លោក វណ្ណ សុភានោ អគ្គនាយកក្រុមហ៊ុនអរអេហ្វស្រ៊ីវើលដ៍ ម៉ាឃេតធីង ខេមបូឌា ខូអែលធីឌី និងលោកស្រី ផាន់ ណារ៉ា បាននាំយកអំណោយផ្ទាល់ខ្លួន ជូនគ្រួសារ ខ្វះខាត នៅខេត្តកំពង់ចាម

នៅរសៀលថ្ងៃអាទិត្យ៦រោច ខែស្រាពណ៍ ឆ្នាំឆ្លូវ ពុទ្ធសករាជ២៥៦៥ ត្រូវនឹងថ្ងៃទី២៩ ខែសីហា ឆ្នាំ២០២១ លោក វណ្ណ សុភានោ អគ្គនាយកក្រុមហ៊ុនអរអេហ្វស្រ៊ីវើលដ៍ ម៉ាឃេតធីង ខេមបូឌា ខូអែលធីឌី និងលោកស្រី ផាន់ ណារ៉ា អមដំណើរដោយថ្នាក់ដឹកនាំ សមាជិក សមាជិកា បុគ្គលិក ក្រុមហ៊ុន បាននាំយកអំណោយ ជាអង្ក ត្រីខ ទឹកត្រី ទឹកស៊ីអ៊ីវ មី និងថវិកាមួយចំនួន ព្រមទាំងផលិតផលក្រុមហ៊ុន គ្រីមហ្វ៊ឺមែកស្រ៊ី សម្រាប់ជួយសម្រួលបញ្ហាសុខភាព ជូនដល់គ្រួសារខ្វះខាត របស់លោក ម៉ាត់ គឹមរ៉ី អាយុ៤០ឆ្នាំ ដែលមានភរិយា ឈ្មោះណាន់ ស្រីវ៉ាស អាយុ៣៦ឆ្នាំ មានជំងឺមហារីកសុដន់ដំណាក់កាលចុងក្រោយ និងកូន០២នាក់ក្នុងបន្ទុកគ្រួសារ នៅភូមិគីឡូបី ឃុំព្រៃកក់ ស្រុកស្ទឹងត្រង ខេត្តកំពង់ចាម។

នៅក្នុងឳកាសនោះដែរ មានការអញ្ជើញចូមរួមពីសំណាក់លោកប្រធានប៉ុស្តិ៍រដ្ឋបាល ឃុំព្រៃកក់ លោក អនុប្រធានសមាគមយុវជន ដើម្បីសហគមន៍មូស្ល៊ីមកម្ពុជា លោកមេភូមិ គីឡូបី ឃុំព្រៃកក់ ស្រុកស្ទឹងត្រង ខេត្តកំពង់ចាម។

បើតាមការរៀបរាប់របស់អ្នកស្រី ហ៊ា ខចាស អាយុ៥៨ ឆ្នាំ និងលោក ម៉ាត់ ម៉ាន អាយុ៥៩ឆ្នាំ ដែលត្រូវជាឳពុក-ម្តាយបង្កើតរបស់អ្នកស្រី ណាន់ ស្រីវ៉ាស ថា ចាប់តាំងពីកូនស្រីគាត់ (ណាន់ ស្រីវ៉ាស) កើតជំងឺមហារីកសុដន់មក ពួកគាតខិតខំប្រឹងព្យាយាមមើលថែដោយចំណាយលុយកាក់ ទ្រព្យសម្បត្តិអស់ជាច្រើន ក្នុងរយៈពេលជាង៥ឆ្នាំមកនេះ រហូតធ្លាក់ខ្លួនអស់លទ្ធភាពមើល សូម្បីតែឳពុក-ម្តាយ ឬបងប្អូន។ អ្នកស្រី ហ៊ា ខចាស បានបន្តថា សព្វថ្ងៃនេះ ពួកគាត់រស់នៅក្នុងបន្ទុកគ្រួសារតែមួយ ដែលមានសមជិកគ្រួសារច្រើន ដោយអ្នកស្រីបានបញ្ជាក់ថា អ្នកស្រីមានកូនប្រុស ស្រីដល់ទៅ០៩នាក់ ប្រុស០៥នាក់ ស្រី០៤នាក់ មានគ្រួសារ០៧នាក់ នៅលីវ០២នាក់។ លោក ម៉ាត់ ម៉ាន ដែលជាស្វាមី របស់អ្នកស្រី បានបន្តថា  លោកគ្មានមុខរបរអ្វីក្រៅពីការធ្វើការងារស៊ីឈ្នួលគេនោះទេ រកបានប្រាក់បន្តិចបន្តួចមកបន្តមើលថែកូនស្រីផង និងផ្គត់ផ្គង់គ្រួសារផង ។ ចំណែកឯ លោក ម៉ាត់ គឹមរ៉ី ដែលត្រូវជាប្តីរបស់អ្នកស្រី ណាន់ ស្រីវ៉ាស (អ្នកជំងឺមហារីកសុដន់) បានលើកឡើងថា រូបលោកក៏មានជំងឺឫសដូងបាតផងដែរ ហើយធ្វើការងារធ្ងន់មិនបាន ។ ដោយហេតុនេះ ទើបគ្រួសារនេះ មានការលំបាក ខ្វះមុខ ខ្វះក្រោយ ក្នុងជីវភាពប្រចាំថ្ងៃ។

