ព័ត៌មានទាន់ហេតុការណ៍
លោកចូបៃដិនបានក្លាយជាប្រធានាធិបតីអាមេរិកទី៤៦បន្ទាប់ពីឈ្នះលោកត្រាំ
បន្ទាប់ពីរង់ចាំអស់រយៈពេលបួនថ្ងៃ ប្រព័ន្ធសារព័ត៌មានអាមេរិកបានប្រកាស នៅថ្ងៃសៅរ៍ទី ៧ វិច្ឆិកា ផ្តល់ជ័យជំនះដល់លោក ចូ បៃដិន ក្នុងការបោះឆ្នោតប្រធានាធិបតី ឆ្នាំ២០២០។ លោក ចូ បៃដិន បានក្លាយជាប្រធានាធិបតីទី ៤៦របស់សហរដ្ឋអាមេរិក បន្ទាប់ពីបានយកឈ្នះលោក ដូណាល់ ត្រាំ នៅរដ្ឋ Pennsylvanie។
បន្ទាប់ពីបានប្រកាសជ័យជំនះរបស់លោក ចូ បៃដិន នៅ រដ្ឋPennsylvanie ដែលអនុញ្ញាឱ្យបេក្ខជនប្រមូលបានអង្គបោះឆ្នោត២០បន្ថែមទៀត ប្រព័ន្ធសារព័ត៌មានអាមេរិក Association Press បានប្រកាសជោគជ័យរបស់លោកចូបៃដិននៅរដ្ឋ Nevadaទៀត (៦អង្គបោះឆ្នោត)។ ជាមួយនឹងលទ្ធផលនេះ លោក បៃដិន បានទទួលអង្គបោះឆ្នោត សរុប២៩០ ពោលគឺលើសចំនួន២៧០ចាំបាច់សម្រាប់ក្លាយជាប្រធានាធិបតីអាមេរិកទៀត។
ពីរបីនាទីក្រោយសេចក្តីប្រកាសរបស់ប្រព័ន្ធសារព័ត៌មានអាមេរិកនេះ លោកបៃដិនបានសរសេរសារក្នុងទំព័រ Twitter ទៅកាន់ពលរដ្ឋអាមេរិកថា « ខ្ញុំមានកិត្តិយសដែលអស់លោកបានជ្រើសរើសខ្ញុំឲ្យដឹកនាំប្រទេសដ៏ធំរបស់យើង »។ បន្ទាប់មក លោកបៃដិនបានសន្យាធ្វើជាប្រធានាធិបតីរបស់ពលរដ្ឋអាមរិកគ្រប់រូប។ ចំណែក លោកស្រីហារី ជាអនុប្រធានាធិបតី បានសរសេរក្នុងទំព័រ Twitter ថា « ទំព័រថ្មីសម្រាប់សហរដ្ឋអាមេរិក »។
តែលោកដូណាល់ ត្រាំ ដែលនឹងត្រូវស្ថិតក្រុមប្រធានាធិបតីដែលជាប់តែមួយអាណត្តិវិញ មិនទាន់ទទួលស្គាល់បរាជ័យរបស់លោកនៅឡើយទេ។ ផ្ទុយទៅវិញ លោកត្រាំ បានបញ្ជាក់នៅក្នុងសេចក្តីប្រកាសព័ត៌មានថា ការបោះឆ្នោតនេះនៅមិនទាន់បិទបញ្ចប់ត្រឹមនេះទេ និងបានចោទលោកបៃដិនពីបទប្រញាប់ប្រញាល់ប្រកាសខ្លួនឯងជាអ្នកឈ្នះ៕
កក្រើកក្រុងបាត់ដំបងពន្លឺភ្លើងសចែងចាំង និងសំឡេងផ្ទុះធ្លាក់ពីលើមេឃបង្កការភ្ញាក់ផ្អើលទាំងយប់
អត្តពលិកជនពិការចូលរួមប្រកួតកីឡាអាស៊ានប៉ារ៉ាហ្គេម កោតសរសើរការរៀបចំនិងការយកចិត្តទុកដាក់របស់រាជរដ្ឋាភិបាលកម្ពុជាក្នុងនាមជាម្ចាស់ផ្ទះ
ព្រឹកនេះ សម្តេចតេជោនាយករដ្ឋមន្រ្តី បន្តចុះជួបកម្មករ កម្មការិនីជិត ២ ម៉ឺននាក់ នៅខេត្តកំពង់ឆ្នាំង
នំបញ្ចុកសៀមរាប ផលិតឡើងតាមរូបមន្តពីបុរាណរបស់អ្នកឃុំព្រះដាក់ ត្រៀមចុះបញ្ជីម៉ាកសមូហភាព ដើម្បីលើកកម្ពស់ភាពប្រកួតប្រជែងនៅលើទីផ្សារ
«គុនខ្មែរ» ត្រូវបានចុះបញ្ជីទទួលស្គាល់ដោយ UNESCO យ៉ាងច្បាស់ៗ ខណៈ «Muay Thai» គ្រាន់តែជា…
