Connect with us

ព័ត៌មានទាន់ហេតុការណ៍

មេដឹកនាំ​កូរ៉េខាងជើង​ដឹកនាំ​កិច្ចប្រជុំ​យោធា​ជាថ្មី​ចំ​ពេល​មាន​ការ​រំពឹងថា​ប្រទេស​នេះ​នឹង​ធ្វើ​ការសាកល្បង​នុយក្លេអ៊ែ​រ​

S0eun 23 Jun 2022ទីក្រុងព្យុយ៉ាង ៖ ​មេដឹកនាំ​កូរ៉េខាងជើងលោក គីម ជុង​អ៊ុន បាន​បន្ត​ធ្វើ​ជា​អធិបតី​ដល់​ថ្ងៃទី​ពីរ​នៃ​កិច្ចប្រជុំ​ដ៏​សំខាន់​របស់​គណបក្ស​ស្តីពី​គោលនយោបាយ​យោធា​និង​ការពារជាតិ       នេះ​បើ​តាម​ការ​ចេញ​​ផ្សាយ​របស់​សារព័ត៌មាន​រដ្ឋ​កាលពី​ថ្ងៃ​ព្រហស្បតិ៍​ទី​២៣​មិថុនា ចំ​ពេល​មាន​ការបារម្ភ​ថារបប​ឯកោ​នេះ​នឹង​ធ្វើ​ការសាកល្បង​នុយក្លេអ៊ែរ​ក្នុងពេល​ឆាប់ៗ​។​

​នៅ​ជំនួប​កាលពី​ថ្ងៃ​ពុធ       គណបក្ស​បាន​ពិភាក្សា​ភារកិច្ច​ប្រតិបត្តិ​ការបន្ថែម​សំរាប់​កង​ឯកភាព​ទ័ពនៅ​តាម​ខ្សែត្រៀម​ជួរមុខ កែសម្រួល​ផែនការ​ប្រតិបត្តិការ​និង​រៀបចំ​​ក្បួនទ័ព​ឡើងវិញ ។    ​ទីភ្នាក់ងារ​​សារព័ត៌មាន​កណ្តាល​កូរ៉េ​(KCNA)​បាន​បន្ថែមថា លោក​គីម​បាន​សង្កត់ធ្ងន់​អំពី​សារសំខាន់​នៃ​កិច្ច​ខិតខំ​ជំរុញ​សមត្ថភាព​ប្រតិបត្តិការ​របស់​កង​ឯកភាព​នៅតាម​ខ្សែត្រៀម​។​​មេដឹកនាំ​គីម ជុង​អ៊ុន របស់​កូរ៉េ​ខាងជើង​ក្នុង​កិច្ចប្រជុំ​យោធា​របស់​បក្ស​ពលករ​កូរ៉េ​កាលពី​ថ្ងៃ​២២​មិថុនា​

​ជំនួប​នេះ​ត្រូវ​បាន​តាមដាន​យ៉ាង​យកចិត្តទុកដាក់​ពី​មជ្ឈដ្ឋាន​ខាងក្រៅ​ដោយ​សារ​វា​អាច​ជា​តម្រុយ​ស្តីពី​ពេលវេលា​នៃ​ការសាកល្ប​ង​នុយក្លេអ៊ែរ​ណា​មួយ​បន្ទាប់​ពី​កូរ៉េ​ខាងជើង​បាន​ត្រៀម​កា​រងារ​នេះ​អស់​ពេល​រាប់​សប្តាហ៍​មក​ហើយ​។​

​ពួក​មន្ត្រី​កូរ៉េខាងត្បូង​បាន​និយាយថា ការសាកល្បង​នេះ​អាច​នឹង​កើតឡើង​នៅពេល​ណា​មួយ​និង​ថា​ពេលវេលា​នឹង​ត្រូវ​កំណត់​ដោយ​លោក​គីម​។​តែ​មន្ត្រី​ម្នាក់​នៅ​ការិយាល័យ​ប្រធានាធិបតី​កូរ៉េខាងត្បូង​កាល​​ពី​ថ្ងៃ​ពុធ​បាន​និយាយថា លោក​គិតថា​កូរ៉េខាងជើង​អាច​នឹង​ពន្យារពេល​អ្វី​ដែល​អាច​ជា​ការសាកល្បង​នុយក្លេអ៊ែរ​លើក​ទី​ប្រាំពីរ​របស់ខ្លួន ដោយ​ពិចារណា​អំពី​ប្រក្រតិទិន​នយោបាយ​របស់​ចិន​និង​ស្ថានភាព​ផ្ទុះ​កូវី​ដ​១៩​នៅ​កូរ៉េ​ខាងជើង​។​

​លោក​គីម​កាលពី​ថ្ងៃ​អង្គារ​ក៏​បាន​ធ្វើ​ជា​អធិបតី​នៃ​កិច្ចប្រជុំ​យោធា ដែល​KCNA​បាន​រាយការណ៍​ថា​មាន​កិច្ចពិភាក្សា​អំពី​ភារកិច្ច​សំខាន់ៗ​សំរាប់​សំរាប់ជំរុញ​មុខងារ​និង​តួនាទី​របស់​គណៈកម្មាធិកា​រ​យោធា​នៅ​គ្រប់​​កំរិត ព្រមទាំង​បន្ទាត់​គោល​នយោបាយ​យោធា​និង​គោលនយោបាយ​ការពារជាតិ​របស់​បក្ស​៕

Click to comment

Leave a Reply

Your email address will not be published.

Facebook