Connect with us

ព័ត៌មានទាន់ហេតុការណ៍

ប្រមុខ​អ​.​ស​.​ប​សង្ឃឹម​សម្រេច​កិច្ចព្រមព្រៀង​ស្តីពី​ធញ្ញជាតិ​ជាមួយ​អ៊ុយ​ក្រែន​ដើម្បី​ជួយ​ដោះស្រាយ​វិបត្តិ​ស្បៀង​

 

Soeun 19 May 2022 ៖         ជាមួយ​កម្រិត​នៃ​ភាពអត់ឃ្លាន​ជា​សកល​នៅ​កម្រិត​ខ្ពស់​ថ្មី              ប្រធាន​អង្គការ​សហប្រជាជាតិ​

បាន​និយាយ​កាលពី​ថ្ងៃ​ពុធ​ទី​១៨    ​ឧសភា​ថា​លោក​កំពុង​ទាក់ទង​ខ្លាំងក្លា    ជាមួយ​រុស្ស៊ី​និង​បណ្តា​ប្រទេស​សំខាន់ៗ​ផ្សេងទៀត ដោយ​សង្ឃឹមថា​នឹង​មាន​កិច្ចព្រមព្រៀង​មួយ​ដើម្បី​អនុញ្ញាត​ឱ្យ​មាន​ការនាំចេញ​គ្រាប់​ធញ្ញជាតិ​ដែល​ជាប់គាំង​នៅ​ក្នុង​កំពង់ផែ​អ៊ុ​យក្រែន និង​ធានា​ថា ស្បៀងអាហារ​និង​ជីរ​របស់​រុស្ស៊ី​មិន​មាន​ការ​រឹតបន្តឹង​ចូល​ទៅ​កាន់​ទីផ្សារ​ពិភពលោក​។​

​ប៉ុន្តែ​អគ្គលេខាធិកា​រលោក អង់​តូ​នីញ៉ូ គូថេ​រ៉េស បាន​ប្រាប់​កិច្ចប្រជុំ​ថ្នាក់​រដ្ឋមន្ត្រី​ស្តី​ពី​វិបត្តិ​សន្តិសុខ​ស្បៀង​ដែល​កំពុង​កើនឡើង​ធ្ងន់ធ្ងរ​ឡើង​ដោយ​សង្គ្រាម​នៅ​អ៊ុយ​ក្រែនថា​”​នៅ​មាន​ផ្លូវ​វែងឆ្ងាយ​ទៀត​​ត្រូវ​ទៅ​”​។​

​លោក​បាន​បន្តថា  “​ការប៉ះពាល់​ផ្នែក​សន្តិសុខ សេដ្ឋកិច្ច និង​ហិរញ្ញវត្ថុ​ដ៏​ស្មុគស្មាញ​តម្រូវឱ្យ​មាន​សុច្ឆន្ទៈ​នៅ​គ្រប់​ភាគី​សម្រាប់​កិច្ចព្រមព្រៀង​កញ្ចប់​មួយ​ដែល​ត្រូវ​សម្រេច​ឱ្យបាន​។    ខ្ញុំ​នឹង​មិន​និយាយ​ព័ត៌មាន​លម្អិត​ទេ ព្រោះ​ការ​ថ្លែង​ជា​សាធារណៈ​អាច​ធ្វើឱ្យ​ខូច​ឱកាស​ជោគជ័យ​”​។​

​លោក​គូថេ​រ៉េស​បាន​និយាយថា កម្រិត​នៃ​ភាពអត់ឃ្លាន​ជា​សាកល “​ស្ថិតក្នុង​កម្រិត​ខ្ពស់​ថ្មី​” ជាមួយ​មនុស្ស​ច្រើន​ឡើង​ប្រឈម​មុខ​នឹង​អសន្តិសុខ​ស្បៀង​ធ្ងន់ធ្ងរ​ខ្ពស់​ទ្វេ​ដង​ក្នុង​រយៈពេល​ត្រឹម​តែ​ពីរ​ឆ្នាំ​ប៉ុណ្ណោះ ពី ១៣៥ លាន​នាក់​មុន​ពេល​ជំងឺ​រាតត្បាត​ដល់ ២៧៦ លាន​នាក់​នា​ពេលបច្ចុប្បន្ន​នេះ​។ លោក​បាន​និយាយថា មនុស្ស​ជាង ៥០០.០០០ នាក់​កំពុង​រស់​នៅក្នុង​ស្ថានភាព​ទុរ្ភិក្ស ដែល​កើន​ឡើង​ជាង ៥០០ ភាគរយ​ចាប់តាំងពី​ឆ្នាំ ២០១៦​។​

​លោក​បាន​និយាយថា អ៊ុយ​ក្រែ​ន​និង​រុស្ស៊ី​រួម​គ្នា​ផលិត​ស្រូវ​សាលី​និង​ស្រូវ​បាឡេ​ជិត​មួយ​ភាគ​បី​របស់​ពិភពលោក និង​ពាក់កណ្តាល​នៃ​ប្រេង​ផ្កាឈូករ័ត្ន​របស់ខ្លួន ខណៈ​រុស្ស៊ី​និង​សម្ពន្ធមិត្ត​របស់ខ្លួន គឺ​បេឡា​រូស​គឺជា​អ្នក​ផលិត​សារធាតុ​ប៉ូ​តាស់ (Potash) លេខ ២ និង​ទី ៣ របស់​ពិភពលោក ដែល​ជា​ធាតុ​ផ្សំ​សំខាន់​របស់​ជីរ​។​

​លោក​បាន​និយាយថា “​មិន​មាន​ដំណោះស្រាយ​ដ៏​មាន​ប្រសិទ្ធភាព​ចំពោះ​វិបត្តិ​ស្បៀងអាហារ​ដោយ​មិន​ធ្វើ​សមាហរណកម្ម​ឡើងវិញ​នូវ​ផលិតកម្ម​ស្បៀង​របស់​អ៊ុយ​ក្រែន​ក៏ដូចជា​ស្បៀងអាហារ​និង​ជីរ​ដែល​ផលិត​ដោយ​រុស្ស៊ី​និង​បេឡា​រូស​ទៅក្នុង​ទីផ្សារ​ពិភពលោក​នោះ​ទេ ទោះបីជា​មាន​សង្គ្រាម​ក៏​ដោយ​”៕

នៅក្នុង​រូបថត​ចេញ​ផ្សាយ​ដោយ​អង្គការ​យូ​នី​សេ​ហ្វ ក្រុមការងារ​សុខភាព​និង​អាហារូបត្ថម្ភ​ចល័ត​មួយ​កំពុង​ជួយ​ម្តាយ​ដែល​ផ្លាស់​ទីលំនៅ​និង​កូនៗ​របស់​ពួកគេ​នៅ​ទីតាំង Guyah សម្រាប់​ជនភៀសខ្លួន​ផ្ទៃក្នុង​ក្នុង​តំបន់ Afar នៃ​ប្រទេស​អេត្យូ​ពី កាលពី​ថ្ងៃ​អង្គារ ទី ១០ ឧសភា ឆ្នាំ ២០២២

Click to comment

Leave a Reply

Your email address will not be published.

Facebook