Connect with us

ព័ត៌មានកីឡា

កក្រើក​​! Mayweather-McGregor តម្លៃ​ជាង​១៥០​លាន​ដុល្លារ ជិត​ឈាន​ដល់​កិច្ចព្រមព្រៀង​មួយ

អា​មេ​រិ​ក ៖ កំពូល​អ្នក​ប្រដាល់​អា​មេ​រិ​ក Floyd Mayweather ត្រូវ​បាន​រាយការណ៍​ថា កាន់តែ​ជិត​ឈាន​ដល់​ការ​យល់ព្រម​លើ​កិច្ចព្រមព្រៀង​ជាមួយនឹង​កំពូល​អ្នក​គុន​ចម្រុះ UFC ជនជាតិ​អៀរ​ឡង់ Conor McGregor សម្រាប់​ការ​ប្រកួត​លើក​ទី​២​រវាង​ពួក​គេ​។


រហូត​មក​ដល់​ពេល​នេះ វា​មាន​រយៈពេល​ជិត​៥​ឆ្នាំ​ហើយ ចាប់តាំងពី Mayweather បាន​ផ្តល់​មេរៀន​ប្រដាល់សកល​ដ៏​ជូរ​ចត់​ដល់ McGregor​។ ដោយ​ផ្តួល​កំពូល​អ្នកលេង​គុន​ចម្រុះ​អៀរ​ឡង់​រូប​នេះ ឱ្យ​បោះបង់​ការ​ប្រកួត​ដែល​ធ្វើ​ឡើង​នៅ Las Vegas ត្រឹម​ទឹក​ទី​១០ កាលពី​ខែសីហា ឆ្នាំ​២០១៧ កន្លង​ទៅ​។ប៉ុន្តែ​កាលពី​ថ្ងៃ​ទី​២៦ ខែកក្កដា កន្លង​ទៅ​ថ្មី​ៗ​នេះ កាសែត The Sun បាន​ចេញផ្សាយ​ថា Mayweather មាន​ឆន្ទៈ​ក្នុង​ការ​បង្កើត​កំណត់​ត្រា​មិន​ទាន់​ស្គាល់​ចាញ់​របស់​ខ្លួន​ម្តងទៀត​ជាមួយនឹង McGregor ។

បើតាមប្រភព​ដដែល​បាន​រាយការណ៍​ថា ៖ ភាគី​ទាំង​២​កាន់តែ​ជិត​ឈាន​ដល់​កិច្ចព្រមព្រៀង​មួយ​ ខណៈ​ដែល Mayweather ហ៊ាន​ផ្តល់​ជូន McGregor នូវ​កិច្ចព្រមព្រៀង​តម្លៃ ១៥៨​លាន​ដុល្លារ​សម្រាប់​ការ​ប្រកួត​លើក​ទី​២​របស់​ពួក​គេ​។Mayweather នៅ​មិន​ទាន់​មានការ​ប្រកួត​អាជីព​ផ្លូវការ​ណាមួយ​នៅឡើយ​ទេ​។ ចាប់តាំងពី​ទទួល​ជ័យជម្នះ​លើ McGregor​។ ខណៈ​ដែល McGregor ក៏​មិន​ទាន់​មានការ​ប្រកួត​ណាមួយ​ផង​ដែរ​។ ចាប់តាំងពី​របួស​បាក់​កជើង​ខាងឆ្វេង​យ៉ាង​រន្ធ.ត់ នៅ​ក្នុង​ការ​ប្រកួត​បរាជ័យ​ក្រោម​ស្នាដៃ​កីឡាករ​អា​មេ​រិ​ក Dustin Poirier នៅ​ក្នុង​កម្មវិធី UFC 264 កាលពី​ខែកក្កដា​ឆ្នាំ​មុន​។ទាំង Mayweather និង McGregor សុទ្ធតែ​ឆ​ន្ទះ​ស្វែងរក​ជ័យជម្នះ​ដូច​គ្នា​។ ដោយ Mayweather មាន​ឆ​ន្ទះ​បន្ត​កំណត់​ត្រា​មិន​ទាន់​ស្គាល់​ចាញ់ ៥០-០ របស់​ខ្លួន​។ ខណៈ​ដែល McGregor បង្ហាញ​ឆ​ន្ទះ​សងសឹក ដើម្បី​បញ្ចប់​កំណត់​ត្រា​មិន​ទាន់​ស្គាល់​ចាញ់​នៃ​ការ​ប្រកួត​អាជីព​របស់ Mayweather៕

Click to comment

Leave a Reply

Your email address will not be published.

Facebook