ព័ត៌មានទាន់ហេតុការណ៍
ប្រធានសភាអាម៉េរិកមកធ្វើទស្សនកិច្ចតៃវ៉ាន់ចិនព្រមានអំពីផលវិបាកនិងទាមទារអោយលុប ចោលការលក់អាវុធទៅអោយកោះតៃវ៉ាន់
Soeun 20 July 2022ប៉េកាំង៖ កាលពីថ្ងៃអង្គារទី១៩កក្កដាឆ្នាំ២០២២ ក្រសួងការបរទេសចិនបាននិយាយថា ដំណើរទស្សនកិច្ចណាមួយរបស់ប្រធានសភាអាម៉េរិកលោកស្រី ណាន់ស៊ី ផេឡូស៊ី(Nancy Pelosi)ទៅមកកាន់កោះតៃវ៉ាន់នឹងប៉ះពាល់អធិបតេយ្យភាពព្រមទាំងបូរណភាពទឹកដីចិនយ៉ាងធ្ងន់ធ្ងរ ហើយអាម៉េរិកនឹងទទួលផលវិបាក។
ទន្ទឹមនឹងនោះចិនបានទាមទារអោយអាម៉េរិកលុបចោលជាបន្ទាន់ការលក់អាវុធចុងក្រោយបំផុតរបស់ខ្លួនទៅអោយកោះតៃវ៉ាន់ នេះបើតាមសារព័ត៌មានចិនបានស្រង់សម្តីក្រសួងការពារជាតិចិនក្រោយពីក្រសួងការពារជាតិអាម៉េរិកបាននិយាយកាលពីសប្តាហ៍មុនថា ក្រសួងការបរទេសអាម៉េរិកបានអនុម័តការលក់គ្រឿងបន្លាស់យោធាទៅអោយតៃវ៉ាន់ក្នុងតំលៃ១០៨លានដុល្លារ។
បើតាមក្រសួងការពារជាតិអាម៉េរិក អាជ្ញាធរកោះតៃវ៉ាន់បានស្នើសុំជំនួយ រួមមានគ្រឿងបន្លាស់សំរាប់រថក្រោះ និងយានយន្តប្រយុទ្ធព្រមទាំងការគាំទ្រឡូជីស្ទិចនិងបច្ចេកទេសពីអ្នកម៉ៅការនិងរដ្ឋាភិបាលអាម៉េរិក។
គួរបញ្ជាក់ថា៖ អ្នកនាំពាក្យក្រសួងលោក ចាវ លីជៀន បាននិយាយក្នុងសន្និសីទកាសែតមួយថា លោកស្រីផេឡូស៊ីមានផែនការមកធ្វើទស្សនកិច្ចតៃវ៉ាន់ នៅខែសីហា ហើយចិននឹងចាត់វិធានការខ្លាំងក្លាដើម្បីការពារអធិបតេយ្យភាពនិងបូរណភាពទឹកដីរបស់ខ្លួន។
សូមបញ្ជាក់ថា ចិនចាត់ទុកតៃវ៉ាន់ជាខេត្តឧទ្ទាមមួយរបស់ខ្លួន ហើយអាចនឹងប្រើកងកម្លាំងដើម្បីនាំកោះសេរីនិយមនេះមកនៅក្រោមការគ្រប់គ្រងរបស់មហាយក្យចិនដីគោក ក្នុងករណីចាំបាច់ឬក៏ក្នុងករណីអាជ្ញាធរកោះនេះប្រកាសឯករាជ្យ។
តាមពិតអាម៉េរិកមិនមានទំនាក់ទំនងការទូតផ្លូវការ ជាមួយរដ្ឋាភិបាលទីក្រុងតៃប៉ិះ(តៃវ៉ាន់)ទេ ក៏ប៉ុន្តែមានការិយាល័យទំនាក់ទំនងដែលអាចថាជាស្ថានទូតតាមការជាក់ស្តែង ហើយប្តេជ្ញាការពារកោះនេះពីការវាយប្រហារពីមហាយក្សចិនផងដែរ។
ច្បាប់អាម៉េរិកតំរូវអោយរដ្ឋាភិបាលទីក្រុងវ៉ាស៊ីនតោន ផ្គត់ផ្គង់សព្វាវុធដល់តៃវ៉ាន់ដើម្បីជាមធ្យោបាយការពារខ្លួន ៕
ញាក់សាច់! កូរ៉េខាងជើងបញ្ជូនកងទ័ព “ស្ម័គ្រចិត្ត” ១០ ម៉ឺននាក់ ទៅជួយរុស្ស៊ី ច្បាំងជាមួយអ៊ុយក្រែន
“Pelosi” ថ្កោលទោសមេដឹកនាំចិនចំពោះការសម្ដែង “ចោរកំសាក” ដំណើរកម្សាន្តទៅកាន់កោះតៃវ៉ាន់
ប្រទេសចិនដាក់ រ៉ូបូតតាក់ស៊ីគ្មានមនុស្សបើកពេញលេញត្រៀមដាក់ឱ្យបើកបរលើដងផ្លូវ
លោក វរៈសេនីយ៍ឯក ឆៅ ហន មេបញ្ជាការរងតំបន់ប្រតិបត្តិការសឹករងព្រះវិហារ សូមគោរពផ្ញើសារចូលរួមរំលែកទុក្ខដ៏សែនក្រៀមក្រំបំផុត ចំពោះមរណភាពឯកឧត្តម ហ៊ុន ណេង
