Connect with us

ព័ត៌មានទាន់ហេតុការណ៍

លោក វ៉ូ​ឡូ​ឌី​មៀ ហ្សេ​លេន​ស្គីបាន​ចោទប្រកាន់​លោក​ខាងលិ​ច​ថា ជា​កំសាកញី

S…28 Mar 2022 អ៊ុយ​ក្រែន៖ ប្រធានាធិបតី​លោក វ៉ូ​ឡូ​ឌី​មៀ ហ្សេ​លេន​ស្គី បាន​ចោទប្រកាន់​លោកខាងលិច​ថា​កំសាក​ញី​កាលពី​ថ្ងៃអាទិត្យ​ទី​២៧​មីនា​ខណៈ​ដែល​មន្ត្រី​កំពូល​ម្នាក់ទៀត​​បាន​និយាយថា រុស្ស៊ី​កំពុង​ព្យាយាម​ពុះ​បំបែក​ប្រទេស​ជា​ពីរ​ដូច​កូរ៉េខាងជើង​និង​កូរ៉េខាងត្បូង​។​

​លោក​ហ្សេ​លេន​ស្គី​បានធ្វើការ​អង្វរករ​យ៉ាងទទូច​សម្រាប់​យន្តហោះ​ចម្បាំង​និង​រថក្រោះ​ដើម្បី​ទ្រទ្រង់​ការការពារ​ប្រទេស ខណៈ​ប្រទេស​របស់​គាត់​នៅតែ​បន្ត​ប្រយុទ្ធ​ជាមួយ​កងទ័ព​ឈ្លានពាន​របស់​រុស្ស៊ី​។​រុស្ស៊ី​​ឥឡូវ​នេះ​និយាយថា ការ​ផ្តោត​សំខាន់​របស់​ខ្លួន​គឺ​លើ​ការកាន់កាប់​តំបន់​ដុន​បាស​ភាគ​ខាងកើត ដែល​ជា​ការដកថយ​ជាក់ស្តែង​ពី​គោលដៅ​ដ៏​ធំ​និង​ហិនហោច​របស់​ខ្លួន​ប៉ុន្តែ​ជា​គោលដៅ​ដែល​កំពុង​បង្កើន​​ការ​ការបារម្ភ​អំពី​ការ​ពុះ​បំបែក​ប្រទេស​អ៊ុ​យក្រែន​។​

​ថ្លែង​បន្ទាប់ពី​ប្រធានាធិបតី​អាម៉េរិក​លោក ចូ បៃ​ដិន និយាយ​នៅក្នុង​សុន្ទរកថា​ដ៏​រំជើបរំជួល​មួយ​ថា ប្រធានាធិបតី​រុស្ស៊ី​លោក វ្ល៉ា​ឌី​មៀ ពូ​ទីន មិន​អាច​បន្ត​កាន់​អំណាច​បាន​តទៅទៀត ដែល​ជា​ពាក្យពេចន៍​ដែល​សេត​វិមាន​ព្យាយាម​និយាយ​សម្រាល​វិញ​ភ្លាមៗ​នោះ លោក​ហ្សេ​លេន​ស្គី​បាន​រិះគន់​លោកខាងលិច​ថា “​កំពុង​លេង​ប៉េង​ប៉ុង​ដាក់​គ្នា​អំពី​អ្នក​ណា​និង​របៀប​ប្រគល់​យន្តហោះ​ចម្បាំង​និង​សព្វាវុធ​ផ្សេងទៀត ខណៈ​ការវាយប្រហារ​ដោយ​មី​ស៊ី​ល​របស់​រុស្ស៊ី​បានសម្លាប់​ស៊ីវិល​និង​បណ្តាល​ឱ្យ​ជាប់​មនុស្ស​នៅ​ក្រោម​គំនរ​បាក់បែក​។​

​លោក​ហ្សេ​លេន​ស្គី​បាន​និយាយ​នៅក្នុង​ការសន្ទនា​តាម​វីដេអូ​ថា “​ខ្ញុំ​បាន​និយាយ​ជាមួយ​អ្នកការពារ​ទីក្រុង​ម៉ា​រី​វ​ប៉ូល​ថ្ងៃនេះ​។ ខ្ញុំ​ទាក់ទង​ជានិច្ច​ជាមួយ​ពួកគេ​។ ការប្តេជ្ញាចិត្ត វីរភាព​និង​ភាពរឹងមាំ​របស់​​ពួកគេ​គឺ​គួរឱ្យភ្ញាក់ផ្អើល​ខ្លាំងណាស់​។ បើ​មាន​អ្នក​គិតគូរ​អស់​៣១​ថ្ងៃ​ពី​របៀប​ប្រគល់​យន្តហោះ​និង​រថក្រោះ​រាប់​សិប​គ្រឿង​មាន​សេចក្តីក្លាហាន​តែ​១​ភាគរយ មិនដឹង​ល្អ​យ៉ាងណា​”​។​

គួរបញ្ជាក់ថា៖  ​ការឈ្លានពាន​របស់​រុស្ស៊ី​លើ​អ៊ុយ​ក្រែន​បាន​ជាប់គាំង​នៅ​ក្នុង​តំបន់​ជាច្រើន​។ គោលបំណង​របស់​រុស្ស៊ី​ក្នុង​ការឡោមព័ទ្ធ​រដ្ឋធានី​គៀវ​យ៉ាង​ឆាប់រហ័ស​និង​បង្ខំ​ឱ្យ​ចុះចាញ់​បាន​ជួប​នឹង​ការតស៊ូ​ក្រាញននៀល​​យ៉ាង​ក្លាហាន​ពី​អ៊ុ​យក្រែន ដែល​គាំទ្រ​ដោយ​អាវុធ​ពី​សហរដ្ឋ​អាម៉េរិក​និង​សម្ពន្ធមិត្ត​លោកខាងលិច​ផ្សេងទៀត​។​

សូមបញ្ជាក់ថា៖  ​លោក​ហ្សេ​លេន​ស្គី​បាន​ចុះហត្ថលេខា​លើ​ច្បាប់​មួយ​កាលពី​ថ្ងៃអាទិត្យ​ដែល​ហាមប្រាម​ការរាយការណ៍​អំពី​ការ​ចល័ត​កងទ័ព​និង​យោ​ធូប​ក​រណ៍​ដែល​មិន​ត្រូវបាន​ប្រកាស​ឬ​អនុម័ត​ដោយ​យោធា​។ អ្នកកាសែត​ដែល​បំពាន​ច្បាប់​អាច​ប្រឈម​នឹង​ការ​ជាប់ពន្ធនាគារ​ពី​៣​ឆ្នាំទៅ​៨​ឆ្នាំ​។ ច្បាប់​នេះ​មិន​បែងចែក​រវាង​អ្នកយក​ព័ត៌មាន​អ៊ុយ​ក្រែ​ន​និង​បរទេស​នោះ​ឡើយ​៕

​លោក​ហ្សេ​លេន​ស្គី​បង្ហាញ​សាច់ដុំ​អំឡុងពេល​ផ្តល់​បទសម្ភាសន៍​ដល់​កាសែត​ឯករាជ្យ​របស់​រុស្ស៊ី​នៅ​ទីក្រុង​គៀវ​កាលពី​ថ្ងៃអាទិត្យ​ទី​២៧​មីនា​២០២២

Click to comment

Leave a Reply

Your email address will not be published.

Facebook