ព័ត៌មានសេដ្ឋកិច្ច
នៅឆ្នាំ២០២០ កម្ពុជាបានចំណូលជាង ១ពាន់លានដុល្លារពីការនាំចេញស្រូវ ខណៈនាំចេញអង្ករជិត ៧០ម៉ឺនតោន
ភ្នំពេញ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទលោក វេង សាខុន បានឲ្យដឹងថា កម្ពុជាទទួលបានចំណូលជាង ១២០០លានដុល្លារអាមេរិកពីការនាំចេញស្រូវជិត ៣លានតោន និងនាំចេញអង្ករជិត ៧០ម៉ឺនតោនពេញមួយឆ្នាំនៃឆ្នាំ២០២០ ដែលទើបកន្លងផុតទៅនេះ។
លោក វេង សាខុន បានបញ្ជាក់ថា នៅឆ្នាំ២០២០ កម្ពុជាបាននាំចេញអង្ករសរុបចំនួន ៦៩០ ៨២៩ តោន មានកំណើនប្រមាណ ១១.៤០ភាគរយបើធៀបទៅនឹងឆ្នាំ២០១៩ បើគិតតម្លៃសរុបនៃការនាំចេញអង្ករចំនួន ៥៣៨ ៨៤៦ ៦២០ដុល្លារអាមេរិក។ ដោយឡែកបរិមាណនៃការនាំចេញស្រូវសរុបចំនួន ២ ៨៩៣ ៩៥១ តោន គិតតម្លៃសរុបនៃការនាំស្រូវចេញចំនួន ៧២៣ ៤៨៧ ៧៥០ លានដុល្លារអាមេរិក។
លោកបន្តថា អង្កររបស់កម្ពុជា ត្រូវបាននាំចេញទៅគោលដៅចំនួន ៦០ប្រទេសរួមមាន ប្រទេសចិនចំនួន ២៨៩ ៤៣៩ តោន ស្មើនឹង ៤១.៩០ភាគរយនៃការនាំចេញអង្ករសរុប, សហភាពអ៊ឺរ៉ុប (២៤ប្រទេស) ចំនួន ២០៣ ៧៩១ តោន ស្មើនឹង ២៩.៥០ភាគរយនៃការនាំចេញអង្ករសរុប។
លើសពីនេះតាមបណ្តាប្រទេសអាស៊ាន (៦ប្រទេស) ចំនួន ៨៦ ៨៩៩ តោន ស្មើនឹង ១២.៥៨ភាគរយនៃការនាំចេញអង្ករសរុប និងគោលដៅផ្សេងទៀត (២៩ប្រទេស) ចំនួន ១១០ ៧០០ តោន ស្មើនឹង១៦.០២ភាគរយនៃការនាំចេញអង្ករសរុប។ ចំណែកក្រុមហ៊ុននាំចេញអង្ករ ក្រុមហ៊ុននាំចេញមានចំនួន ៧៦ ក្រុមហ៊ុន។
គួររំឭកថា នៅឆ្នាំ២០២០ កម្ពុជាមានផ្ទៃដីដាំដុះចំនួន ៣ ៤០៤ ១៣១ ហិកតា ក្នុងនោះផ្ទៃដីប្រមូលផលចំនួន ៣ ២៦៨ ៩៦៨ ហិកតា ដែលទួលបានទិន្នផលមធ្យមចំនួន ៣,៣៤៥ តោន/ហិកតា។ បរិមាណនៃការប្រមូលផលស្រូវសរុបចំនួន ១០ ៩៣៥ ៦១៨តោន អតិរេកស្បៀងសរុប (គិតជាស្រូវ) ចំនួន ៥ ៩២២ ១៣៨ តោន (ស្រូវលើសតម្រូវការ) បើគិតជាអង្ករចំនួន ៣ ៧៩០ ១៦៨ តោន៕
សម្តេចពិជ័យសេនាទៀ បាញ់ ជំរុញឱ្យរដ្ឋបាលខេត្តសៀមរាប បន្តពង្រឹងការអភិវឌ្ឍលើគ្រប់វិស័យ ដើម្បីលើកកម្ពស់ជីវភាពពលរដ្ឋ
ឥណ្ឌូនេស៊ីស្វែងរកអ្នកវិនិយោគសម្រាប់គម្រោងកំដៅក្នុងផែនដីថ្មី
សមាគមធនាគារចំនួន៣ សហការជាមួយក្លឹបអ្នកកាសែតកម្ពុជា បើកវគ្គបណ្តុះបណ្តាលសម្រាប់អ្នកសារព័ត៌មានស្ដីពីវិស័យធនាគារ ហិរញ្ញវត្ថុ និងធានារ៉ាប់រងនៅកម្ពុជា
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
