Connect with us

ព័ត៌មានទាន់ហេតុការណ៍

តារា​កំប្លែង​អាម៉េរិក​លោក​ស្ទីលល័​រ​មានអារម្មណ៍​ក្តុកក្តួល​ពេល​បាន​ឮ​រឿងរ៉ាវ​រន្ធត់​ពី​ប្រជាជន​អ៊ុ​យក្រែន

Soeun 22 Jun 2022 (​ដេល្លី​ម៉េល​) ៖ តារា​សម្ដែង​និង​ជា​តារា​កំប្លែង​អាម៉េរិក​លោក បិ​ន ស្ទីលល័​រ (Ben Stiller) បាន​និយាយ​កាលពី​ថ្ងៃ​អង្គារ​ទី​២១​មិថុនា​ថា​លោក​មាន​អារម្មណ៍​ក្តុកក្តួល​យ៉ាងខ្លាំង​​ចំពោះ​រឿងរ៉ាវ​ដែល​គាត់​បានឮ​ពី​ប្រជាជន​អ៊ុ​យក្រែន បន្ទាប់​ពី​ដំណើរ​ទស្សនកិច្ច​ដ៏​គួរឱ្យភ្ញាក់ផ្អើល​ទៅកាន់​ប្រទេស​ដែល​ហែកហួរ​ដោយ​សង្គ្រាម​នេះ​។​

​តារា​ក្នុង​រឿង Zoolander​និង Meet the Parents រូបនេះ​កំពុង​ស្ថិត​នៅក្នុង​ប្រទេស​អ៊ុយ​ក្រែ​នក្នុងនាម​ជា​ឯកអគ្គរដ្ឋទូត​សម្រា​ប់​ទីភ្នាក់ងារ​ជនភៀសខ្លួន​របស់​អ​.​ស​.​ប គឺ​អង្គការ UNHCR ។​

​លោក​ស្ទីលល័​របាន​ប្រាប់​ទីភ្នាក់ងារ​សារព័ត៌មាន AFP ក្នុង​ការហៅ​តាម​ទូរស័ព្ទ ខណៈ​ធ្វើដំណើរ​ពី​អ៊ុយ​ក្រែ​នទៅ​ប៉ូឡូញ ថា “​រឿងរ៉ាវ​របស់​ប្រជាជន​ដែល​បាន​ជួបប្រទះ​ប៉ុន្មាន​ថ្ងៃ​ដំបូង​នៃ​សង្គ្រាម​នេះ ពេល​និយាយ​ទៅកាន់​ពួកគេ​និង​ស្តាប់​រឿង​ដ៏​គួរឱ្យ​រន្ធត់​ទាំងនេះ គឺ​ពិតជា​ក្តុកក្តួល​ខ្លាំងណាស់​”​។​

​តារា​សម្តែង​និង​ជា​អ្នកដឹកនាំ​រឿង​វ័យ ៥៦ ឆ្នាំ​រូប​នេះ​បាន​ចុះ​ទៅ​មើល​សង្កាត់​អៀ​ពី​ន (Irpin)​ជាយក្រុង​គៀវ ដែល​រង​ការវាយលុក​យ៉ាង​ខ្លាំង​នៅក្នុង​ដំណាក់កាល​ដំបូង​នៃ​ការ​លុកលុយ​របស់​រុស្ស៊ី​។​

​លោក​ស្ទីលល័​របា​ននិយាយថា “​ការ​ដែល​ឃើញ​ការបំផ្លិចបំផ្លាញ​សង្កាត់​ទាំងនោះ​ជាក់ស្តែង វា​ពិតជា​ធំធេង​ណាស់ ហើយ​វា​មិន​អាច​ទៅរួច​ទេ​ដែល​មិន​រង​អារម្មណ៍​ប៉ះពាល់​ពី​វា​”​។​

“​មាន​យុវជន​ម្នាក់​និយាយ​អំពី​វា​ហាក់បីដូច​ជា​រឿងរ៉ាវ​ចេញពី​ខ្សែភាពយន្ត​ភ័យរន្ធត់​យ៉ាង​អ៊ីចឹង គឺ​មិន​ដឹង​ថា​គាត់​គួរ​នៅ​ឬ​រត់​ទេ ពេល​មី​ស៊ី​លវា​យមក​យ៉ាង​សន្ធាប់​”​។​

“​ការ​ដែល​ឃើញ​គាត់​ឈឺចាប់​បែបនេះ គាត់​ពិតជា​មាន​អារម្មណ៍​ថា​ជីវិត​របស់​គាត់​ត្រូវបាន​ផ្លាស់ប្តូរ​ជា​រៀងរហូត​។ វា​ពិតជា​លំបាក​ណាស់​នៅពេល​ដែល​អ្នក​ឮ​យុវជន​ម្នាក់​និយាយ​ដូច្នេះ ហើយ​អ្នក​ពិតជា​បានដឹង​ថា​ឥទ្ធិពល​នៃ​សង្គ្រាម​មិនមែន​ចេះតែ​មើលឃើញ​នោះ​ទេ​”​។​

​លោក​ស្ទីលល័​របាន​ជួប​ជាមួយ​ប្រធា​នា​ធិបតី​អ៊ុយ​ក្រែនលោក វ៉ូ​ឡូ​ឌី​មៀ ហ្សេ​លេន​ស្គី​ក្នុង​ទីក្រុង​គៀវ​កាលពី​ថ្ងៃ​ចន្ទ ហើយ​បាន​ប្រាប់​គាត់​ថា “​អ្នក​គឺជា​វីរបុរស​របស់ខ្ញុំ​”​។​

​លោក​បាន​ប្រាប់​លោក​ហ្សេ​លេន​ស្គី​ថា “​អ្វី​ដែល​អ្នក​បាន​ធ្វើ វិធី​ដែល​អ្នក​បាន​ប្រមូល​មនុស្ស​ក្នុងប្រទេស​និង​ពិភពលោក វា​ពិតជា​បាន​បំផុសទឹកចិត្ត​ខ្លាំងណាស់​”៕

​                                             លោក​ស្ទីលល័​រជួប​ប្រធានាធិបតី​ហ្សេ​លេន​ស្គី​នៅ​ទីក្រុង​គៀវ​កាលពី​ថ្ងៃ​ចន្ទ

Click to comment

Leave a Reply

Your email address will not be published.

Facebook