ព័ត៌មានជាតិ
ក្រសួងអភិវឌ្ឍន៍ជនបទ ត្រូវការថវិកាជាង៦៥លានដុល្លារ ដើម្បីស្ដារឡើងវិញផ្លូវជនបទជាង៥០០ខ្សែ
អ្នកនាំពាក្យក្រសួងអភិវឌ្ឍន៍ជនបទ បានឲ្យដឹងថា ក្រសួងអភិវឌ្ឍន៍ជនបទ ត្រូវការថវិកាជាង៦៥លានដុល្លារ ដើម្បីស្ដារឡើងវិញផ្លូវជនបទជាង៥០០ខ្សែ។ថវិកាចំណាយនេះ គឺជាការប៉ាន់ស្មានបឋមដែលត្រូវស្នើទៅក្រសួងសេដ្ឋកិច្ច ដើម្បីបានថវិកាពីក្រសួងនិងដៃគូរពាក់ព័ន្ធសម្រាប់ជួសជុលនិងតភ្ជាប់ផ្លូវឡើងវិញ។
អ្នកនាំពាក្យក្រសួងអភិវឌ្ឍន៍ជនបទ លោក ចាន់ ដារ៉ុង រដ្ឋលេខាធិការ បានថ្លែងតាមរយៈប្រព័ន្ធផ្សាយក្នុងស្រុក កាលពីថ្ងៃទី៥ ខែ វិច្ចិកាថា ផ្លូវនៅជនបទនៅទូទាំងប្រទេស ដែលខូចខាតដោយទឹកជំនន់មាន៥៥៣ខ្សែ។ ផ្លូវទាំងនេះ បើគិតជាប្រវែងមានជាង៤ពាន់គីឡូម៉ែត្រ ហើយក្នុងនោះផ្លូវដែលរងផលប៉ះពាល់ខ្លាំង រហូតដល់ដាច់ផ្លូវមានជាង២ពាន់គីឡូម៉ែត្រ។ លោកបន្តថា ផ្លូវក្នុងខេត្តបន្ទាយមានជ័យ បាត់ដំបង ពោធិ៍សាត់ ប៉ៃលិន និងខេត្តសៀមរាប រងផលប៉ះពាល់ខ្លាំងជាងគេ។
លោកបានបញ្ជាក់បន្តថា មន្ត្រីជំនាញរបស់នាយកដ្ឋានខាងជួសជុលផ្លូវគឺកំពុងបន្តការងារជួសជុលផ្លូវជាបន្តទៀត ដើម្បីធានាបាននូវសុខសុវត្ថិភាពសម្រាប់ប្រជាពលរដ្ឋ។ មួយវិញទៀត ក្រសួងអភិវឌ្ឍន៍ជនបទនៅតែបន្តការវាយតម្លៃពីទំហំខូចខាតដោយសារទឹកជំនន់។យ៉ាងណា លោកថា ក្នុងកិច្ចការស្ដារផ្លូវជាង៥០០ខ្សែនេះឡើងវិញ គឺអាចនឹងត្រូវការចំណាយថវិការប្រមាណជាង៦៥លានដុល្លារ ជាការប៉ាន់ស្មានបឋម។
ទោះបីជាយ៉ាងណាក៏ដោយ អ្នកនាំពាក្យរូបនេះ បានលើកឡើងថា ខាងរាជរដ្ឋាភិបាលនិងក្រសួងសេដ្ឋកិច្ចមិនទាន់កំណត់នៅឡើយទេ ថាខាងក្រសួងអភិវឌ្ឍន៍ជនបទ នឹងទទួលបានថវិកាចំនួនប៉ុន្មានដើម្បីស្ដារផ្លូវដែលខូចខាតឡើងវិញ។
ពាក់ព័ន្ធនឹងការស្តារឡើងវិញនៅផ្លូវជនបទនេះដែរ លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ក៏ធ្លាប់ថ្លែងកាលពីពេលថ្មីៗនេះថា ស្ថានភាពជំនន់ទឹកភ្លៀងបានចាប់ផ្ដើមស្រកជាបណ្ថើរៗហើយ បានបន្សល់ទុកនូវការខូចខាត ហេដ្ឋារចនាសម្ព័ន្ធដូចជាផ្លូវ ស្ពានជាដើម។ក្រសួងអភិវឌ្ឍន៍ជនបទ កំពុងអនុវត្តយុទ្ធសាស្រ្ដ ពីរសំខាន់ៗ ។
ទី១-ចំពោះផ្លូវ ស្ពាន ដែលខូចធ្ងន់ធ្ងរ ឬដាច់ពុំអាចចរាចតណ៍បាន ត្រូវធ្វើការកែសម្រួលបន្ទាន់ដើម្បីភ្ជាប់ចរាចរណ៍ឡើងិញ ។
ទី២-ត្រូវធ្វើការសិក្សាលម្អិតដើម្បីធ្វើការជួសជុលឲ្យមានលក្ខណៈរឹងមាំប្រកបដោយគុណភាព៕
សម្តេចពិជ័យសេនាទៀ បាញ់ ជំរុញឱ្យរដ្ឋបាលខេត្តសៀមរាប បន្តពង្រឹងការអភិវឌ្ឍលើគ្រប់វិស័យ ដើម្បីលើកកម្ពស់ជីវភាពពលរដ្ឋ
ឥណ្ឌូនេស៊ីស្វែងរកអ្នកវិនិយោគសម្រាប់គម្រោងកំដៅក្នុងផែនដីថ្មី
សមាគមធនាគារចំនួន៣ សហការជាមួយក្លឹបអ្នកកាសែតកម្ពុជា បើកវគ្គបណ្តុះបណ្តាលសម្រាប់អ្នកសារព័ត៌មានស្ដីពីវិស័យធនាគារ ហិរញ្ញវត្ថុ និងធានារ៉ាប់រងនៅកម្ពុជា
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
