Connect with us

ព័ត៌មានទាន់ហេតុការណ៍

អូស្ត្រាលី​ប្រកាស​អ្នក​ស្លា​ប់​ដំបូង​ដោយសារ​វីរុស​បំ​​ប្លែង​​ថ្មី Omicronដំបូង

អូស្ត្រាលី ៖ ប្រទេស​អូស្ត្រាលី នៅ​ថ្ងៃ​ច័ន្ទ​ ទី​​២៧ ធ្នូ​ ឆ្នាំ ២០២១នេះ​ បាន​ប្រកាស​ពី​អ្នក​ស្លា​ប់​ដំបូង​ដោយសារ​វីរុស​​បំប្លែង​​ថ្មី Omicron ចំ​ពេល​មាន​ករណី​ឆ្លង​កើនឡើង​ប្រចាំ​ថ្ងៃ​។ ទោះ​យ៉ាងណា​អាជ្ញាធរ​មិន​ចាត់វិធានការ​ដាក់​កំហិត​ថ្មី​ឡើយ ដោយហេតុ​ថា​អត្រា​ចូល​មន្ទីរពេទ្យ​នៅ​មាន​កម្រិត​ទាប​ នេះតាមព័ត៌មានដែលអង្គភាពកម្ពុជាសន្តិភាពទទួលបាន នៅព្រឹក​ ថ្ងៃចន្ទ ទី២៧ ខែ ធ្នូ ឆ្នាំ២០២១។

នៅក្នុងករណី​ស្លា​​ប់​ដំបូង​នេះ​កើត​លើ​អ្នកជំងឺ​វ័យ​ជាង​៨០​ឆ្នាំ ហើយ​វា​ជា​ចំណុច​មិនល្អ​មួយ​សម្រាប់​អូស្ត្រាលី ដែល​បាន​ផ្អាក​ដំណាក់កាល​មួយ​ចំនួន​ក្នុង​ការ​បើក​ប្រទេស​ឡើង​វិញ ក្រោយ​ពេល​បិទ​ខ្ទប់​អស់​ជិត ២​ឆ្នាំ​ដោយសារ​ការ​រាតត្បាត​កូ​វី​ដ ១៩ ជាពិសេសវត្តមានរបស់មេរោគបំលែងខ្លួនថ្មីអូមីក្រុង។

វីរុស​​បំប្លែង​​ថ្មី Omicron ដែល​អ្នកជំនាញ​សុខភាព​និយាយ​ថា​មានការ​ឆ្លង​ខ្លាំង​ជាង​វីរុស​មុន បាន​ចាប់ផ្តើម​រាតត្បាត​នៅ​ក្នុង​ប្រទេស​អូស្ត្រាលី ខណៈ​ដែល​ប្រទេស​នេះ​បាន​ដក​ការ​រឹត​បន្តឹង​ព្រំដែន​ក្នុងស្រុក​ភាគច្រើន និង​អនុញ្ញាតិ​ឲ្យ​ប្រជាពលរដ្ឋ​វិល​ចូល​ប្រទេស​វិញ​ដោយ​មិន​មានការ​ធ្វើ​ច​ត្តា​ឡី​ស័កកន្លងមក​។

តាមអាជ្ញាធរ​មិន​បាន​បញ្ជាក់​បន្ថែម​ពី​ករណី​ស្លា​​ប់​ដំបូង​ដោយសារ Omicron ឡើយ​ដោយ​គ្រាន់តែ​និយាយ​ថា អ្នកជំងឺ​ឆ្លង Omicron នៅ​មណ្ឌល​ថែរក្សា​មនុស្ស​ចាស់ និង​បាន​ស្លា​.​ប់​ក្នុង​មន្ទីរពេទ្យ​ស៊ី​ដនី​។

គួររំលឹកថាគិត​ត្រឹម​ថ្ងៃ​ទី ២៦ ខែធ្នូ ប្រទេស​អូស្ត្រាលី​មានការ​ឆ្លង​កូ​វី​ដ ១៩​ជាង ២៩១.០០០​ករណី និង​ស្លា​​ប់ ២.១៦២​នាក់​។ ប្រទេស​នេះ​មាន​ប្រជាជន​សរុប​ជាង ២៥​លាន​នាក់​។

សូម​រម្លឹក​ថា Omicron ត្រូវ​បាន​អ្នក​វិទ្យាសាស្ត្រ​អា​ហ្វ្រិ​ច​ខាងត្បូង​រក​ឃើញ និង​បាន​រាយការណ៍​ទៅ​ដល់​អង្គការ​សុខភាព​ពិភពលោក​កាលពី​ថ្ងៃ​ទី ២៤ ខែ​វិ​ច្ឆិកា​។ រហូត​មក​ដល់​ពេល​នេះ វីរុស​នេះ​បាន​ធ្វើ​ដំណើរ​ទៅ​ដល់​ប្រទេស​ជាង៨០​ជុំ​វិ​ញ​ពិភពលោក រួម​ទាំង​កម្ពុជា​ផង​ដែរ​។

អង្គការ​សុខភាព​ពិភពលោក​ប្រកាស​ថា ការ​ចាក់​វ៉ាក់សាំង​មាន​ស្រាប់​ដូ​ស​ជំរុញ​អាច​ប្រឆាំង​នឹង​វីរុស Omicron បានផងដែរដូច្នេះការចាក់វ៉ាក់សាំងនៅតែជាកាតព្វកិច្ចចាំបាច់ដដែលដើម្បីការពារការឆ្លងកូវិដ១៩​៕

Click to comment

Leave a Reply

Your email address will not be published.

Facebook