Connect with us

ព័ត៌មានជាតិ

អន្តរក្រសួងប្រជុំគ្នាជួសជុលហេដ្ឋារចនាសម្ព័ន្ធ និងផ្លូវថ្នល់​ដែលខូចខាតដោយសារទឹកជំនន់

ភ្នំពេញ៖ មន្រ្តីជាន់ខ្ពស់ក្រសួង និងអង្គភាពពាក់ព័ន្ធ កំពុងប្រជុំគ្នា ដើម្បីវាយតម្លៃលើផលប៉ះពាល់ ​ការ​ពិភា​ក្សា​​លើគោ​ល​កា​រណ៍ និងនីតិវិធីសម្រាប់អនុវត្តគម្រោងស្តារឡើងវិញនូវហេដ្ឋារចនាសម្ព័ន្ធផ្លូវថ្នល់ និងប្រ​ព័​ន្ធធារា​សា​ស្រ្ត ដែ​ល​រងខូ​ចខាត​ដោ​យ​សារ​ជំនន់ទឹកភ្លៀងឆ្នាំ២០២០។

លោក វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការនៃ​ក្រ​សួងសេដ្ឋកិច្ច និងហិរញ្ញវត្ថុ និង​លោ​ក លឹម គានហោ រដ្ឋមន្រ្តីក្រ​សួ​ង​ធនធានទឹក និង​ឧតុ​និ​យម នៅថ្ងៃទី ០៤ខែវិច្ឆិកា បានដឹកនាំ​មន្រ្តីជំនាញ​ពាក់ព័ន្ធប្រជុំ​វាយ​តម្លៃ​លើផលប៉ះពាល់ ​ពិភា​ក្សា​​លើគោ​ល​កា​រណ៍ និងនីតិវិធីសម្រាប់អនុវត្តគម្រោងស្តារឡើងវិញនូវហេដ្ឋារចនាសម្ព័ន្ធផ្លូវថ្នល់ និងប្រ​ព័​ន្ធធារា​សា​ស្រ្តដែ​ល​រងខូ​ចខាតដោយសារជំនន់ទឹកភ្លៀងឆ្នាំនេះ។

លោក វង្សី វិស្សុត បានថ្លែង​ថា ដោយផ្អែកលើស្ថានភាពនៃការរង​ខូចខាតដោយទឹ​កជំនន់ទឹក​ភ្លៀង​ឆ្នាំ​២០២០ រាជរដ្ឋា​ភិបា​ល​បាន​ផ្តល់​អាទិភាពខ្ពស់បំផុតលើ​​​ការជួយសង្គ្រោះបន្ទាន់​ដល់ប្រជាជន​ដែលទទួល​រងផ​ល​ប៉ះពាល់ពីគ្រោះទឹកជំន​ន់ ​ការ​ជួ​ស​ជុល​ឡើងវិញជាបន្ទាន់នូវហេដ្ឋារចនាសម្ព័ន្ធដែលរងការខូតខាតខ្លាំង ដើ​ម្បី​​​ធ្វើ​ប្រ​​ក្រតីកម្មនូវជីវភាពរស់​នៅរបស់ប្រជាជន​មិ​នឱ្យមា​នការប៉ះពាល់។
​ការរៀបចំគម្រោ​ង​ស្តា​រឡើងវិញលើ​ហេដ្ឋា​រច​នា​ស​ម្ព័ន្ធផ្លូវថ្នល់, ប្រព័ន្ធធារាសាស្រ្ត​ និងប្រព័ន្ធស្រោចស្រព ដោ​យ​​គិតគូរការប​ញ្ចូ​លជា​បណ្តើរៗនូវ​សមាសភាពការប្រែ​ប្រួ​ល​អា​កាសធាតុ (Climate Change) ឬទ​ស្សនាទានហេដ្ឋា​រចនាសម្ព័ន្ធបៃតង (Green Infrastructure) ដែលបាន​អ​នុ​វត្ត​កន្លងមកជាមួ​យ​ដៃគូអភិវឌ្ឍន៍ ដើម្បីពង្រឹងភាពធន់ទៅនឹង​ការប្រែប្រួលអាកា​ស​ធា​តុ (Resiliency) និងបញ្ចៀ​ស​ផល​ប៉ះ​ពាល់ផ្សេងៗនាពេលអនាគត។

​លោកបន្តថា ​លោកបានស្នើ​ដាក់​ចេញ​នូវ​ក្រប​​ខ័​ណ្ឌរួមសម្រាប់ការស្តារឡើ​ងវិញនេះ ដើម្បីគោរពរាយការណ៍ជូន​រាជរដ្ឋាភិបា​លពិ​និ​ត្យ និងសម្រេច ដោយ​ផ្អែកលើគោ​ល​ការណ៍ជាមូលដ្ឋានសំខាន់ៗដូចជា ការធ្វើអាទិភាពភាវូបនីយកម្មគម្រោង ដោយផ្អែ​កលើ​ភាព​បន្ទាន់​នៃ​គ​​ម្រោ​ង។
ទីតាំងភូមិសាស្រ្ត ដែល​ទទួល​រងផលប៉ះពាល់តាមកម្រិត ពីខ្លាំ​ងទៅទាប, ការតម្រង់ទិស និងជំរុញ​ប្រើ​ប្រា​​ស់​ថវិកា​ដែល​មា​ន​​ស្រា​ប់ឱ្យអស់លទ្ធភាព និង​ចំអាទិភាព និងចំពោះគម្រោង​ស្តារឡើងវិញ​ដែលមានទំហំថវិកាធំ នឹង​ពិភាក្សាជាមួយដៃ​គូ​អភិ​វឌ្ឍ​ន៍ស្នើសុំហិរញ្ញប្បទាន តែបើក្នុងករណីបន្ទាន់ និងចាំ​បាច់​ខ្លាំង អាចពិនិត្យស្នើសុំ​ប្រើ​ប្រា​ស់ថវិ​កា​ជា​តិតែម្តង៕

Click to comment

Leave a Reply

Your email address will not be published.

Facebook