Connect with us

ព័ត៌មានទាន់ហេតុការណ៍

ប្រធានាធិបតីអាមេរិកលោក Joe Biden សន្យាផ្ដល់ជំនួយថវិកាចំនួន ១៥០លានដុល្លារដល់មេដឹកនាំអាស៊ាន ជួយទៅលើរឿងទាំងនេះ

យោងតាមការចុះផ្សាយរបស់សារព័ត៌មាន CNA មុននេះបន្តិចបានឱ្យដឹងថា ប្រធានាធិបតីអាមេរិកលោក Joe Biden បានសន្យាថា នឹងផ្ដល់ជំនួយថវិកាចំនួន ១៥០លានដុល្លារដល់មេដឹកនាំអាស៊ាន ដើម្បីជួយទៅលើហេដ្ឋារចនា​ សន្តិសុខ ការត្រៀមបង្ការជំងឺរាតត្បាត និងការខិតខំប្រឹងប្រែងផ្សេងទៀតក្នុងគោលបំណងទប់ទល់នឹងឥទ្ធិពលរបស់គូប្រជែងខ្លួន គឺប្រទេសចិន។

ការសន្យានេះត្រូវបានលើកឡើងនៅក្នុងឱកាសទទួលស្វាគមន៍មេដឹកនាំអាស៊ានទាំង ១០ នៅសេតវិមាន (White House) នៅរដ្ឋធានីវ៉ាស៊ីនតោនឌីស៉ី សហរដ្ឋអាមេរិក។​ រដ្ឋបាលរបស់លោកសង្ឃឹមថា កិច្ចខិតខំប្រឹងប្រែងនេះនឹងបង្ហាញដល់ប្រទេសនានាថា ក្រុងវ៉ាស៊ីនតោននៅតែផ្តោតលើឥណ្ឌូប៉ាស៊ីហ្វិក និងបញ្ហាប្រឈមរយៈពេលវែងរបស់ចិន ដែលខ្លួនចាត់ទុកជាគូប្រជែងដ៏សំខាន់ បើទោះបីជាមានសង្រ្គាមនៅអ៊ុយក្រែនក៏ដោយ។ ទន្ទឹមនឹងនេះដែរ មន្ត្រីរដ្ឋបាលជាន់ខ្ពស់របស់សហរដ្ឋអាមេរិកបានប្រាប់អ្នកយកព័ត៌មានថា៖ “យើងមិនស្នើសុំឱ្យប្រទេសនានាធ្វើការជ្រើសរើសរវាងសហរដ្ឋអាមេរិក និងចិននោះទេ។ យើងចង់បញ្ជាក់ឱ្យច្បាស់ថា សហរដ្ឋអាមេរិកស្វែងរកទំនាក់ទំនងកាន់តែរឹងមាំ”។

យ៉ាងណាមិញ ការប្តេជ្ញាចិត្តផ្នែកហិរញ្ញវត្ថុថ្មីនេះរួមមានការវិនិយោគចំនួន ៤០លានដុល្លារអាមេរិកនៅក្នុងហេដ្ឋារចនាសម្ព័ន្ធដែលមានបំណងជួយបំបែកការផ្គត់ផ្គង់ថាមពលក្នុងតំបន់ និង ៦០លានដុល្លារក្នុងសន្តិសុខដែនសមុទ្រ ព្រមទាំងថវិកាសុខភាពប្រហែល ១៥លានដុល្លារដើម្បីជួយក្នុងការរកឃើញដំបូងនៃជំងឺកូវីដ-១៩ និងជំងឺរាតត្បាតផ្លូវដង្ហើមផ្សេងទៀត នេះ​បើ​តាម​មន្ត្រី​ម្នាក់​បាន​និយាយ។ ការផ្តល់មូលនិធិបន្ថែមនឹងជួយប្រទេសនានាអភិវឌ្ឍសេដ្ឋកិច្ចឌីជីថល និងច្បាប់បញ្ញាសិប្បនិម្មិត។

គួរបញ្ជាក់ផងដែរថា កាលពីខែវិច្ឆិកា ប្រទេសចិនបានសន្យាផ្តល់ជំនួយអភិវឌ្ឍន៍ចំនួន ១.៥ ពាន់លានដុល្លារដល់ប្រទេសអាស៊ានក្នុងរយៈពេល ៣ឆ្នាំ ដើម្បីប្រយុទ្ធប្រឆាំងនឹងជំងឺរាតត្បាតកូវីដ-១៩ និងការស្តារសេដ្ឋកិច្ចឡើងវិញ៕

Click to comment

Leave a Reply

Your email address will not be published.

Facebook