ព័ត៌មានទាន់ហេតុការណ៍

ធ្លាប់តែឃើញគេសម្លា.ប់រួចហើយរត់គេចខ្លួន តែបុរសរូបនេះសម្លា.ប់ហើយដេកឱបស.ពដល់ធុំក្លិន ទើបអ្នកជិតខាងដឹងប្រាប

ខេត្តសៀមរាប ៖ បុរសម្នាក់បាន រឹ.ត.កសម្លា.ប់នារីជាសង្សា ព្រោះតែរឿងប្រច័ណ្ឌ បន្ទាប់ពីធ្វើសកម្មភាពរួចហើយ ជនសង្ស័យមិនបានរត់ទៅណាឡើយ បែរជាដេកជិតស.ព នៅក្នុងបន្ទប់ជួល រហូតស.ពនារីរងគ្រោះមានសភាពហើមស្អុយរលួយ និងធុំក្លិនដល់អ្នកជិតខាងប្តឹងសមត្ថកិច្ចឱ្យចុះទៅពិនិត្យ និងឃាត់ខ្លួនជនសង្ស័យបានតែម្តង ។

ហេតការណ៍ខាងលើបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៧និង៣០នាទីយប់ថ្ងៃទី ២៣ ខែមិថុនា ឆ្នាំ២០២២ នៅចំណុចបន្ទប់ជួលមួយកន្លែង ក្រោយសាលាបឋមសិក្សាបន្ទាយចាស់ ស្ថិតក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្ដសៀមរាប ។បើតាមប្រភពពីសមត្ថកិច្ចនគរបាលជំនាញខេត្តសៀមរាបបានប្រាប់ឱ្យដឹងនៅវេលាម៉ោង៨និង៣០នាទីព្រឹកថ្ងៃទី២៤ ខែមិថុនា ឆ្នាំ២០២២នេះថា បន្ទាប់ពីមានប្រជាពលរដ្ឋរស់នៅក្បែរទីតាំងកើតហេតុខាងលើ បានរាយការណ៍មកសមត្ថកិច្ចថា បានធុំក្លិនស្អុយចេញពីបន្ទប់ជួលខាងលើ ពេលនោះក៏មានបទបញ្ជាពីលោកស្នងការ និងស្នងការរងនគរបាលខេត្តសៀមរាប បានឱ្យកម្លាំងនគរបាលការិយាល័យព្រហ្មទណ្ឌកម្រិតធ្ងន់ សហការជាមួយកម្លាំងនគរបាលក្រុងសៀមរាប និងកម្លាំងមូលដ្ឋានចុះទៅពិនិត្យដល់ទីតាំងបន្ទប់ជួលខាងលើ ពិតជាមានធុំក្លិនស្អុយមែន ប៉ុន្តែបន្ទប់ជួលនោះមានចាក់សោរពីក្រៅ លុះទម្លុះទ្វារបន្ទប់ចូលពិនិត្យមើល ក៏ប្រទះឃើញស.ពនារីម្នាក់គ្របភួយ និងជនសង្ស័យដេកក្បែរសាកស.ពទៀតផង ទើបបង្កឱ្យមានការភ្ញាក់ផ្អើលយ៉ាងខ្លាំង ។
តាមប្រភពពីសមត្ថកិច្ចបានបញ្ជាក់ថា ជនរងគ្រោះឈ្មោះ ផា រដ្ឋា ភេទស្រី អាយុ២៦ឆ្នាំ មុខរបរ អ៊ុត សក់ នៅក្នុងផ្សារលើធំថ្មី មានស្រុកកំណើតនៅភូមិទ័ពជ័យ ឃុំបឹងមាលា ស្រុកស្វាយលើ ខេត្ដសៀមរាប បច្ចុប្បន្នជួលបន្ទប់ស្នាក់នៅក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប។ រីឯជនសង្ស័យឈ្មោះ សេង គឹមហួរ ភេទប្រុស អាយុ២៧ឆ្នាំ មុខរបរបុគ្គលិកធនាគារខ្នាតតូច មានស្រុកកំណើតនៅភូមិអញ្ចាញ សង្កាត់នគរធំ ក្រុងសៀមរាប ខេត្ដសៀមរាប ទីលំនៅបច្ចុប្បន្ន ភូមិរលួសកើត ឃុំរលួស ស្រុកប្រាសាទបាគង ខេត្ដសៀមរាប (ត្រូវជាសង្សារជនរងគ្រោះ)។
សមត្ថកិច្ចបានបញ្ជាក់ទៀតថា បើតាមការឆ្លើយសារភាពរបស់ជនសង្ស័យបានឱ្យដឹងថា ខ្លួនពិតជាបានសម្លា.ប់ជនរងគ្រោះប្រាកដមែន ដោយបានយកខ្សែរីដូវាំងនន រឹ.ត.កជនរងគ្រោះ បណ្ដាលឱ្យស្លា.ប់ បន្ទាប់ពីធ្វើសកម្មភាពសម្លាប់ជនរងគ្រោះរួចហើយ ខ្លួនគេងនៅជាមួយសាកស.ពទៀតផងដោយមិនបានរត់គេចខ្លួនទៅណាឡើយ ។ ចំណែកមូលហេតុ គឺមកពីការប្រច័ណ្ឌ ។
តាមការធ្វើកោសល្យវិច្ច័យរបស់សមត្ថកិច្ចជំនាញ និងក្រុមគ្រូពេទ្យ បានបញ្ជាក់ថា ជនរងគ្រោះស្លា.ប់ដោយសារការ រឹ.ត.ក ព្រោះរកឃើញ ករបស់ជនរងគ្រោះមានស្នាមជាំ។
បច្ចុប្បន្ន ជនសង្ស័យត្រូវបានសមត្ថកិច្ចនគរបាលឃាត់ខ្លួនយកទៅអធិការនគរបាលក្រុងសៀមរាប ដើម្បីធ្វើការសួរនាំ និងកសាងសំណុំរឿងបញ្ជូនបន្តទៅតុលាការខេត្តសៀមរាបចាត់ការតាមនីតិវិធីច្បាប់។ ចំណែកស.ពស្ត្រីរងគ្រោះ ត្រូវបានប្រគល់ឱ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី នៅស្រុកកំណើតទាំងយប់ ៕