Connect with us

ព័ត៌មានជាតិ

ផ្លូវជាតិលេខ៣ តម្លៃជាង២០០លានដុល្លារគ្រោងដាក់ឲ្យដំណើរការ នៅខែកញ្ញា ខាងមុខនេះ

(ភ្នំពេញ)៖ គម្រោងពង្រីក និងលើកកម្ពស់គុណភាពផ្លូវជាតិលេខ៣ ពីរង្វង់មូលចោមចៅដល់ក្រុងកំពត មានប្រវែងប្រមាណ១៣៤គីឡូម៉ែត្រ ដោយក្រាលបេតុងកៅស៊ូ (AC) គិតមកដល់ពេលនេះសម្រេចការសាង​សង់​បាន៩០%ហើយ ខណៈគ្រោងនឹងបញ្ចប់នៅខែកញ្ញា ឆ្នាំ២០២១នេះ មុនការកំណត់ចំនួន១ឆ្នាំ។

លោករដ្ឋមន្ត្រីក្រសួងសាធារណការ និងដឹកជញ្ជូន ស៊ុន ចាន់ថុល បានបញ្ជាក់យ៉ាងដូចនេះនាព្រឹកថ្ងៃទី០៤ ខែមករា ឆ្នាំ២០២០នេះ ក្នុងឱកាសដឹកនាំក្រុមការងារ ដោយមានការចូលរួមពីក្រុមហ៊ុនសាងសង់ ក្រុមហ៊ុនត្រួតពិនិត្យគុណភាពផ្លូវ ចុះពិនិត្យមើលវឌ្ឍនភាពនៃការសាងសង់ផ្លូវជាតិលេខ៣។

លោកទេសរដ្ឋមន្ត្រី ស៊ុន ចាន់ថុល បានបញ្ជាក់ទៀតថា ការរួចរាល់មុនគម្រោងនេះ គឺបានឆ្លងកាត់ការត្រួតពិនិត្យរបស់មន្ត្រីជំនាញគ្រប់ដំណាក់កាលសាងសង់ទាំងអស់ និងបានត្រឹមត្រូវតាមលក្ខណ:បច្ចេកទេស។

លោកទេសរដ្ឋមន្ត្រីបានបន្ថែមទៀតថា ដើម្បីបញ្ជៀសឱ្យបានកាន់តែមានប្រសិទ្ធភាព ក្នុងការបើកបរបត់ត្រឡប់ក្រោយនៅលើផ្លូវជាតិលេខ៣នេះ នឹងក្រោយពីការស្នើរបស់ក្រសួងក្រុមហ៊ុនសាងសង់ក៏បានសម្រេចជួយសាងសង់ផ្លូវត្រឡប់ក្រោយចំនួន៥កន្លែង នៅលើផ្លូវជាតិលខ៣នេះផងដែរ។

សូមបញ្ជាក់ថា ការពង្រីក និងលើកកម្រិតគុណភាព (ពី DBST ទៅ AC) លើកំណាត់ផ្លូវជាតិលេខ៣នេះ មានប្រវែងសរុបជិត១៣៥គីឡូម៉ែត្រ ចាប់ពីរង្វង់មូលចោមចៅ ដល់ក្រុងកំពត ក្រោមហិរញ្ញប្បទានសម្បទានរបស់រដ្ឋាភិបាលចិនជាង ២០០លានដុល្លារអាមេរិក៕

Click to comment

Leave a Reply

Your email address will not be published.

Facebook