Connect with us

ព័ត៌មានទាន់ហេតុការណ៍

កង​ឆ្មាំ​បដិវត្តន៍​អ៊ីរ៉ង់​និយាយថា​ខ្លួន​រឹបអូស​នាវា​ដឹក​ប្រេងក្រិក​ពីរ​គ្រឿង​នៅ​ឈូងស​មុទ្រ​ពែ​ក្ស​

Soeun 28 May 2022 ៖ កង​ឆ្មាំ​បដិវត្តន៍​អ៊ីរ៉ង់ (IRGC)​បាន​រឹបអូស​យក​នាវា​ដឹក​ប្រេងក្រិក​ពីរ​គ្រឿង​នៅ​ឈូងស​មុទ្រ​ពែ​ក្ស​កាលពី​ថ្ងៃ​សុក្រ​ទី​២៧​ឧសភា​គឺ​តែ​ប៉ុន្មាន​ថ្ងៃ​បន្ទាប់​ពី​រដ្ឋា​​ភិបាល​ក្រុង​អាថែន​បានបញ្ជាក់​ថា        ខ្លួន​នឹង​ប្រគល់​ឱ្យ​ទីក្រុង​វ៉ាស៊ីនតោន​នូវ​ប្រេង​អ៊ីរ៉ង់​ដែល​ខ្លួន​បាន​រឹបអូស​ពី​កប៉ាល់​ដឹក​ប្រេង​រុស្ស៊ី​។​

​កង​ឆ្មាំ​បដិវត្តន៍​បាន​និយាយ​នៅក្នុង​សេចក្តីថ្លែងការណ៍​មួយ​នៅលើ​វេបសាយ​ផ្លូវកា​ររបស់​ពួកគេ​ថា      “​កងកម្លាំង​ទ័ពជើងទឹក IRGC នៅថ្ងៃនេះ (​ថ្ងៃ​សុក្រ​)​បាន​រឹបអូស​យក​នាវា​ដឹក​ប្រេងក្រិក​ពីរ​​គ្រឿង​នៅ​ឈូង​សមុទ្រ​ពែ​ក្ស ដោយសារ​តែ​ការបំពាន​ដែល​ត្រូវបាន​ប្រព្រឹត្ត​”​    ​ពួកគេ​មិន​បាន​បញ្ជាក់​លម្អិត​ថា​តើ​អ្វី​ទៅជា “​ការរំលោភបំពាន​” នោះទេ​។​

​ភ្លាម​នោះ​ក្រិក​បាន​ចោទ​អ៊ីរ៉ង់​ពីបទ​ប្លន់​។ ក្រសួងការបរទេ​សក្រិ​ក​បាន​និយាយថា ឧទ្ធម្ភាគចក្រ​អ៊ីរ៉ង់​បាន​ទម្លាក់​កង​កុម្ម៉ង់ដូ​លើ​នាវា​ដឹក​ប្រេង​ពីរ​គ្រឿង​             ​ក្រសួង​បាន​និយាយថា នាវា​មួយ​ក្នុងចំណោម​នោះ​គឺ​នាវា Delta Poseidon កំពុងធ្វើដំណើរ​ក្នុង​ដែនទឹក​អន្តរជាតិ​នៅពេលនោះ​។​

​អ្នកនាំពាក្យ​របស់​ក្រុមហ៊ុន     Polembros ដែល​មាន​មូលដ្ឋាន​នៅ​ទីក្រុង​អាថែន បានកំណត់​អត្តសញ្ញាណ​នាវា​ដឹក​ប្រេង​ទី​ពីរ​ឈ្មោះ​ថា Prudent Warrior ។​

​អ្នកនាំពាក្យ​បាន​ប្រាប់​ទីភ្នាក់ងារ​សារព័ត៌មាន     AFP​ថា           “​នាវា​នេះ​ត្រូវបាន​រឹបអូស​ដោយ​អាជ្ញាធរ​អ៊ីរ៉ង់​។ យើង​មិន​មាន​ទំនាក់ទំនង​ជាមួយ​ពួកគេ​ទេ​នៅពេលនេះ​”​   ក្រសួងការបរទេ​សក្រិ​ក​បាន​និយាយថាកប៉ាល់​ដឹក​ប្រេង​ទី​ពីរ​បាន​ស្ថិតនៅ​ក្បែរ​ឆ្នេរសមុទ្រ​អ៊ីរ៉ង់​ពេល​គេ​ចាប់បាន​។​

​ក្រសួង​បាន​និយាយថា            ជនជាតិ​ក្រិក​ប្រាំបួន​នាក់​បាន​ស្ថិតក្នុង​ចំណោម​នាវិក​នៃ​នាវា​ទាំងពីរ ប៉ុន្តែ​មិន​បាន​ផ្តល់​តួលេខ​សម្រាប់​នាវិក​ផ្សេងទៀត​នៅ​លើ​នាវា​នោះទេ​។​

​សកម្មភាព​របស់​អ៊ីរ៉ង់​ប្រឆាំង​នឹង​កប៉ាល់​ដឹក​ប្រេង​ដែល​មាន​ទង់ជាតិ​ក្រិក           បង្ហាញ​ពី​ការកើនឡើង​ភាព​តានតឹង​យ៉ាងខ្លាំង​នៅក្នុង​ជម្លោះ​ការទូត ដែល​បាន​ផ្ទុះ​ឡើង​ចាប់​តាំងពីក្រិក​បានរឹប​អូស​យក​នាវា​ដឹក​ប្រេង​ដែល​មាន​ទង់ជាតិ​រុស្ស៊ី និង​ទំនិញ​អ៊ីរ៉ង់​កាលពី​ខែ​មុន​។​

​ក្រសួងការបរទេស​អ៊ីរ៉ង់​បាន​ទាមទារ​កាលពី​ព្រឹក​ថ្ងៃ​សុក្រ​ឱ្យ​ក្រិក​ដោះលែង​កប៉ាល់​នេះ      ដោយ​និយាយថា គម្រោង​ការផ្ទេរ​ទំនិញ​របស់​ខ្លួន​ទៅ​សហរដ្ឋ​អាម៉េរិក​គឺជា “​ការរំលោភ​យ៉ាង​ច្បាស់ក្រឡែត​” លើ​ច្បាប់​អន្តរជាតិ​។​

​ក្រុង​អាថែន​បាន​បញ្ជាក់​កាលពី​ថ្ងៃ​ពុធ​ថា​  ខ្លួន​មាន​បំណង​បញ្ជូន​ប្រេង​អ៊ីរ៉ង់​ចំនួន ១១៥.០០០ តោន​ពី​កប៉ាល់​ដឹក​ប្រេង Pegas ទៅកាន់​សហរដ្ឋ​អាម៉េរិក​តាម​សំណើ​របស់​ក្រសួង​រតនាគារ      ដែល​មើល​ការខុសត្រូវ​លើ​ការអនុវត្ត​ទណ្ឌកម្ម​របស់​សហរដ្ឋ​អាម៉េរិក​លើ​អ៊ីរ៉ង់​៕

                                                       កង​ឆ្មាំ​បដិវត្តន៍​អ៊ីរ៉ង់​ថត​កាលពី​ថ្ងៃទី​២២ ខែ​កញ្ញា ឆ្នាំ​២០១៩

Click to comment

Leave a Reply

Your email address will not be published.

Facebook