ព័ត៌មានទាន់ហេតុការណ៍
លោកហ្សេលេនស្គីសម្លឹងធ្វើតាមការទាមទាររបស់រុស្ស៊ី អំពីអភ្យាក្រឹតភាពនៅមុនបន្តការចរចាសន្តិភាពថ្មីជាមួយរុស្ស៊ី
(អ៊ុយក្រែន) ៖ ប្រធានាធិបតី វ៉ូឡូឌីមៀ ហ្សេលេនស្គី បាននិយាយកាលពីថ្ងៃអាទិត្យទី២៧មីនាថារដ្ឋាភិបាលរបស់លោកនឹងពិចារណាលើការទាមទាររបស់រុស្ស៊ីអំពីអព្យាក្រឹតភាពអ៊ុយក្រែន “ដោយប្រុងប្រយ័ត្ន” ដែលជាចំណុចសំខាន់នៃការប្រកែកគ្នាខណៈដែលអ្នកចរចាសម្រាប់ភាគីទាំងពីរត្រៀមខ្លួនសម្រាប់ជុំថ្មីនៃកិច្ចចរចាដែលមានបំណងបញ្ចប់សង្គ្រាមដ៏ឃោរឃៅរយៈពេលមួយខែ កន្លងមកនេះតាមព័ត៌មានដែលអង្គភាពកម្ពុជាសន្តិភាពទទួលនៅ ព្រឹក ថ្ងៃ ចន្ទ ទី ២៨ ខែ មីនាឆ្នាំ ២០២២។
ប្រធានាធិបតី អ៊ុយក្រែន លោកហ្សេលេនស្គីបាននិយាយក្នុងអំឡុងបទសម្ភាសន៍ជាមួយស្ថាប័នព័ត៌មានរុស្ស៊ីឯករាជ្យមួយចំនួនថា”ចំណុចនៃការចរចានេះគឺអាចយល់បានសម្រាប់ខ្ញុំហើយវាកំពុងត្រូវបានពិភាក្សាយ៉ាងយកចិត្តទុកដាក់” ពិបញ្ហាប្រឈមនានាជាពិសេសការព្រមទទួលយករបស់ប្រជាជនអ៊ុយក្រែនផ្ទាល់តែម្តង។
អង្គការសហប្រជាជាតិបានប៉ាន់ប្រមាណថាយ៉ាងហោចណាស់ជនស៊ីវិល ១.១០០ នាក់បានស្លាប់ និងជាង ១០ លាននាក់ត្រូវបានផ្លាស់ទីលំនៅនៅក្នុងសង្គ្រាមដ៏បំផ្លិចបំផ្លាញដែលបានបន្តអូសបន្លាយពេលយូរជាងការរំពឹងទុករបស់មេដឹកនាំក្រុងមូស្គូ។
កិច្ចពិភាក្សាថ្មី ដែលចាប់ផ្តើមនៅក្នុងប្រទេសតួកគីនៅថ្ងៃចន្ទឬថ្ងៃអង្គារ យោងតាមរបាយការណ៍ផ្ទុយគ្នានានា បានកើតឡើងបន្ទាប់ពីកងទ័ពរុស្ស៊ីបាននិយាយថាខ្លួននឹងចាប់ផ្តើមផ្តោតលើអ៊ុយក្រែនភាគខាងកើតនៅក្នុងចំណាត់ការមួយដែលអ្នកវិភាគមួយចំនួនមើលឃើញថាជាការដកថយចេញពីមហិច្ឆតាដ៏ធំរបស់ទីក្រុងមូស្គូដែលត្រូវក្តោបឪ្យបាននៅអ៊ុយក្រែនទាំងមូល។
