ព័ត៌មានទាន់ហេតុការណ៍
យន្តហោះ Emirates ហោះជិត១៤ម៉ោងទាំងមានប្រហោងធ្លុះនៅចំហៀងតួយន្តហោះទៅដល់អូស្ត្រាលីដោយសុវត្ថិភាព
Soeun 05 July 2022 ដេល្លីម៉េល ៖ យន្តហោះអារ៉ាប់រួមអេមីរ៉ាតមួយគ្រឿងបានហោះជិត ១៤ ម៉ោងជាមួយនឹងប្រហោងមួយនៅចំហៀងតួខ្លួនរបស់វា មុនពេលចុះចតនៅទីក្រុងប្រ៊ីសប៊ែន (Brisbane) ។
យន្តហោះធុន Airbus A380 បានហោះចេញពីមជ្ឈមណ្ឌលសំខាន់របស់ក្រុមហ៊ុន Emirates ក្នុងទីក្រុងឌូបៃកាលពីថ្ងៃទី ១ ខែកក្កដា ហើយបានចុះចតនៅពេលយប់ប៉ុន្តែអ្នកបើកយន្តហោះបានរាយការណ៍ពីការរកឃើញដ៏គួរឱ្យភ្ញាក់ផ្អើលមួយ នៅពេលដែលពួកគេទៅដល់ទីនោះ។
អ្នកដំណើរបានរាយការណ៍ថាបានឮសំឡេងផ្ទុះខណៈពួកគេកំពុងហោះហើរលើមហាសមុទ្រនៅតាមផ្លូវឆ្ពោះទៅកាន់ប្រទេអូស្ត្រាលី។ប៉ុន្តែក្រុមហ៊ុនអាកាសចរណ៍នេះបានសម្រេចចិត្តបន្តដំណើរទៅមុខទៀតក្នុងរយៈពេល ១៣,៥ម៉ោងទៀតដោយទាក់ទងទៅផ្នែកគ្រប់គ្រងចរាចរណ៍ផ្លូវអាកាសនៅអាកាសយានដ្ឋានប្រ៊ីសប៊ែនភ្លាមៗមុនពេលចុះចតដើម្បីរាយការណ៍ថាពួកគេសង្ស័យផ្ទុះកង់យន្តហោះនៅពេលហោះឡើង។
ពួកគេបានស្នើសុំសេវាសង្គ្រោះបន្ទាន់នៅពេលចុះចត នេះបើយោងតាមវេបសាយ Aviation Herald ។
នៅពេលពួកគេចុះចតបន្ទាប់ពីហោះ ១៣,៥ ម៉ោងនៅលើអាកាស សេវាសង្គ្រោះបន្ទាន់មានការភ្ញាក់ផ្អើលជាខ្លាំងនៅពេលរកឃើញប្រហោងធំមួយនៅផ្នែកចំហៀងនៃតួយន្តហោះខាងឆ្វេង។
មន្ត្រីត្រួតពិនិត្យយន្តហោះក៏បានរកឃើញវីសមួយរបូតចេញពីច្រមុះយន្តហោះផងដែរ ប៉ុន្តែគេមិនទាន់ដឹងថាឧបទ្ទវហេតុទាំងពីរនេះពាក់ព័ន្ធគ្នាឬអត់នោះទេ។
មនុស្សទាំងអស់នៅលើយន្តហោះគឺមានសុវត្ថិភាព ហើយយន្តហោះមិនអាចវិលត្រឡប់ទៅឌូបៃវិញបានទេ ហើយកំពុងចតចោលនៅទីក្រុងប្រ៊ីសប៊ែន៕
យន្តហោះធុន Airbus A380 ធ្លុះនៅតួខាងឆ្វេងពេលហោះ១៣,៥ម៉ោងពីឌូបៃមកប្រ៊ីសប៊ែន
រកឃើញជើងខ្លាំង នៃការប្រកួតកីឡា ស្ប៉េស្យាល់ អូឡាំពិក ថ្នាក់ខេត្ត ប្រចាំឆ្នាំ២០២២
ទីក្រុង Kyiv ជំរុញឱ្យមានការហាមប្រាមការធ្វើដំណើរលើជនជាតិរុស្ស៊ី នៅពេលដែលទីក្រុងម៉ូស្គូ បង្កើនការវាយលុកនៅភាគខាងកើតអ៊ុយក្រែន
អាជ្ញាធរខេត្តស្ទឹងត្រែង លើក ទឹកចិត្តដល់ប្រជាកសិករចិញ្ចឹម គោ ក្របីឱ្យបានច្រើន ដើម្បីកំណើនសេដ្ឋកិច្ចគ្រួសារ
លោក វរៈសេនីយ៍ឯក ឆៅ ហន មេបញ្ជាការរងតំបន់ប្រតិបត្តិការសឹករងព្រះវិហារ សូមគោរពផ្ញើសារចូលរួមរំលែកទុក្ខដ៏សែនក្រៀមក្រំបំផុត ចំពោះមរណភាពឯកឧត្តម ហ៊ុន ណេង
