ក្រុមហ៊ុនវេចខ្ចប់ផ្លែស្វាយតម្លៃ៥០លានដុល្លារ​ខេត្តព្រះសីហនុ ចុះកិច្ចសន្យាទិញស្វាយពីកសិករ ៦ពាន់ហិកតា

ខេត្តព្រះសីហនុ: ក្រុមហ៊ុន បាមីន អេហ្គ្រីខលឈ័រ ហាយ-ថេក ឌីវេឡុបមិន ឯ.​ក នៅ​ស្រុកកំពង់សិលា ខេត្តព្រះសីហនុ បា​ន​ចុះកិច្ចសន្យាជាមួយកសិករបានចំនួន ៦ ពាន់ហិកតា ដោយ​គ្រោងជំរុញកសិករខ្មែរឱ្យដាំដំណាំស្វាយ​ចំនួន ១ម៉ឺនហិកតា​បន្ថែមទៀត ខណៈក្រុមហ៊ុនបាននិងកំពុងប្រមូលទិញផ្លែស្វាយពីកម្ពុជានាំចេញទៅវេចខ្ចប់នៅ​វៀតណាម មុននាំចេញបន្ត​ទៅ​​ចិន។

អ្នកគ្រប់គ្រងទូទៅក្រុមហ៊ុន បាមីន អេហ្គ្រីខលឈ័រ ហាយ-ថេក ឌីវេឡុបមិន ឯ.​ក បានឲ្យដឹងថា ក្រុមហ៊ុនបានដាក់​ទុនវិនិ​យោ​គ​ប្រមាណ ៥០លានដុល្លារ ដើម្បីសង់រោងចក្រកែច្នៃ វេចខ្ចប់ ឃ្លាំងស្តុក ខ្សែច្រវាក់ផលិតកម្ម និងប្រព័ន្ធសម្លា​ប់សមា​ស​ភា​ពសត្វច​ង្រៃដោយប្រើចំហាយទឹកក្តៅរោងតាំងផលិត​ផលក​សិ​ក​ម្ម អគារដ្ឋបាល សណ្ឋាគារសម្រាប់ភ្ញៀវរបស់ក្រុមហ៊ុន ផ្ទះស្នាក់នៅរបស់កម្មករ លើផ្ទៃដី ៤ ហិកតា ក្នុងចំណោមផ្ទៃ​ដីសរុបចំនួន ៥៧ ហិកតារបស់ក្រុមហ៊ុន។

លោកបន្តថា បច្ចុប្បន្ន ក្រុមហ៊ុនបានចុះកិច្ចសន្យាជាមួយកសិករបានចំនួន ៦ពាន់ហិកតា ហើយ​គ្រោងដាំចំនួន ១ម៉ឺនហិក​តា​ប​ន្ថែមទៀត។ បើទោះជារោងចក្រមិនទាន់ដំណើរការ ប៉ុន្តែក្រុមហ៊ុនបាននិងកំពុងប្រមូលទិញផ្លែស្វាយពីកម្ពុជា នាំចេ​ញ​ទៅ​ស​ម្អាត និងវេចខ្ចប់នៅប្រទេសវៀតណាម មុននាំចេញបន្តទៅប្រទេសចិន ជាមធ្យម ៣០កុងតេន័រ/ថ្ងៃ ហើយអាច​ឈាន​ទៅ ៥០កុងតេន័រ នៅរដូវប្រមូលផលខាងមុខ។

ក្រោយពេលម៉ាស៊ីន VHT តម្លើងរួចមានសមត្ថភាពសម្លាប់សមាសភាពសត្វចង្រៃបានចំនួន ៤០០តោន/ថ្ងៃ។ ចំពោះ​ការដឹ​ក​ជ​ញ្ជូន ក្រុមហ៊ុនប្រើកំពង់ផែរព្រះសីហនុ ដោយសហការជាមួយក្រុមហ៊ុនដឹក ជញ្ជូនចិនផ្ទាល់ ធ្វើកា​រនាំចូលទំនិញ និងនាំ​ចេ​ញវិញជាផលិតផលស្វាយកម្ពុជា។ អនាគតក្រុមហ៊ុន នឹងរៀបចំឃ្លាំងស្តុក កន្លែងតាំង​បង្ហាញ​កសិផល និងផ្តល់​សេ​វា​ស​ម្លា​ប់​សមាសភាពសត្វចង្រៃជូនអតិថិជនទូទៅ៕