Connect with us

ព័ត៌មានទាន់ហេតុការណ៍

អង្គការណា​តូ​សន្យា​គាំទ្រ​ផ្នែក​យោធា​បើកចំហ​សម្រាប់​អ៊ុ​យក្រែន​

 

 

Soeun 16 May 2022 ៖        អង្គការ​ណា​តូ​កាលពី​ថ្ងៃអាទិត្យ​ទី​១៥​ឧសភា​បាន​សន្យា​គាំទ្រ​ផ្នែក​យោធា​បើកចំហ​សម្រាប់​អ៊ុ​យក្រែន ខណៈ​ហ្វាំង​ឡ​ង់​បាន​សាទរ​ចំពោះ​ការប្រឹងប្រែង “​ជា​ប្រវត្តិសាស្ត្រ​” របស់​ខ្លួន​ដើម្បី​ចូលរួម​សម្ពន្ធភាព​នេះ ហើយ​គណបក្សកាន់អំណាច​របស់​ស៊ុយអែត​បាន​និយាយថា ខ្លួន​គាំទ្រ​ការស្នើ​សុំ​ចូល​ជា​សមាជិក​របស់​ណា​តូ​។​

​ការសន្យា​នេះ​បាន​ធ្វើឡើង​បន្ទាប់​ពី​ហ្វាំង​ឡ​ង់​បាន​ទម្លាក់ចោល​ការ​មិន​ចូល​បក្ខ​សម្ពន្ធ​យោធា​ជាច្រើន​ទសវត្សរ៍ ដោយ​បាន​គូរវាស​ឡើងវិញ​នូវ​តុល្យភាព​អំណាច​នៅ​អឺរ៉ុប​និង​ធ្វើឱ្យ​វិមាន​ក្រឹម​ឡាំង​ខឹងសម្បា​។​

​នៅលើ​ទឹកដី​អ៊ុយ​ក្រែន​ឯណោះ​វិញ        រុស្ស៊ី​បានប្រកាស​ពី​ការវាយប្រហារ​តាម​អាកាស​នៅ​ភាគ​ខាងកើត និង​នៅ​ទីក្រុង​ល្វីវ (Lviv)​នៅ​ភាគ​ខាងលិច​ខណៈ​ចារកម្ម​លោក​ខាងលិច​បាន​ព្យាករណ៍​ថា​យុទ្ធនា​​ការ​របស់​រុស្ស៊ី​នៅ​ភាគ​ខាងកើត​អ៊ុយ​ក្រែ​ននឹង​ជាប់គាំង​ចំ​ពេល​មាន​ការបាត់បង់​យ៉ាងធ្ងន់ធ្ងរ និង​ការតស៊ូ​ទប់ទល់​យ៉ាង​ខ្លាំងក្លា​។​

​នៅក្នុង​កិច្ចប្រជុំ​របស់​រដ្ឋមន្ត្រី​ការបរទេស​ណា​តូ​         នៅ​ទីក្រុង​បែរ​ឡាំង  លោកស្រី អាន​ណា​ឡេ​ណា បែ​បុក   (Annalena Baerbock) នៃ​ប្រទេស​អាល្លឺម៉ង់​បាន​និយាយថា ខ្លួន​នឹង​ផ្តល់​ជំនួយ​ផ្នែក​យោធា “​ដរាបណា​អ៊ុយ​ក្រែន​ត្រូវការ​ការគាំទ្រ​នេះ​ស​ម្រាប់​ការការពារ​ប្រទេស​របស់​ពួកគេ​”​។​

​ប្រធាន​អង្គការ​ណា​តូ​លោក ជែន ស្តូល​ធិន​បឺក    (Jens Stoltenberg)     បាន​បន្ថែមថា “​អ៊ុយ​ក្រែន​អាច​ឈ្នះ​សង្គ្រាមនេះ​។​ប្រជាជន​អ៊ុយ​ក្រែន​កំពុង​ការពារ​ប្រទេស​កំណើត​របស់​ពួកគេ​ដោយ​ក្លាហាន​”​។​

​ក្នុងពេល​ជាមួយគ្នា គណបក្សកាន់អំណាចរ​បស់​ស៊ុយអែត​បាន​និយាយថា ខ្លួន​គាំទ្រ​ការចូល​ជា​សមាជិក​ណា​តូ គឺ​តែ​ប៉ុន្មាន​ម៉ោង​បន្ទាប់​ពី​ការប្រកាស​របស់​ហ្វាំង​ឡ​ង់​នៅក្នុង​ការផ្លាស់ប្តូរ​ដ៏​គួរឱ្យកត់សម្គាល់​​មួយ​នៅក្នុង​មតិ​នយោបាយ​និង​សាធារណៈ​បន្ទាប់ពី​ការ​លុកលុយ​របស់​រុស្ស៊ី​លើ​អ៊ុ​យក្រែន​។​

​នាយក​រដ្ឋ​ម​ន្រី្ត​បក្ស​សង្គម​ប្រជាធិបតេយ្យ​លោក​ស្រី ម៉ាក​ដា​ឡេ​ណា អាន់​ឌឺ​សុន (Magdalena Andersson) បាន​និយាយថា​”​អ្វី​ដែល​ល្អ​បំផុត​សម្រាប់​សន្តិសុខ​របស់​ស៊ុយអែត​គឺ​យើង​ត្រូវ​ដាក់​ពាក្យ​​សុំ​ចូល​ជា​សមាជិក​ឥឡូវនេះ ហើយ​យើង​ធ្វើ​វា​ជាមួយ​ហ្វាំង​ឡ​ង់​”​។​

​លោក​ស្តូល​ធិន​បឺ​ក​បាន​និយាយថា សម្ពន្ធភាព​នេះ​នឹង​ស្វែងរក​ការធានា​សន្តិសុខ​បណ្តោះអាសន្ន ខណៈ​ការ​ដាក់​ពាក្យ​សុំ​ចូល​សមាជិក​កំពុង​ត្រូវបាន​ដំណើរ​ការ​រួម​ទាំង​លទ្ធភាព​បង្កើន​កងទ័ព​នៅក្នុង​​តំបន់​៕

​                                      ខ្មោច​រថក្រោះ​រុស្ស៊ី​ស្ថិត​នៅ​កៀក​ផ្ទះ​ខូចខាត​មួយ​នៅ​ភាគ​ខាងកើត​ក្រុង​ខា​គី​វ

Click to comment

Leave a Reply

Your email address will not be published.

Facebook