Connect with us

កងកម្លាំងប្រដាប់អាវុធ

ឯកឧត្តម បណ្ឌិត សឹង សំណាង បាននាំមកទេយ្យទាន ព្រមទាំងសម្ភារៈបរិក្ខារ គ្រឿងឧបភោគបរិភោគនិងទៀនព្រះវស្សាប្រគេនព្រះសង្ឃគង់ចាំព្រះវស្សាចំនួន៦វត្តនៅស្រុកកំពង់លែង

នៅព្រឹកថ្ងៃទី ១៩ ខែកក្កដា ឆ្នាំ២០២២ ឯកឧត្តមបណ្ឌិត សឹង សំណាង មេបញ្ជាការកងទ័ពជើងអាកាស និងជាប្រធានក្រុមការងារថ្នាក់កណ្តាលចុះជួយស្រុកកំពង់លែង រួមនឹងឯកឧត្តម លោកជំទាវ លោក លោកស្រី ប្រធានក្រុមប្រឹក្សា គណអភិបាល មន្ត្រីរាជការ កងកម្លាំងទាំងបីក្នុងស្រុក កំពង់លែង ខេត្តកំពង់ឆ្នាំង បាននាំមកនូវទេយ្យទាន ព្រមទាំងសម្ភារៈបរិក្ខារ គ្រឿង ឧបភោគបរិភោគនិងទៀន ព្រះវស្សា មកវេរប្រគេនព្រះសង្ឃគង់ចាំព្រះវស្សាក្នុងវត្តចំនួន ៦ មានៈ វត្តភូមិត្របែក , វត្តភូមិត្រងិល , វត្តភ្នំភូមិអណ្តូងរនុក , វត្តជប់កង្រី , និងវត្តភូមិទំនប់ចំនួន២វត្ត ក្នុងឃុំត្រងិល ស្រុកកំពង់ លែង ខេត្តកំពង់ឆ្នាំង។

ក្នុងវត្តនីមួយៗឧបត្ថម្ភប្រគេននូវ៖ -ទៀនចំណាំព្រះវស្សា ១គូ, ផ្ទាំងសូឡា៥០០វ៉ាត់ ១ផ្ទាំង មីឡូ ៦កែវ , ទឹកអូឈិ ៦យួរ , អង្ករ ៦០ គីឡូក្រាម , ទឹកត្រី ៣យួរ , ទឹកស៊ីអ៊ីវ ៣យួរ , ត្រីខ ៣យួរ , មីម៉ាម៉ា៤កេស , ទឹកក្រូច ៤កេស , ប្រេងឆា ៣ដប , សៀង ៣គីឡូក្រាម , ឆៃប៉ូវ ៣គីឡូ , ស្ករស ៣គីឡូក្រាម , អំបិល ៣គីឡូក្រាម , ទឹកបរិសុទ្ធ ៣កេស , បច្ច័យសម្រាប់កសាងក្នុងមួយវត្តៗ ចំនួន ២លានរៀល , ព្រះសង្ឃចំនួន ៨អង្គ មួយអង្គសាដកមួយ និងបច្ច័យ ១០ម៉ឺនរៀល ។

ជូនអាចារ្សគណ:កម្មការ ៨ នាក់ម្នាក់ៗទទួលបាន ៣ម៉ឺនរៀល ជូនលោកយាយលោក តា និងពុទ្ធបរិស័ទចំណុះជើង វត្តដែលបានចូលរួមចំនួន ៧៧នាក់ក្នុងម្នាក់១ម៉ឺនរៀល ៕

Click to comment

Leave a Reply

Your email address will not be published.

Facebook