Connect with us

ព័ត៌មានសេដ្ឋកិច្ច

ត្រឹម៩ខែ ឆ្នាំនេះ ទំហំពាណិជ្ជកម្ពុជានិងជប៉ុនមានប្រមាណ ១,៥ ពាន់​លាន​ដុល្លារ​

​ទីភ្នាក់ងារ​ពាណិជ្ជកម្ម​ក្រៅប្រទេស​ជប៉ុន (JETRO)​បាន​ឲ្យដឹងថា ទំហំពាណិជ្ជកម្មទ្វេភាគីរវាងកម្ពុជានិងជប៉ុនមានតម្លៃ ១.៥៤៨ លានដុល្លារក្នុងរយៈពេល ៩ ខែឆ្នាំនេះ។ ទំហំ​ពាណិជ្ជ​នេះ​ គឺបាន​ថយចុះ ២៥ ភាគរយ​បើ​ប្រៀបធៀប​នឹង​រយៈពេល​ដូចគ្នា​កាលពី​ឆ្នាំមុន​។​

​តួលេខ​ពី​ប្រភព​ដដែល ត្រូវបានទីភ្នាក់ងារ​ពាណិជ្ជកម្ម​ក្រៅប្រទេស​ជប៉ុន (JETRO)​​បា​នបង្ហាញថា​ចាប់ពី​ខែមករា​ដល់​ខែកញ្ញា​ឆ្នាំនេះ​ប្រទេស​កម្ពុជា បាន​នាំចេញ​ផលិតផល​ដែលមាន​តម្លៃ ១.២០៨ លាន​ដុល្លារ​ទៅ​ជប៉ុន ថយចុះ​៥,៦ ភាគរយ​បើ ប្រៀបធៀប​នឹង​ឆ្នាំមុន​។​

​ប្រភព​ដដែល​បានអោយដឹងថា កម្ពុជា​បាន​នាំចូល​ទំនិញ​ពី​ប្រទេស​ជប៉ុន​ក្នុងតម្លៃ ៣៣៩ លាន​ដុល្លារ​ពោលគឺ​ធ្លាក់ចុះ ១៤,៨ ភាគរយ​។​
​តួលេខ​ពី​ក្រសួងពាណិជ្ជកម្ម​បានបង្ហាញ​ថា​ផលិតផល​សក្តានុពល​ស​ម្រា​ប់​ការនាំ​ចេញពី​កម្ពុជា​ទៅ​ជប៉ុន​គឺ​សម្លៀកបំពាក់ ស្បែកជើង និង​គ្រឿង​អេ​ឡិច​ត្រូ​និ​ច​។​
​កាលពី​ឆ្នាំមុន​ពាណិជ្ជកម្ម​ទ្វេភាគី​រវាង​ប្រទេស​ទាំងពីរ​បាន​កើនឡើង ១៣ ភាគរយ​ស្មើនឹង ២.២៩២ លាន​ដុល្លារ​អាមេរិក ៕

Click to comment

Leave a Reply

Your email address will not be published.

Facebook