Connect with us

ព័ត៌មានជាតិ

កម្ពុជាគ្រោងបើកសាលាបណ្តុះបណ្តាលជំនាញបើកបរយន្តហោះនៅឆ្នាំក្រោយនេះ

ភ្នំពេញ៖ អគ្គនាយកបច្ចេកទេសនៃរដ្ឋលេខាធិការអាកាសចរណ៍ស៊ីវិលលោក ខាន់ វណ្ណា កម្ពុជា​គ្រោង​បើកសា​លាបណ្តុះ​ប​ណ្តា​លជំនា​ញបើកបរយន្តហោះនៅឆ្នាំក្រោយនេះ ដើម្បីជួយ​លើវិស័យអាកាសចរណ៍ ដោយលោកអះអាងថា កម្ពុជា​សព្វ​ថ្ងៃ​​កំ​ពុងមាន​កង្វះ​ខាត​ធនធាន​លើជំ​នា​ញ​នេះ។
លោក ខាន់ វណ្ណា ​ប្រាប់​ថា រដ្ឋ​លេ​​ខាធិការអាកាសចរណ៍ស៊ីវិល បាននឹងកំពុងខិតខំប្រឹងប្រែងពិភាក្សាជាមួយក្រុមហ៊ុន ដើ​ម្បី​​បង្កើតសាលាប​ណ្តុះបណ្តា​លជំនាញបើកបរយន្តហោះ ឱ្យមានឆាប់ ដើម្បី ឱ្យកូនខ្មែរមានលទ្ធភាព​ចូលរៀន​ក្នុងត​ម្លៃ​សម​រម្យ​​។

លោកថា បើ​តាមស្ថិតិបង្ហាញ គឺកម្ពុជាកំពុងខ្វះខាតធនធានមនុស្សប្រមាណ ៩០ភាគរយ សម្រាប់បំរើឱ្យវិ​ស័​យ​អាកា​សច​រ​ណ៍​ស៊ីវិលនៅក្នុងប្រទេស ខណៈដែលស្ថានភាពដែលពិភពលោកជាទីផ្សារសេរី និងរដ្ឋបាន​បញ្ឈប់ការផ្ត​ល់​អា​ហារូបករណ៍ និង​កា​រសិក្សានៅក្រៅប្រទេសលើជំនាញនេះ មានតម្លៃខ្ពស់ជាពិសេសជំនាញបើកបរយន្តហោះមានតម្លៃ ១៤ ម៉ឺនដុ​ល្លា​រអា​មេ​រិក។
លោកថ្លែងថា​ បច្ចុប្បន្ននេះជាទីផ្សារសេរី យើងត្រូវតែផ្សព្វផ្សាយឱ្យប្រជាជនរបស់យើង ដែលមានធនធានច្រើន គួរតែ​បញ្ជូ​នកូនឱ្យ​ទៅរៀន ដោយបង់លុយដោយខ្លួនឯង ហើយនៅពេលរៀនចប់ រដ្ឋលេខាធិការដ្ឋានអាកាសសីវិល ជាអ្នក​ស្វែង​ការ​ងារ​ឱ្យ​ធ្វើ ហើយកម្ពុជាកំពុងតែចចារជាមួយខាងក្រុមហ៊ុនឱ្យមានការបញ្ចុះតម្លៃ ដល់យុវជនកម្ពុជា​ដែលបំ​ណ​ងប​ន្ត​កា​រសិក្សាលើវិស័យអាសកាសចរណ៍នេះ ឱ្យស្ថិតនៅក្នុងតម្លៃក្រោមទីផ្សារ។
បើតាមមន្ត្រីរូបនេះ អ្នកដែលបញ្ចប់ការសិក្សាជំនាញបើកបរយន្តហោះនឹងអាចទទួលប្រាក់បៀវ​ត្សស្របតាមស្តង់ដារអ​ន្តរ​ជា​តិចន្លោះ​ប្រមាណ ៣ពាន់ទៅ ៥ពាន់ដុល្លារក្នុងមួយខែឡើងទៅ បន្ទាប់​ពីបំរើការ​ងារបា​នចំ​នួន ២ឆ្នាំ។

បើទោះបីរដ្ឋមិនមានលុយគ្រប់គ្រាន់ក្នុងការផ្តល់អាហារូបករណ៍ដល់យុវជនកម្ពុជាឱ្យបន្តការសិក្សាលើជំនាញវិស័យអាកាសចរណ៍ស៊ីវិលនេះ ក៏ដោយរដ្ឋលេខាធិការអាកាសចរណ៍ស៊ីវិកតែងតែត្រួសត្រាយ និងផ្សព្វផ្សាយដល់ពលរដ្ន​ណាដែល​មា​ន​ធ​នធានគ្រប់គ្រាន់ ឱ្យបញ្ជូនកូនរបស់ពួកគេ ឱ្យទៅបន្តការសិក្សាលើជំនាញផ្នែកនេះ ហើយនៅពេលបញ្ចប់ហើយ កម្ពុជា ជជែ​កជាមួយក្រុមហ៊ុនទាំងអស់ ដើម្បីឱ្យចូលធ្វើការ នឹងឆាប់ទទួលបានប្រាក់កម្រៃមកវិញ។
ដោយមើលឃើញពីបញ្ហាប្រឈមនេះ រដ្ឋលេខាធិការអាកាសចរណ៍ស៊ីវិល នឹងសហការជាមួយក្រុមហ៊ុនឯកជន​មួយបង្កើត​ឱ្យ​មា​ន​សាលាបណ្តុះបណ្តាលជំនាញបើកយន្តហោះនេះ យ៉ាងយូបំផុត គឺនៅក្នុងអំឡុងខែ ឧសភា ឆ្នាំ ២០២១ ខាងមុខ​នេះ នឹងចេញជារូបរាង្គ ហើយតម្លៃសិក្សាសមរម្យអាចនឹង ១ម៉ឺនដុល្លារអាមេរិក ខណៈរៀននៅក្រៅប្រទេសមានចំនួន ១៤ ម៉ឺនដុល្លារអាមេរិក៕

Click to comment

Leave a Reply

Your email address will not be published.

Facebook