Connect with us

ព័ត៌មានទាន់ហេតុការណ៍

សមាជិក​សភា​រុ​ស្ស៊ី​ទាមទារ​ឲ្យ​ដកទ័ព​ចេញពី​អ៊ុយ​ក្រែ​ន និងបញ្ចប់សង្គ្រាម

Soeun 07 July 2022មួស្គួ៖     សមាជិក​សភា​បក្ស​កុម្មុយនីស្ត​នៅ​តំបន់​ភាគ​ឥ​សាន​របស់​រុ​ស្ស៊ី         បាន​ទាមទារ​ឲ្យ​មានការ​បញ្ចប់សង្គ្រាម​នៅ​ក្នុង​ប្រទេស​អ៊ុយ​ក្រែ​ន និង​ធ្វើការ​ដកទ័ព​ចេញនេះបើយោងតាមទីភ្នាក់ងារសារព័ត៌មាន (AP)​។

«​យើង​យល់​ថា ប្រ​សិន​ប្រទេស​របស់​យើង​មិន​ប​ញ្ឍ​ប់​ប្រតិបត្តិការ​យោធា​នោះ​ទេ យើង​នឹង​មាន​ក្មេង​កំព្រា​កាន់តែ​ច្រើន​ឡើង​នៅ​ក្នុង​ប្រទេស​របស់​យើង​ »។ នេះ​ជា​ការ​ថ្លែង​របស់​លោក Leonid Vasyukevich នៅ​ក្នុង​កិច្ចប្រជុំ​សភា​និ​តិ​ប្ប​ញ្ញ​តិ្ត​ប្រចាំ​តំបន់ Primorsk នៅ​ទីក្រុង​កំពង់​ផែ​ប៉ា​ស៊ី​ភិ​ច Vladivostok កាលពី​ថ្ងៃ​សុក្រ​ម្សិលមិញ​នេះ​។

ការ​ថ្លែង​របស់​លោក​ដែល​ទៅ​កាន់​ប្រធានាធិបតី​រុ​ស្ស៊ី Vladimir Putin ត្រូវ​បាន​បង្ហាញ​នៅ​ក្នុង​វី​ដេ​អូ​ដែល​បង្ហោះ​នៅ​លើ​បណ្តាញ​សង្គម​តេ​ឡេ​ក្រាម​។

ចំណែក​សមាជិក​សភា​ម្នាក់​ទៀត​បាន​គាំទ្រ​ដល់​ការ​ថ្លែង​របស់​លោក Leonid Vasyukevich ប៉ុន្តែ​ប្រធាន​សភា បាន​ចេញ​សេចក្តី​ប្រកាស​មួយ ដោយ​ហៅ​ការ​ធ្វើ​អត្ថាធិប្បាយ​នោះ​ជា​ការ​បង្កហេតុ​ផ្នែក​នយោបាយ​ដែល​គ្មាន​ការ​គាំទ្រ​ពី​សមាជិក​សភា​ភាគច្រើន​។

សូម​បញ្ជាក់​ថា លោក Vladimir Putinប្រធានាធិបតី​រុ​ស្ស៊ី​ បញ្ជា​ឲ្យ​កងទ័ពធ្វើ​ប្រតិបត្តិការ​ឈ្លានពាន​អ៊ុយ​ក្រែ​ន​អស់​រយៈពេល​ជាង ៣​ខែ​មក​ហើយ​។

បើ​តាម​របាយការណ៍​របស់​អ៊ុយ​ក្រែ​ន​កាលពី​ពេល​ថ្មី​ៗ​នេះ កងទ័ព​រុ​ស្ស៊ី​ជិត ៣០.០០០​នាក់​ត្រូវ​បាន​ស​ម្លា​​ប់​នៅ​ក្នុង​សង្គ្រាម និង​យន្តហោះ រថក្រោះ រថពាសដែក និង​សភា​វុ​​ធ​ផ្សេង​ៗ​ទៀត​រាប់​ពាន់​គ្រឿង​ត្រូវ​បាន​បំផ្លាញ​៕ (AP)

 

Picture
Picture
Picture

Click to comment

Leave a Reply

Your email address will not be published.

Facebook