ព័ត៌មានជាតិ
បុរសខ្មែរម្នាក់ទើបមកពីអាមេរិកវិជ្ជមានកូវីដ-១៩ ខណៈមន្ត្រីក្រសួងកសិកម្មបានសះស្បើយ
លោក ស ចិត្រា អគ្គលេខាធិការរងក្រសួងកសិកម្ម រុក្ខាប្រមាញ់ និងនេសាទ ដែលបានឆ្លងកូវីដ-១៩ ក្នុងព្រឹត្តិការណ៍ ៣វិច្ឆិកានោះ បានជាសះស្បើយពីជំងឺកូវីដ-១៩ ហើយ។ នេះបើតាមសេចក្តីប្រកាសព័ត៌មាន របស់ក្រសួងសុខាភិបាល នៅថ្ងៃទី២១ វិច្ឆិកានេះ។
ក្រៅពីមានអ្នកសះស្បើយ ក្រសួងក៏ បានបញ្ជាក់ពីករណីវិជ្ជមានថ្មីនៃកូវីដ-១៩ លើបុរសខ្មែរ អាយុ ៥៩ឆ្នាំ ដែលបានធ្វើដំណើរមកពីសហរដ្ឋអាមេរិក បន្តជើងហោះហើរនៅប្រទេសកូរ៉េខាងត្បូង និងដែលបានមកដល់កម្ពុជា នៅថ្ងៃទី១៩ វិច្ឆិកា។ បុរសរូបនេះ មានទីលំនៅ នៅខណ្ឌកំបូល រាជធានីភ្នំពេញ និងត្រូវបានដាក់ឲ្យសម្រាកព្យាបាល នៅមន្ទីរពេទ្យ មិត្តភាពខ្មែរ-សូវៀត។
ក្រសួងសុខាភិបាល បញ្ជាក់ថា អ្នកដំណើរក្នុងជើងហោះហើរជាមួយបុរសរូបនេះ មានចំនួន៦០នាក់ ដោយ៥៩នាក់ មានលទ្ធផលអវិជ្ជមាន។ ក្នុងចំណោមអ្នកវិជ្ជមាននោះ មាន២០នាក់ ត្រូវបានដាក់ឲ្យធ្វើចត្តាឡីស័ក នៅមណ្ឌលទ័ពអាកាស, ៣៩នាក់ នៅសណ្ឋាគារមួយនៅភ្នំពេញ និង៣នាក់ នៅស្ថានទូតអាមេរិកប្រចាំកម្ពុជា។
សូមបញ្ជាក់គិតត្រឹមថ្ងៃទី ២១វិច្ឆិកា កម្ពុជាមានអ្នកឆ្លងកូវីដ-១៩ សរុប ៣០៥នាក់ ក្នុងនោះ ជាសះស្បើយចំនួន ២៩៥នាក់។ តាមក្រសួងសុខាភិបាល មានអ្នកជំងឺ៨នាក់ កំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត និង២នាក់ទៀតកំពុងសម្រាកព្យាបាលនៅមណ្ឌលសុខភាពចាក់អង្រែក្រោម៕
ព័ត៌មានជាតិ2 hours ago
កក្រើកក្រុងបាត់ដំបងពន្លឺភ្លើងសចែងចាំង និងសំឡេងផ្ទុះធ្លាក់ពីលើមេឃបង្កការភ្ញាក់ផ្អើលទាំងយប់
ព័ត៌មានកីឡា4 hours ago
អត្តពលិកជនពិការចូលរួមប្រកួតកីឡាអាស៊ានប៉ារ៉ាហ្គេម កោតសរសើរការរៀបចំនិងការយកចិត្តទុកដាក់របស់រាជរដ្ឋាភិបាលកម្ពុជាក្នុងនាមជាម្ចាស់ផ្ទះ
ព័ត៌មានជាតិ5 hours ago
ព្រឹកនេះ សម្តេចតេជោនាយករដ្ឋមន្រ្តី បន្តចុះជួបកម្មករ កម្មការិនីជិត ២ ម៉ឺននាក់ នៅខេត្តកំពង់ឆ្នាំង
ព័ត៌មានជាតិ2 months ago
នំបញ្ចុកសៀមរាប ផលិតឡើងតាមរូបមន្តពីបុរាណរបស់អ្នកឃុំព្រះដាក់ ត្រៀមចុះបញ្ជីម៉ាកសមូហភាព ដើម្បីលើកកម្ពស់ភាពប្រកួតប្រជែងនៅលើទីផ្សារ
ព័ត៌មានកីឡា3 months ago
«គុនខ្មែរ» ត្រូវបានចុះបញ្ជីទទួលស្គាល់ដោយ UNESCO យ៉ាងច្បាស់ៗ ខណៈ «Muay Thai» គ្រាន់តែជា…
កងកម្លាំងប្រដាប់អាវុធ3 months ago
