ព័ត៌មានទាន់ហេតុការណ៍
ការសង្ងំក្នុងបន្ទប់សូណា អាចបន្ថយការប្រឈមជំងឺបេះដូងបាន
អ្នកស្រាវជ្រាវមកពីសាកលវិទ្យាល័យ University of Eastern Finland បានសិក្សាទៅលើបុរសវ័យកណ្តាលប្រមាណ ២៣០០នាក់ រយៈពេលជាមធ្យម ២០ឆ្នាំ។ ពួកគេបានបែងចែកបុរសទាំងនោះជាបីក្រុមធំៗសម្រាប់សង្ងំក្នុងបន្ទប់សូណាជារៀងរាល់សប្តាហ៍។ បុរសទាំងអស់ជាមធ្យមត្រូវចំណាយពេលក្នុងបន្ទប់សូណាដែលមានកម្តៅ 80អង្សាសេ រយៈពេល ១៥នាទីម្តង។ ជាលទ្ធផលពួកគេរកឃើញថា បុរសដែលឧស្សាហ៍ចូលក្នុងបន្ទប់សូណា មានការថយចុះនូវអត្រានៃការស្លាប់ដោយសារជំងឺសរសៃឈាមបេះដូង និងដាច់សរសៃឈាមខួរក្បាលច្រើន។
សូមបញ្ជាក់ថា ឥទ្ធិពលរបស់បន្ទប់សូណាចំពោះប្រព័ន្ធបេះដូងសរសៃឈាមត្រូវបានគេកត់ត្រារួចទៅហើយកាលពីការសិក្សាមុនៗ។ ការប្រើប្រាស់បន្ទប់ស៊ូណាអាចជួយបញ្ចុះសម្ពាធឈាម ដូច្នេះវាគឺជាហេតុផលមួយដែលបញ្ជាក់ថា វាមានលក្ខណៈល្អចំពោះសរសៃឈាម។
តាមការសិក្សាបានបង្ហាញទៀតថា ការចូលក្នុងបន្ទប់សូណាជាទៀងទាត់ប្រហែលជាមានប្រយោជន៍ចំពោះបុគ្គលណាដែលមានកត្តាប្រឈមនឹងជំងឺបេះដូងច្រើន ដូចជា លើសសម្ពាធឈាម កូឡេស្តេរ៉ុលក្នុងឈាមខ្ពស់ និងជំងឺទឹកនោមផ្អែមជាដើម។ ជាទូទៅ វាមានសុវត្ថិភាព និងមានប្រយោជន៍ចំពោះអ្នកដែលខ្សោយបេះដូងតិចតូច តែប្រហែលជាមិនល្អសម្រាប់អ្នកទើបនឹងមានជំងឺគាំងបេះដូងថ្មីឡើយ៕
កសិករហឿន សាវ៉ៃ កំពុងប្រមូលផលដំណាំត្រប់ស្រួយជាលើកដំបូងលក់ទៅកាន់ទីផ្សារ
កីឡាជាតិលើកទី៣ ខេត្តកែបប្រមូលមេដាយបាន៣០គ្រឿង អភិបាលខេត្តចាត់ទុកជាលទ្ធផលប្រសើរ
សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធសពលោកតាឧបាសក ឌី បូ ត្រូវជាឪពុកមារបស់សម្តេច នៅគេហដ្ឋានលេខ៤១-៤៣ ផ្លូវ២៦៥ សង្កាត់ទឹកល្អក់ ៣ ខណ្ឌទួលគោក រាជធានីភ្នំពេញ
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
