Connect with us

ព័ត៌មានទាន់ហេតុការណ៍

ICC​បញ្ជូន​ក្រុម​ស៊ើបអង្កេត​ធំ​មួយ​ទៅ​កាន់​អ៊ុយ​ក្រែន​ដើម្បី​ស៊ើបអង្កេត​ឧក្រិដ្ឋ​កម្មសង្គ្រាម​

 

 

Soeun 18 May 2022 ៖ តុលាការ​ឧក្រិដ្ឋកម្ម​អន្តរជាតិ​(ICC)​កាលពី​ថ្ងៃ​អង្គារ​ទី​១៧​ឧសភា​បាន​បញ្ជូន​ក្រុម​មួយ​មាន​សមាជិក​៤២​នាក់​ទៅ​កាន់​ប្រទេស​អ៊ុយ​ក្រែន​  ដើម្បី​ស៊ើប​ការចោទប្រកាន់ថា​មានការ​​ប្រព្រឹត្ត​ឧក្រិដ្ឋកម្ម​សង្គ្រាម ចាប់តាំងពី​រុស្ស៊ី​ចូល​ឈ្លានពាន​ប្រទេស​ក្បែរ​ខាង​ខ្លួន ។​

​ក្រុម​នេះ​រួមមាន អ្នក​ស៊ើបអង្កេត       អ្នកជំនាញ​ពិនិត្យ​សាកសព​និង​បុគ្គលិក​គាំទ្រ​ហើយ​ពួកគេ​នឹង​ធ្វើការ​ជាមួយ​អាជ្ញាធរ​អ៊ុ​យក្រែន នេះ​បើ​តាម​លោក ការី​ម ខាន់​(Karim Khan)​ប្រធាន​រដ្ឋអាជ្ញា​ICC​ដែល​មាន​មូលដ្ឋាន​នៅ​ទីក្រុង​ឡាអេ​។​

​លោក​បាន​និយាយ​នៅក្នុង​សេចក្តីថ្លែងការណ៍​មួយ​ថា «​នេះ​តំណាង​អោយ​ការបញ្ជូន​មនុស្ស​ចេញពី​ការិយាល័យ​របស់​ខ្ញុំ​ច្រើន​បំផុត​ទៅ​កាន់​កន្លែងកើតហេតុ​ចាប់តាំងពី​ការកកើត​វា​មក​»​។​

​សូមបញ្ជាក់​ថា      ICC​នេះ​ត្រូវបាន​បង្កើតឡើង​នៅ​ឆ្នាំ​២០០២​ដើម្បី​ស៊ើបអង្កេត​បទឧក្រិដ្ឋ​អាក្រក់ៗ​បំផុត​ក្នុង​លោក​។​

​លោក​បាន​បន្ថែមថា        «​ក្រុម​នេះ​នឹង​ជំរុញ​ការស៊ើបអង្កេត​របស់​យើង​អោយទៅជា​យុត្តាធិការ​របស់​ICC​និង​ផ្តល់​ការគាំទ្រ​ដល់​អាជ្ញាធរ​ថ្នាក់​ជាតិ​អ៊ុ​យក្រែន​            ​តុលាការ​នេះ​ក៏​នឹង​ធ្វើការ​ជាមួយ​អ្នកជំនាញការ​​បារាំង​ដែល​បាន​ទៅ​ដល់​អ៊ុយ​ក្រែន​រួចជាស្រេច​»​  ​អ៊ុយ​ក្រែន​បានប​ន្ទោ​សកងកម្លាំង​រុស្ស៊ី​ចំពោះ​ការស្លាប់​ជន​ស៊ីវិល​អ៊ុយ​ក្រែន​រាប់រយ​នាក់ តែ​រុស្ស៊ី​បាន​បដិសេធ​មិន​ទទួលខុសត្រូវ​និង​បាន​ពណ៌នា​ព្រឹត្តិការណ៍​នៅ​ទីប្រជុំជន​ប៊ូ​ចា​ថា​ក្លែងក្លាយ​         ​អ៊ុយ​ក្រែនក៏​គាំ​​ទ្រ​គំនិត​បង្កើត​តុលាការ​ពិសេស​មួយ​សំរាប់​កាត់ទោស​«​បទឧក្រិដ្ឋ​នៃ​ការឈ្លានពាន​»​របស់​រុស្ស៊ី ជា​បទឧក្រិដ្ឋ​ដែល​ICC​និយាយថា​ខ្លួន​មិន​មាន​សិទ្ធិ​អំ​ណា​ដើម្បី​កាត់ទោស​៕

​                                 ក្រុម​ស៊ើបអង្កេត​ICC​នេះ​រួមមាន អ្នក​ស៊ើបអង្កេត អ្នកជំនាញ់​ពិនិត្យ​សាកសព​

Click to comment

Leave a Reply

Your email address will not be published.

Facebook