Connect with us

ព័ត៌មានទាន់ហេតុការណ៍

លោកDmitry Medvedev អតីត​នាយក​រដ្ឋមន្ត្រី​រុ​ស្ស៊ីព្រមានថា រុស្ស៊ីឆ្លើយតបភ្លាមៗចំពោះរាល់ការឃ្លានពានទាំងឡាយ

 

រុស្ស៊ី ៖  លោក     Dmitry Medvedev     អតីត​នាយក​រដ្ឋមន្ត្រី​រុ​ស្ស៊ី ​និយាយ​ថា ៖ ទីក្រុង​ម៉ូ​ស្កូ​ត្រូវ​តែ​រម្លឹក​ប្រទេស​ផ្សេង​ៗ​ពី​សមត្ថភាព​របស់​រុ​ស្ស៊ី​ក្នុង​ការ​ឆ្លើយ​តប​ភ្លាម​ៗ និង​ខ្លាំង​លើសលប់​ចំពោះ​ការ​វា​យ​ប្រហារ​លើ​ប្រទេស​របស់​យើង​។

«​យើង​អាចបា​ញ់​ផ្ចាញ់​រាល់​ការ​ឈ្លានពាន​ដែល​គំ​រា​ម​កំហែង​ដល់​ប្រទេស​យើង»​។ នេះ​ជា​ការ​ថ្លែង​បញ្ជាក់​របស់​លោក Dmitry Medvedev ដែល​បច្ចុប្បន្ន​ជា​អនុប្រធាន​សន្តិសុខ​សហព័ន្ធ នៅ​លើ​តេ​ឡេ​ក្រាម​របស់​គាត់ បន្ទាប់​ពី​ធ្វើ​ដំណើរ​ទស្សនៈកិច្ច​ទៅ​កាន់​ទីក្រុង Sarov ដែល​ជាម​ជ្ឍ​មណ្ឌល​សម្រាប់​សិក្សា​ស្រាវជ្រាវ​ពី​នុយក្លេអ៊ែរ​។

ការ​បង្ហោះ​ក្នុង​តេ​ឡេ​ក្រាម​នោះ​មាន​ភ្ជាប់​ជាមួយនឹង​វី​ដេ​អូ ដែល​លោក​បាន​និយាយ​ជាមួយនឹង​អ្នក​វិទ្យាសាស្ត្រ​នៅ​វិទ្យាស្ថាន​ស្រាវជ្រាវ​វិទ្យាសាស្ត្រ​រុ​ស្ស៊ី​នៃ​ការ​ពិសោធន៍​រូបសាស្ត្រ​។ នៅ​ទីនោះ គ្រាប់បែកនុយក្លេអ៊ែរ​ដំបូង​របស់​សូ​វៀត​ត្រូវ​បាន​បង្កើត​ឡើង​នៅ​ក្នុង​ទសវត្សរ៍​ឆ្នាំ ១៩៤០​។

លោក​ថ្លែង​បន្ត​ទៀត​ថា «​ប្រវត្តិសាស្ត្រ​នៃ​ម​ជ្ឈ​មណ្ឌល​នុយក្លេអ៊ែរ​នៅ​ទីក្រុង Sarov ត្រូវ​បាន​ភ្ជាប់​គ្នា​រៀង​រហូត​ទៅ​នឹង​ឈ្មោះ​អ្នក​ដែល​បាន​បង្កើត​ខែល​នុយក្លេអ៊ែរ​នៃ​ប្រទេស​របស់​យើង​»​។

សូមបញ្ជាក់​ថា៖ «​ឃ្លាំង​អា​វុ​.​ធ​ទំនើប ដែល​គួរ​ឲ្យ​ទុកចិត្ត​បាន និង​មាន​ប្រសិទ្ធភាព បាន​កាត់​បន្ថយ​មហិច្ឆតា​របស់​អ្នក​ដែល​បាន​ត្រៀមខ្លួន​ចាប់ផ្តើម​សង្គ្រាមលោក​លើក​ទី ៣​។ យើង​នឹង​មិន​អនុញ្ញាត​​ឲ្យ​ស្ថានភាព​បែប​នេះ​កើតឡើង​នោះ​ទេ​»៕ (​​Aljazeera)

Picture
Picture
Picture
Picture
Picture
Picture

Click to comment

Leave a Reply

Your email address will not be published.

Facebook