជីនៅក្រសួងពាណិជ្ជកម្ម គឺដើម្បីការពារអ្នកសារព័ត៌មាន

ភ្នំពេញ៖ ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន បានមានប្រសាសន៍ថា ការ​ចុះ​បញ្ជី​នៅក្រសួង​ព័ត៌​មាន ប្រយោជន៍ការពារអ្នកសារព័ត៌មានខ្លួនឯង។ ឯកឧត្តមបានថ្លែងបែបនេះ នៅក្នុងជំនួបសម្តែងការគួរសមជាមួយនឹងក្រុមការងារអង្គភាពព័ត៌មានកម្ពុជាសន្តិភាព នៅព្រឹកថ្ងៃទី១៧ ខែសីហា ឆ្នាំ២០២១ ​នេះ។

ឯកឧត្តមបានថ្លែងថា៖ «គ្រប់អង្គភាព​សារព័ត៌មានទាំងអស់ត្រូវ​ចុះបញ្ជីនៅ​ក្រសួង​ពាណិជ្ជ​កម្ម​បន្ថែ​ម​ទៀត​ ក្រោយ​ពីបាន​ចុះ​បញ្ជី​នៅក្រសួង​ព័ត៌​មានរួចហើយ ពីព្រោះការចុះបញ្ជីនេះ អង្គភាពត្រូវបង់ពន្ធជូនរដ្ឋតាមគោលការណ៍កំណត់របស់រដ្ឋ ប្រយោ​ជ​ន៍​ដើម្បី​ការ​ពារអ្នកសារ​ព័ត៌​មានខ្លួនឯង»។ «ពេលអង្គភាពបង់ពន្ធជូនរដ្ឋ រដ្ឋនឹងចេញបណ្ណរបបសន្តិសុខសង្គមដល់បុគ្គលិក តាមការស្នើសុំរបស់អង្គភាពនោះ»។ «ម្យ៉ាង​វិញ​ទៀត ពួកគាត់​អាច​ទទួល​បាន​ប្រាក់ចូលនិវត្តន៍ទៀតផង» ។ ពាក់ព័ន្ធការបង់ពន្ធជូនរដ្ឋ ឯកឧត្តមបានមានប្រសាស​ន៍​ថា អាស្រ័យលើប្រាក់ចំណូលរបស់អង្គភាព រដ្ឋមិនមានការបង្ខិតបង្ខំ ថាត្រូវតែបង់ពន្ធនោះទេ។

លោកអគ្គនាយក  វណ្ណ សុភានោ បានថ្លែងអំណរគុណយ៉ាងជ្រាវជ្រៅចំពោះ ប្រសាសន៍ណែនាំដ៏មានអត្តន័យនិងប្រយោជន៍ដ៏ខ្ពង់ខ្ពស់របស់ឯកឧត្តម រដ្ឋមន្ត្រីក្រសួងពត៌មាន ជាពិសេស ដែលបានអនុញ្ញាតដ៏ខ្ពង់ខ្ពស់ឱ្យក្រុមការងារអង្គភាពព័ត៌មានកម្ពុជាសន្តិភាពចូលជួបសម្តែងការគួរសម និងបានជូនផលិតផលថែរក្សារសុខភាព​របស់ក្រុមហ៊ុនអរអេហ្វស្រ៊ីវើលដ៏ម៉ាឃេតធីងខេមបូឌា និងម៉ាស់ព្រមទំាងអាល់កុលមួយចំនួ​នជូនក្រសួងដើម្បីប្រើប្រាស់ផងដែរ។

ក្នុងឳកាសនោះដែរ ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន បានជូនពរដល់ក្រុមការងារអង្គភាពព័ត៌​មានកម្ពុជាសន្តិភាពទទួលបាននូវពុទ្ធពរទាំង៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

ដោយ គង់ សុខឡេង។