​ក្រសួង​ទេសចរណ៍​ ប្រកាសជ្រើសរើស​យុវជន​ឲ្យសិក្សា​ជំនាញ​កក់​សំបុត្រ​យន្តហោះ​ដោយ​ឥត​គិតថ្លៃ​

ដើម្បី​ចូលរួម​ផ្តល់​ជំនាញ​បន្ថែម​ ​ពង្រឹង​សមត្ថភាព​ដល់​សិស្ស​-​និស្សិត​ ​ដែល​កំពុង​សិក្សា​ជំនាញ​ទេសចរណ៍​ ​ក្រសួង​ទេសចរណ៍​សហការ​ជាមួយ​ក្រុមហ៊ុន​ ​A​l​i​an​c​e​ ​Plus​ ​Solution​ ​ក្នុង​ការ​ទ្រទ្រង់​ការ​បណ្តុះបណ្តាល​ ​និង​ឥរិយា​បទ​ខ្ពស់​ ​ក្នុង​ការ​បម្រើ​ការងារ​ក្នុង​វិ​ស័​យ​ទេសចរណ៍​។​ ​ក្នុង​នោះ​ក្រសួង​ ​នឹង​ជ្រើសរើស​សិស្ស​ ​និស្សិត​ ឱ្យ​ចូលរៀន​វគ្គ​បណ្តុះបណ្តាល​ដោយ​ឥត​គិតថ្លៃ​លើ​ជំនាញ​កក់​ស​បុត្រ​យន្តហោះ​ (​T​i​k​e​tin​g​ ​Reservation​) ​តាម​ប្រព័ន្ធ​ ​A​MAD​E​US​។​ ​នេះ​បើ​តាម​សេចក្តីជូនដំណឹង​របស់​ ​ក្រសួង​ទេសចរណ៍​កាលពី​ថ្ងៃ​ទី​១​៧​ ​ខែវិច្ឆិកា​ ឆ្នាំ២០២០​។​

ក្នុង​សេចក្តីជូនដំណឹង​បាន​បញ្ជាក់​ ​ពី​កាលបរិច្ឆេទ​ឈប់​ទទួលពាក្យ​ថ្ងៃ​ទី​៣​០​ ​ខែវិច្ឆិកា​ ​ឆ្នាំ​២​០​២​០​ ​និង​ការ​ប្រឡង​ចូល​សិក្សា​ ​ខែ​ធ្នូ​ ​ឆ្នាំ​២​០​២​០​។​ ​ដោយឡែក​ ​លក្ខខណ្ឌ​ជ្រើសរើស​ ​ជា​សិស្ស​-​និស្សិត​ ​កំពុង​សិក្សា​តាម​បណ្តា​គ្រឹះស្ថានសិក្សា​ទេសចរណ៍​ ​និង​បដិសណ្ឋារកិច្ច​នានា​ទូទាំង​ប្រទេស​ ​ត្រូវ​មាន​លិខិត​បញ្ជាក់​ការសិក្សា​ពី​គ្រឹះស្ថានសិក្សា​ទេសចរណ៍​ ​និង​សណ្ឋារកិច្ច​ ​ដែល​ខ្លួន​កំពុង​សិក្សា​ ​មាន​ការទទួលខុសត្រូវ​ ​និង​មាន​សមត្ថភាព​ខ្ពស់​ក្នុង​ការសិក្សា​ ​មាន​ក​ម្រិ​ត​ភាសា​អង់គ្លេស​ថ្នាក់​មូលដ្ឋាន​ ​និង​មាន​មូលដ្ឋាន​គ្រឹះ​ផ្នែក​កុំព្យូទ័រ​ផង​ដែរ​។​

​បើ​តាម​ការ​បញ្ជាក់​របស់​​​ក្រសួង​ទេសចរណ៍​ ​សិស្ស​-​និស្សិត​ ​នឹង​ទទួល​បាន​អត្ថប្រយោជន៍​ដូចជា​ ​ទទួល​បាន​វិញ្ញា​បន​ប​ត្រ​បញ្ជាក់​សមត្ថភាព​ ​Certificate​ o​f​ ​Compete​nc​i​e​s ​ចេញពី​ក្រសួង​ទេសចរណ៍​, ​ទទួល​បានការ​បណ្តុះបណ្តាល​ផ្ទាល់​ពី​គ្រូ​ជំនាញ​ប្រព័ន្ធ​ ​A​MAD​E​US​ ​ផ្ទាល់​, ​ឱកាស​ក្លាយ​ជា​ភ្នាក់ងារ​លក់​សំបុត្រ​តាម​ប្រព័ន្ធ​ទូរស័ព្ទ​ឆ្លាតវៃ​ (​Mobile​ ​A​p​p​), ​ទទួល​បានឱកាស​ហ្វឹកហាត់​ការងារ​ ​និង​ការងារ​តាម​ប្រព័ន្ធ​បណ្តា​ក្រុមហ៊ុន​ទីភ្នាក់ងារ​ទេសចរណ៍​នានា​។​

​សូម​អាន​សេចក្តីជូនដំណឹង​ទាំងស្រុង​ ​របស់​​​ក្រសួង​ទេសចរណ៍​៖​