Connect with us

ព័ត៌មានអន្តរជាតិ

បន្ទាប់ពីគ្រូបង្រៀនត្រូវបានបាញ់សម្លាប់ មនុស្សរាប់រយនាក់ត្រូវបានឃុំខ្លួននៅកាស្មៀប្រទេសឥណ្ឌា

(ឥណ្ឌា)៖ មន្រ្តីរដ្ឋាភិបាលឥណ្ឌាបានប្រាប់ AFP នៅថ្ងៃអាទិត្យទី ១០ ខែតុលានេះថា មនុស្សរាប់រយនាក់នៅក្នុងតំបន់កាស្មៀ ដែលគ្រប់គ្រងដោយឥណ្ឌាត្រូវបានចាប់ខ្លួនដោយប៉ូលីសស៊ើបអង្កេតពីការសង្ស័យថា បានសម្លាប់ដោយក្រុមឧទ្ទាម។ នេះបើយោងតាមការចេញផ្សាយដោយសារព័ត៌មាន CNA។ ភាពតានតឹងបានកើនឡើងនៅក្នុងតំបន់ដែលមានប្រជាជនភាគច្រើនកាន់សាសនាអ៊ីស្លាម ដែលត្រូវបានជំទាស់ដោយប្រទេសជិតខាង ដែលមានអាវុធនុយក្លេអ៊ែរឥណ្ឌានិងប៉ាគីស្ថាន បន្ទាប់ពីទីក្រុងញូវដេលីបានដកហូតស្វ័យភាពពាក់កណ្តាលរបស់កាស្មៀកាលពីខែសីហាឆ្នាំ ២០១៩ និងបានដឹកនាំគ្រប់គ្រងផ្ទាល់។

ជនស៊ីវិល ៧ នាក់ត្រូវបានបាញ់សម្លាប់ក្នុងរយៈពេល ៦ ថ្ងៃកាលពីសប្តាហ៍មុន ដែលបង្កឱ្យមានកំហឹងជាសាធារណៈ នៅក្នុងតំបន់កាស្មៀ និងទូទាំងប្រទេស។ មន្រ្តីប៉ូលីសជាន់ខ្ពស់ម្នាក់បានប្រាប់ AFP ក្នុងលក្ខខណ្ឌអនាមិកថា អ្នកស្រុកជិត ៥០០ នាក់ដែលត្រូវបានសង្ស័យថា មានទំនាក់ទំនងជាមួយក្រុមសាសនានិងពួកសកម្មប្រយុទ្ធត្រូវបានឃុំខ្លួននៅទូទាំងទឹកដី បន្ទាប់ពីការបាញ់ប្រហារនេះ។ ក្រុមមន្រ្តីបាននិយាយថាកម្លាំងពិសេសប្រឆាំងភេរវកម្មរបស់ឥណ្ឌា ទីភ្នាក់ងារស៊ើបអង្កេតជាតិបានកោះហៅគ្រូបង្រៀនចំនួន ៤០ នាក់ នៅក្នុងទីក្រុងស្រ៊ីណាហ្ការ (Srinagar) ដើម្បីធ្វើការសាកសួរ ។

អាជ្ញាធរនិយាយថាជនស៊ីវិលយ៉ាងតិច ២៩ នាក់រួមទាំងកម្មករមកពី គណបក្សនយោបាយគាំទ្រឥណ្ឌា ត្រូវបានគេបាញ់សម្លាប់នៅតំបន់កាស្មៀរហូតមកដល់ឆ្នាំនេះ។ កាលពីថ្ងៃសៅរ៍អង្គការឃ្លាំមើលសិទិ្ធមនុស្សបានអំពាវនាវឱ្យជនល្មើសក៏ដូចជាកងកម្លាំងសន្តិសុខឥណ្ឌាដែលត្រូវបានចោទប្រកាន់ពីការ រំលោភបំពាន រួមមានការយាយី ទារុណកម្មនិងការសម្លាប់ក្រៅប្រព័ន្ធតុលាការ ឲ្យទទួលខុសត្រូវចំពោះសកម្មភាពរបស់ពួកគេ។ ក្រុមឧទ្ទាមបានប្រយុទ្ធជាមួយទាហានឥណ្ឌាអស់រយៈពេលជាងបីទសវត្សរ៍មកហើយ ក្នុងការទាមទារឯករាជ្យសម្រាប់កាស្មៀ ឬការរួម បញ្ចូលគ្នាជាមួយប៉ាគីស្ថាន។ ជម្លោះនេះបានបណ្តាលឲ្យជនស៊ីវិល ទាហាន និង ក្រុមឧទ្ទាមរាប់ម៉ឺននាក់ស្លាប់៕
ដោយ៖ ស្រីពៅ

Click to comment

Leave a Reply

Your email address will not be published. Required fields are marked *

Facebook