Connect with us

ព័ត៌មានទាន់ហេតុការណ៍

បាតុភូតកម្រ ភព​ប្រាំ​រះ​ទន្ទឹមគ្នា​ចាប់ពី​ថ្ងៃ​សុក្រ​នេះ​រហូត​ដល់​ថ្ងៃ​ចន្ទ​

Soeun 24 Jun 2022BBC ៖ ភព​ធំៗ​ចំនួន​ប្រាំ​នៅក្នុង​ប្រព័ន្ធ​សុរិយគតិ​របស់​យើង​នឹង​បញ្ចេញ​ពន្លឺ​ភ្លឺ​ចិញ្ចាច​ជា​ជួរ​ក្នុង​អំឡុង​ការ​រះ​ទន្ទឹម​គ្នា​រវាង​ភព​ដ៏​កម្រ​ចាប់ពី​ថ្ងៃ​សុក្រ​ទី​២៤​មិថុនា​នេះ​តទៅ​។​

​ប្រសិនបើ​មេឃ​ស្រឡះ ភ្នែក​ទទេ​គឺ​គ្រប់គ្រាន់​ដើម្បី​មើលឃើញ​ភព​ពុធ ភព​សុក្រ ភព​ព្រះ​អង្គារ ភព​ព្រហស្បតិ៍ និង​ភព​សៅរ៍ រះ​ទន្ទឹមគ្នា​នៅ​មុន​ពេល​ថ្ងៃ​រះ​។​

​វា​ជា​ឱកាស​ពិសេស​មួយ​ដែល​អាច​មើលឃើញ​ភព​ពុធ ដែល​ជា​ធម្មតា​ត្រូវបាន​បាំង​មើលមិនឃើញ​ដោយសារ​ពន្លឺ​ភ្លឺ​ពេក​របស់​ព្រះអាទិត្យ​។​

​ការ​រះ​ទន្ទឹម​គ្នា​នេះ​អាច​ឃើញច្បាស់​បំផុត​នៅ​ព្រឹក​ថ្ងៃ​សុក្រ ប៉ុន្តែ​នឹង​នៅតែ​អាច​មើលឃើញ​រហូត​ដល់​ថ្ងៃ​ចន្ទ​ពី​ផ្នែក​ភាគច្រើន​នៃ​ពិភពលោក​។​

​លើក​ចុងក្រោយ​នៃ​ការ​រះ​ទន្ទឹម​គ្នា​បែប​នេះ​គឺ​បាន​កើតឡើង​ក្នុង​ឆ្នាំ ២០០៤ ហើយ​វា​នឹង​រះ​បែប​នេះ​ម្តងទៀត​នៅ​ឆ្នាំ ២០៤០​។

​សាស្ត្រាចារ្យ លូ​ស៊ី ហ្គ្រី​ន (Lucie Green) ជា​អ្នកវិទ្យាសាស្ត្រ​អវកាស​និង​ជា​ប្រធាន​អ្នក​សង្កេត​ផ្កាយ​នៅ​សមាគម​តារាសាស្ត្រ​ប្រជាប្រិយ បាន​ពន្យល់​បកស្រាយ​ថា ភព​ទាំង​ប្រាំ​នឹង​លេចចេញ​ជា​រាង​”​ដូច​​គុជ​ខ្យង​លាតសន្ធឹង​ពី​ជើងមេឃ​”​។​

​វា​ក៏​ជា​ព្រឹត្តិការណ៍​ពិសេស​មួយ​ផង​ដែរ ព្រោះ​ភព​ទាំងនេះ​នឹង​លេចឡើង​តាម​លំដាប់លំដោយ​នៅ​ជួរ​ជាមួយ​ព្រះអាទិត្យ​៕

ភព​ពុធ ភព​សុក្រ ភព​ព្រះ​អង្គារ ភព​ព្រហស្បតិ៍ និង​ភព​សៅរ៍ រះ​ទន្ទឹមគ្នា​នៅ​មុន​ពេល​ថ្ងៃ​រះ​ចាប់ពី​ថ្ងៃ​សុក្រ​ដល់​ថ្ងៃ​ចន្ទ

Click to comment

Leave a Reply

Your email address will not be published.

Facebook