Connect with us

ព័ត៌មានជាតិ

ឆមាសទី១ ឆ្នាំ២០២១ សមត្ថកិច្ចបង្រ្កាបគ្រឿងញៀនបានចំនួន ៣២៥៩ករណី ឃាត់ខ្លួនជនសង្ស័យ៧ ២៦៣នាក់

រាជធានីភ្នំពេញ៖ ជនសង្ស័យចំនួន ៧២៦៣នាក់ ស្រី ៤០៦នាក់ (ជនបរទេស ១៤៤នាក់ ស្រី ១៤នាក់ មាន ៨សញ្ជាតិ) ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាទបទល្មើសគ្រឿងញៀន ចំនួន ៣២៥៩ករណីទូទាំងប្រទេស នៅឆមាសទី១ ឆ្នាំ២០២១នេះ ។

យោងតាមរបាយការណ៍របស់អគ្គស្នងការនគរបាលជាតិបានឲ្យដឹងថា ក្នុងចំណោមជនសង្ស័យទាំង ៧២៦៣នាក់ រួមមាន៖ ជួញដូរ រក្សាទុក កែច្នៃ ចាត់ចែង ២១៣១ករណី ឃាត់ ៤១៥៨នាក់ (ស្រី ២៧៦នាក់) និងដាំដុះ ២៨ករណី ឃាត់ ៦នាក់ (ស្រី ៣នាក់), ប្រើប្រាស់ ១១០០ករណី ឃាត់ ៣០៩៩នាក់ (ស្រី ១២៧នាក់), អនុវត្តដីកា ២២៩ដីកា ឃាត់ ២១១នាក់ (ស្រី ៩នាក់)។

សារធាតុញៀនគ្រប់ប្រភេទចាប់យកសរុបរួមមាន៖ ៧៥៣គីឡូក្រាម ៩៣៣,១៨ក្រាម និងកញ្ឆាស្ងួត ៦៣គីឡូក្រាម ១១០,៩៥ក្រាម។

សម្ភារចាប់យករួមមាន៖ រថយន្ត ៦១គ្រឿង ម៉ូតូ ១០១៥គ្រឿង ទូរស័ព្ទ ៣២៥៤គ្រឿង ជញ្ជីង ១៦២គ្រឿង អាវុធខ្លី ២៦ដើម អាវុធវែង ១៩ដើម (កែច្នៃ ១៨ដើម)។ លុយខ្មែរ ៨,៣៩៤,២០០រៀល លុយដុល្លារ ១,២៦៤ដុល្លារ លុយថៃ ២៤,៤២០បាត និងលុយវៀតណាម ២១,០០០ដុង។ ឃាត់ទុកទ្រព្យសម្បត្តិ ផ្ទះ និងដី ២កន្លែង ក្នុងនោះ មន្ទីរ(ក៤) ផ្ទះ និងដី១កន្លែង ភូមិអំបិល ឃុំចារ ស្រុកព្រៃកប្បាស ខេត្តតាកែវ និងស្នងការដ្ឋាននគរបាលខេត្តបណ្ទាយមានជ័យ ផ្ទះ និងដី ១កន្លែង ភូមិអូរអំបិល ឃុំទួលពង្រ ស្រុកម៉ាឡៃ៕

Click to comment

Leave a Reply

Your email address will not be published.

Facebook