ព័ត៌មានជាតិ
ការផាកពិន័យអ្នកបើកបរល្មើសច្បាប់ចរាចរណ៍នៅភ្នំពេញ ត្រូវបានផ្អាកបណ្ដោះអាសន្ន
ភ្នំពេញ: នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានបញ្ជាឱ្យផ្អាកការផាកពិន័យអ្នកល្មើសច្បាប់ចរាចរណ៍នៅក្នុងរាជធានីភ្នំពេញជាបណ្ដោះអាសន្ន ដោយក្នុងនោះក៏តម្រូវឱ្យផ្អាកការពិនិត្យជាតិអាល់កុលនៅពេលយប់ដូចគ្នារហូតដល់រង់ចាំព្រឹត្ដការណ៍«សហគមន៍២៨វិច្ឆិកា»ត្រូវបានបិទបញ្ចប់ និងមានការណែនាំជាថ្មី។
តាមរយៈសារសំឡេងរបស់លោក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញនៅថ្ងៃទី១ ខែធ្នូបានឱ្យដឹងថា នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានណែនាំក្នុងរយៈពេល១៥ថ្ងៃចាប់ពីថ្ងៃទី ១រហូតដល់ថ្ងៃទី ១៥ខែធ្នូនេះ ស្នើឱ្យមន្ត្រីនគរបាលចរាចរណ៍នៅក្នុងរាជធានីភ្នំពេញធ្វើការផ្អាកការអនុវត្តច្បាប់ចរាចរណ៍ផ្លូវគោកដែលកំពុងអនុវត្តទៅតាមអនុក្រឹត្យលេខ ៣៩សព្វថ្ងៃបណ្ដោះអាសន្ន។
លោកបន្តថា បន្ទាប់មកនៅថ្ងៃទី ១៦ខែធ្នូ ថ្នាក់ដឹកនាំនឹងពិចារណាឡើងវិញចំពោះការបន្តអនុវត្តច្បាប់ចរាចរណ៍។ នៅអំឡុងពេលការផ្អាកពិន័យនេះ មន្ត្រីនគរបាលចរាចរណ៍ ត្រូវតែឈរនៅគោលដៅដដែល ដោយគ្រាន់តែជួយសម្រួលចរាចរណ៍ជូនប្រជាពលរដ្ឋដែលធ្វើដំណើរនៅក្នុងរាជធានីភ្នំពេញប៉ុណ្ណោះ។
លោក ស ថេង បញ្ជាក់ថា៖«ក្រៅពីការផ្អាកពិន័យនេះ ចំពោះការត្រួតពិនិត្យជាតិអាល់កុលនៅពេលយប់ ក៏ត្រូវបានផ្អាកក្នុងរយៈពេលដូចគ្នានេះដែរ។ ដូច្នេះលោក លោកស្រីជាថ្នាក់ដឹកនាំស្នងការងនគរបាលរាជធានីភ្នំពេញដែលទទួលបន្ទុកនៅតាមខណ្ឌនីមួយៗទាំង ១៤ ត្រូវតែធ្វើការណែនាំតាមគោលដៅរៀងៗខ្លួនចាប់ពីថ្ងៃជូនដំណឹងនេះតទៅ»៕
សម្តេចពិជ័យសេនាទៀ បាញ់ ជំរុញឱ្យរដ្ឋបាលខេត្តសៀមរាប បន្តពង្រឹងការអភិវឌ្ឍលើគ្រប់វិស័យ ដើម្បីលើកកម្ពស់ជីវភាពពលរដ្ឋ
ឥណ្ឌូនេស៊ីស្វែងរកអ្នកវិនិយោគសម្រាប់គម្រោងកំដៅក្នុងផែនដីថ្មី
សមាគមធនាគារចំនួន៣ សហការជាមួយក្លឹបអ្នកកាសែតកម្ពុជា បើកវគ្គបណ្តុះបណ្តាលសម្រាប់អ្នកសារព័ត៌មានស្ដីពីវិស័យធនាគារ ហិរញ្ញវត្ថុ និងធានារ៉ាប់រងនៅកម្ពុជា
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