ប៉ុន្តែប្រធានាធិបតីអាម៉េរិក ចូ បៃដិន បានចោទជាមន្ទិលអំពីការបកស្រាយនោះ ហើយប្រហែលជាបានបំផ្លាញកិច្ចចរចានាពេលខាងមុខ ដោយនិយាយនៅទីក្រុងវ៉ាសូវីថា ប្រធានាធិបតីរុស្ស៊ីលោក វ្ល៉ាឌីមៀ ពូទីន “មិនអាចបន្តកាន់អំណាចបានទៀតទេ”។
សុន្ទរកថាឥតព្រាង ដែលសេតវិមានបានព្យាយាមសម្រាលវិញភ្លាមៗនោះ បានបង្កឱ្យមានកំហឹងនៅទីក្រុងមូស្គូនិងបង្កការព្រួយបារម្ភយ៉ាងទូលំទូលាយនៅក្នុងទីក្រុងវ៉ាស៊ីនតោននិងនៅបរទេសដែលវាទំនងហាក់ដូចជាធ្វើឱ្យខូចដល់កិច្ចខិតខំប្រឹងប្រែងដោយផ្ទាល់របស់លោកបៃដិនក្នុងដំណើរទស្សនកិច្ចនៅអឺរ៉ុបដើម្បីបញ្ជាក់ពីការរួបរួមដែលបានរៀបចំយ៉ាងប្រុងប្រយ័ត្នក្នុងការគាំទ្រទីក្រុងគៀវរបស់អ៊ុយក្រែន។
ប្រធានាធិបតីបារាំងលោក អេមម៉ានុយអែល ម៉ាក្រុង បានព្រមានថា ការបង្កើនជម្លោះ “ពាក្យសម្តីឬសកម្មភាព”អាចប៉ះពាល់ដល់កិច្ចខិតខំប្រឹងប្រែងរបស់គាត់ក្នុងកិច្ចពិភាក្សាជាមួយលោកពូទីនដើម្បីឱ្យយល់ព្រមលើការជម្លៀសជនស៊ីវិលចេញពីទីក្រុងកំពង់ផែម៉ារីវប៉ូល ដែលរងការបំផ្លិចបំផ្លាញយ៉ាងធ្ងន់ធ្ងរ។
រដ្ឋមន្ត្រីការបរទេសអាម៉េរិកបាននិយាយថា សហរដ្ឋអាម៉េរិកមិនមានយុទ្ធសាស្ត្រផ្លាស់ប្តូររបបដឹកនាំនៅរុស្ស៊ីទេ។ការអះអាងរបស់លោកកើតឡើងភ្លាមក្រោយប្រធានាធិបតីចូ បៃដិន បានថ្លែងសុន្ទរកថាមួយកាលពីថ្ងៃសៅរ៍ដែលស្តាប់ទៅហាក់ដូចជាការអំពាវនាវអោយបណ្តេញមេដឹកនាំរុស្ស៊ីលោក វ្ល៉ាឌីមៀ ពូទីន ចេញពីដំណែង៕
ក្រសួងប្រៃសនីណ៍ផាកពិន័យចាប់ពី១០លានទៅ៤០លានដុល្លារលើក្រុមហ៊ុនទូរស័ព្ទចល័តធំៗចំនួន៣
ក្រសួងប្រៃសនីណ៍ផាកពិន័យចាប់ពី១០លានទៅ៤០លានដុល្លារលើក្រុមហ៊ុនទូរស័ព្ទចល័តធំៗចំនួន៣
ប្រមុខចារកម្មអង់គ្លេសនិយាយថា ពូទីន បានចាញ់ក្នុងសង្គ្រាមព័ត៌មានអ៊ុយក្រែន
រូបភាពថតពីអាកាសបង្ហាញខ្មោចយន្តហោះរាប់ពាន់គ្រឿងទុកចោលនៅវាលខ្សាច់រដ្ឋអារីហ្សូណា
ផ្កាអ័រគីដេ ថៃ រុះរោយដោយសារ កូវីដ អាកាសធាតុ និង សង្គ្រាម អ៊ុយ ក្រែន
