ព័ត៌មានជាតិ
ផ្លូវថ្នល់ជាតិសំខាន់ៗជាច្រើនខ្សែរ ក្នុងភូមិសាស្រ្តខេត្តចំនួន៩ ក្រសួង កំពុងបង្កើនការថែទាំ
ផ្លូវថ្នល់ជាតិសំខាន់ៗជាច្រើនខ្សែ នៅតាមបណ្តាខេត្តចំនួន៩ ត្រូវបានបង្កើនការយកចិត្តទុកដាក់ថែទាំ ដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ ការដឹកជញ្ជូនឆ្លងកាត់ និងជួយធ្វើឱ្យការប្រើប្រាស់បានយូរ។នេះបើតាមការឲ្យដឹងពី ក្រសួងសាធារណការ និងដឹកជញ្ជូនកាលពីថ្ងៃទី២៧ ខែសីហា ឆ្នាំ២០២១នេះ។
ក្រសួងសាធារណការ និងដឹកជញ្ជូនកាល បានឲ្យដឹងថា នៅថ្ងៃទី ២៣-២៦ ខែ សីហា ឆ្នាំ២០២១កន្លងទៅនេះ មន្ទីរសាធារណការ និងដឹកជញ្ជូន ខេត្តបាត់ដំបង តាកែវ បន្ទាយមានជ័យ សៀមរាប រតនគីរី កែប ត្បូងឃ្មុំ ក្រចេះ និងខេត្តកោះកុង បានបន្តខិតខំយកចិត្តទុកដាក់ចុះត្រួតពិនិត្យថែទាំគុណភាពផ្លូវថ្នល់ជាតិ លើកំណាត់ផ្លូវជាតិលេខ៥ លេខ៦ លេខ៨ លេខ៣៣ លេខ៤៨ លេខ៧៣ លេខ៥៦ លេខ៥៧ លេខ៦៧ លេខ៦៨ លេខ៧៣ លេខ៦៤ លេខ៧៨ លេខ៤៨-៥ លេខ៣៣A និងផ្លូវថ្នល់ជាច្រើនខ្សែផ្សេងទៀត ដែលបានរងការខូចខាតក្លាយជាជង្ហុកសំបុកមាន់ ត្រូវបានជួសជុលផងដែរ។
យ៉ាងណាណា ក្រសួងសាធារណការ និងដឹកជញ្ជូនកាល ក៏បានស្នើថា ប្រសិនបើពលរដ្ឋជួបបញ្ហាផ្លូវថ្នល់ខូច មានជង្ហុកសំបុកមាន់ សូមចូលរួមសហការ ក្នុងការថតរាយការណ៍មកក្រសួង ដោយប្រើប្រាស់កម្មវិធីថែទាំផ្លូវ (ROAD CARE Mobile App) ដេីម្បីជាការចូលរួមថែរក្សាផ្លូវថ្នល់របស់យេីង អាចប្រើប្រាស់បានយូរអង្វែង៕
ចិន និងជប៉ុន ដាក់ចុះជម្លោះនយោបាយទុកមួយកន្លែងសិន ជួយផ្ដល់ជំនួយហិរញ្ញវត្ថុ និងស្បៀងដល់ប្រទេសស៊ូដង់ដែលកំពុងឆាបឆេះសង្គ្រាម
ចំណងដៃថ្មី សម្រាប់ប្រជាពលរដ្ឋរស់នៅភូមិពូត្រុំ (ដំរីជាន់) ក្នុងសង្កាត់រមនា ទទួលបានផ្លូវក្រាលកៅស៊ូ ប្រវែង២.៥០០ម៉ែត្រ
ព្រឹកនេះសម្តេចតេជោនាយករដ្ឋមន្រ្តី អញ្ជើញសម្ពោធដាក់ឱ្យប្រើប្រាស់ស្ពានឆ្លងទន្លេសាប និងស្ពានអាកាសឫស្សីកែវ
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
នំបញ្ចុកសៀមរាប ផលិតឡើងតាមរូបមន្តពីបុរាណរបស់អ្នកឃុំព្រះដាក់ ត្រៀមចុះបញ្ជីម៉ាកសមូហភាព ដើម្បីលើកកម្ពស់ភាពប្រកួតប្រជែងនៅលើទីផ្សារ
