Connect with us

ព័ត៌មានទាន់ហេតុការណ៍

រុស្ស៊ី នឹងធ្វើជាម្ចាស់ផ្ទះនៃកិច្ចប្រជុំកំពូលសម្ព័ន្ធមិត្តយោធា នៅសប្តាហ៍ក្រោយ

រុស្សី៖ ការិយាល័យប្រធានាធិបតីរុស្ស៊ីនិយាយថា ប្រទេសនេះ នឹងធ្វើជាម្ចាស់ផ្ទះកិច្ចប្រជុំកំពូលនៃ សម្ព័ន្ធមិត្តយោធាដឹកនាំដោយរុស្ស៊ីនៅសប្តាហ៍ក្រោយ។ នេះបើយោងតាមការចុះផ្សាយរបស់សារព័ត៌ មានCNA នៅថ្ងៃទី ១៣ ខែឧសភា ឆ្នាំ២០២២។

ការិយាល័យបាននិយាយថា មេដឹកនាំនៃប្រទេសសមាជិកទាំងប្រាំមួយ នៃអង្គការសន្ធិសញ្ញាសន្តិសុខ សមូហភាព ឬ CSTO នឹងចូលរួមកិច្ចប្រជុំនៅទីក្រុងមូស្គូនៅថ្ងៃច័ន្ទ សប្តាហ៍ក្រោយ។

អ្នកចូលរួមរួមមានដូចជា ប្រធានាធិបតីរុស្ស៊ី លោក វ្ល៉ាឌីមៀ ពូទីន ប្រធានាធិបតីបេឡារុស្ស លោក Alexander Lukashenko និងប្រធានាធិបតីកាហ្សាក់ស្ថាន លោក Kassym-Jomart Tokaev។

កិច្ចប្រជុំនេះ ធ្វើឡើង ក្រោយពីប្រធានាធិបតី និងនាយករដ្ឋមន្ត្រីហ្វាំងឡង់បាននិយាយនៅ ក្នុងសេចក្តី ថ្លែងការណ៍រួមថា ប្រទេសរបស់ពួកគេគួរតែដាក់ពាក្យសុំចូលជាសមាជិក NATO ដោយមិនពន្យារពេល។ ការ​ប្រកាស​នេះ ​បាន​កើត​ឡើង​ចំពេល​មាន​ភាព​តានតឹង​កាន់តែ​ខ្លាំង​ឡើង​រវាង​រុស្ស៊ី ​និង​ប្រទេស​ណាតូ​ដោយសារ​ការ​ឈ្លានពាន​របស់​រុស្ស៊ី​លើ​អ៊ុយក្រែន។

ក្រសួងការបរទេសរុស្ស៊ី បានព្រមានប្រទេសហ្វាំងឡង់កុំឱ្យចូលរួមជាមួយណាតូ។

ជាក់ស្តែងលោកពូទីនមានបំណងសង្កត់ធ្ងន់លើការរួបរួមនៃសម្ព័ន្ធភាពដឹកនាំដោយរុស្ស៊ី ដោយការធ្វើ ជាម្ចាស់ផ្ទះនៃកិច្ចប្រជុំកំពូលនេះ៕

Click to comment

Leave a Reply

Your email address will not be published.

Facebook