Connect with us

ចំណេះដឹង-អប់រំ

សម​ ម៉ាណា​ ទើប​បង្ហាញ​មុខ​ថ្ងៃ​សម្ពោធ​រឿង​ «រស​​ជាតិ​​អ្នក​​មាន​ ​វគ្គ៣» ស្រាប់​តែ​ពេល​នេះ​ធ្លាយ​ដំណឹង​លក់​ផ្ទះ​វីឡាបន្ទាន់

មុននេះបន្តិច​​ គេបានឃើញអតីតតារាសម្ដែងស្រី អ្នកនាង សម ម៉ាណា ប្រកាសនៅលើហ្វេសប៊ុក លក់ផ្ទះវីឡារបស់ខ្លួនជាបន្ទាន់ ដែលមានទីតាំងនៅម្ដុំខាងក្រោយវត្តស្ទឹងមានជ័យ។ អ្នកនាង សម ម៉ាណា បានបង្ហោះថា ៖ «ផ្ទះវីឡានាងខ្ញុំដាក់លក់បើបងប្អូនចាប់អារម្មណ៍អាចឆាតសួរនាងខ្ញុំបាន…🥰🥰🥰 ផ្ទះវីឡានៅខាងក្រោយវត្តស្ទឹងមានជ័យ»។

អតីតតារាសម្ដែងស្រីរូបនេះបានបញ្ចប់ការងារសិល្បៈយ៉ាងស្ងាត់កំបាំងអស់រយៈពេលច្រើនឆ្នាំមកហើយ ដោយអ្នកនាង ចូលបម្រើការងារជាមន្ត្រីយោធាថ្នាក់វរសេនីយ៍ត្រី។ នៅក្នុងថ្ងៃសម្ពោធខ្សែភាពយន្តភាគ «រស​ជាតិ​អ្នក​មាន​ ​វគ្គ៣» អ្នកនាង សម ម៉ាណា បានប្រាប់ឱ្យដឹងថា ដោយសារសព្វថ្ងៃនេះ អ្នកនាងមានស្វាមី និងកូនត្រូវមើលថែ ដូច្នោះហើយបានជាអ្នកនាងមិនអាចដកឃ្លាមកថតភាពយន្តបានឡើយ។ អ្នកនាងថា អ្នកនាងគ្មានគម្រោងនឹងចូលសិល្បៈនោះទេ ហើយការចូលបង្ហាញវត្តមាននៅក្នុងថ្ងៃនោះ គឺដើម្បីមកសម្ដែងការត្រេកអរចំពោះអ្នកស្រី ពាន់ ភួងបុប្ផា ដែលជាអ្នកនិពន្ធ និងដឹកនាំរឿង ភាគ «រស​ជាតិ​អ្នក​មាន​ ​វគ្គ៣»នេះ។

យ៉ាងណាមិញ អ្នកនាង សម ម៉ាណា មិនងាយបង្ហាញមុខ និងសាវតារបស់ខ្លួនឱ្យអ្នកសិល្បៈឃើញឡើយ ហើយស្រាប់តែពេលនេះនាងប្រកាសលក់វិឡាដ៏ធំស្កើមស្កៃមួយកន្លែងមានតម្លៃជាងមួយលានដុល្លារ ក៏បានធ្វើឱ្យផ្អើលអស់ពិភពសិល្បៈ ព្រោះសូម្បីតែអ្នកសិល្បៈក៏មិនធ្លាប់ដឹងផង។

គេនៅចាំបានថា សម ម៉ាណា ជាអតីតសមាជិកក្រុមរៃមាសតោមាស និងជាតារាសម្តែងនិងបង្ហាញម៉ូត ដែលត្រូវបានគេចាត់ចូលក្នុងចង្កោមតារាសម្តែងល្បីល្បាញគួរសម ហើយសកម្មភាពច្រៀងរាំ និងបង្ហាញម៉ូដរបស់អ្នកនាង ក៏លេចធ្លោមិនចាញ់សមាជិកក្រុមប៉ុន្មានឡើយ៕

Click to comment

Leave a Reply

Your email address will not be published.

Facebook