ដោយមើលឃើញការខ្វះខាតក្នុងជីវភាពមុខ-ក្រោយ នៃគ្រួសារនេះ ទើបលោក រ៉ូ សេត អនុប្រធានសមាគមយុវជនដើម្បីសហគមន៍មូស្ល៊ីមកម្ពុជា បានទាក់ទងមកលោក វណ្ណ សុភានោ អគ្គនាយកក្រុមហ៊ុន អរអេហ្វស្រ៊ីវើលដ៍ ម៉ាឃេតធីង ខេមបូឌា ខូអែលធីឌី ដើម្បីជួយផ្តល់ជាអំណោយសប្បុរសធម៌ដល់គ្រួសារនេះ។ ដោយទឹកចិត្តមេត្តា អាណិត អាសូ លោក វណ្ណ សុភានោ អគ្គនាយកក្រុមហ៊ុនអរអេហ្វស្រ៊ីវើលដ៍ កម្ពុជា និងលោកស្រីផាន់ ណារ៉ា បានដឹកនាំក្រុមការងារចុះមកពិនិត្យអ្នកជំងឺ និងផ្តល់អំណោយរួមមាន៖ អង្កបីបេ ត្រីខបីយួរ ទឹកត្រីមួយយួរ ទឹកស៊ីវអ៊ីវមួយយួរ មី៣កែស និងផលិតផល​ក្រុមហ៊ុនគ្រីម​ហ្វឺម៉ែច​ស្រ៊ី៥ប្រអប់ រីវៀមែកស្រ៊ី៣ប្រអប់ ហ្ស៊ូលមែកស្រ៊ី៤ប្រអប់ រួមទាំងថវិកាចំនួនហាសិបពាន់រៀល សរុបទាំងអស់ស្មើ ៩៣១ ដូល្លាសហរដ្ឋអាមេរិក ដើម្បីជួយសម្រាលបន្ទុកការលំបាកនេះ។ លោក វណ្ណ សុភា​​នោ បានមានប្រសាសន៍ថា នេះជាទឹកចិត្តស្រឡាញ់ រាប់អាន និងក្តីមេត្តា អាណិត ក្នុងនាមជាមនុស្សជាតិដូចគ្នា ។ លោក បានបន្ថែមថា សូមជួយមើលថែអ្នកជំងឺ ជាមួយគ្រីមហ្វឺមែកស្រ៊ី ដែលជាគ្រីមជួយសម្រួលបញ្ហាសុខភាព ពីព្រោះផលិតផលគ្រីមហ្វឺមែកស្រ៊ី របស់ក្រុមហ៊ុន តែងតែបានជួយសម្រួលបញ្ហាសុខភាពរបស់ប្រជាពលរដ្ឋទូទៅនៅក្នុងព្រះរាជាណាចក្រកម្ពុជា។

ក្រុមគ្រួសារលោក ម៉ាត់ ម៉ាន មានសេចក្តីត្រេកអរជាពន់ពេក និងបានថ្លែងអំណរគុណដ៏ជ្រាលជ្រៅបំផុតមកកាន់លោក អគ្គនាយក វណ្ណ សុភានោ និងលោកស្រី ផាន់ ណារ៉ា ថ្នាក់ដឹកនាំ សមាជិក សមាជិកា បុគ្គលិក នៃក្រុមហ៊ុនអរអេហ្វស្រ៊ីវើលដ៍ ម៉ាឃេតធីង ខូអែលធីឌី ទទួលបាននូវសុខុមាលភាពល្អបរិបណ៌ សុភមង្គល និងរីកចម្រើនជាភិយ្យោភាព៕

ដោយ គង់ សុខឡេង។