ព័ត៌មានជាតិ
យុវជនជិត ២ម៉ឺននាក់ ត្រូវបានក្រសួងការងារផ្ដល់អាហារូបករណ៍ឱ្យរៀនជំនាញបច្ចេកទេស និងវិជ្ជាជីវៈ
ភ្នំពេញ: បេក្ខជនចំនួន ១៩ ១៧៩នាក់ ត្រូវបានក្រសួងការងារ និងបណ្តុះបណ្តាលវិជ្ជាជីវៈប្រកាសផ្ដល់អាហារូបករណ៍ឱ្យចូលរៀនថ្នាក់សញ្ញាបត្របច្ចេកទេស និងវិជ្ជាជីវៈនៅតាមគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈចំនួន ៣៨កន្លែងនៅទូទាំងប្រទេស ដើម្បីផ្ដល់ជំនាញ ចំណេះដឹង និងបទពិសោធន៍ដល់ពួកគេ។
សេចក្ដីជូនដំណឹងក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា ក្នុងឆ្នាំសិក្សា២០២០-២០២១ខាងមុខនេះ ក្រសួងនឹងជ្រើសរើសបេក្ខជនចំនួន ១៩ ១៧៩នាក់ឱ្យទទួលអាហារូបករណ៍ចូលរៀនថ្នាក់បរិញ្ញាបត្របច្ចេកទេស និងវិជ្ជាជីវៈ ១(C1), ២ (C2) និង ៣ (C3)ថ្នាក់សញ្ញាបត្រជាន់ខ្ពស់/បរិញ្ញាបត្ររង បច្ចេកទេស/ឯកទេស(HDT/S) និងថ្នាក់បរិញ្ញាបត្របច្ចេកវិទ្យា/ឯកទេស/សញ្ញាបត្រវិស្វករ(BT/S/BE)ទៅតាមចំនួន ជំនាញ/មុខរបរ និងគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈមួយចំនួន។
សេចក្ដីជូនដំណឹងបន្តថា គ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈទាំងនោះរួមមាន វិទ្យាស្ថានជាតិពហុបច្ចេកទេសកម្ពុជា, វិទ្យាស្ថានជាតិបណ្ដុះបណ្ដាលបច្ចេកទេស, វិទ្យាស្ថានពហុបច្ចេកទេសព្រះកុសុមៈ, វិទ្យាស្ថានជាតិពាណិជ្ជសាស្ត្រ, វិទ្យាស្ថានជាតិសហគ្រិនភាព និងនវានុវត្តន៍, វិទ្យាស្ថានបច្ចេកទេសឧស្សាហកម្ម, វិទ្យាស្ថានអភិវឌ្ឍន៍មុខជំនាញកម្ពុជា-ថៃ, វិទ្យាស្ថានពហុបច្ចេកទេសភូមិភាគតេជោសែនបាត់ដំបង និងវិទ្យាស្ថានអប់ និងបណ្ដុះបណ្ដាលនៅតាមបណ្ដាខេត្តមួយចំនួនទៀត។
សេចក្ដីជូនដំណឹងបញ្ជាក់ថា៖«បេក្ខជនត្រូវមកទទួលពាក្យសុំអាហារូបករណ៍នៅតាមគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈដែលខ្លួនមានបំណងចង់សិក្សា រាល់ម៉ោងធ្វើការ។ កាលបរិច្ឆេតឈប់ទទួលពាក្យនឹងជូនដំណឹងដោយសាមីគ្រឹះស្ថានអប់ បណ្ដុះបណ្ដាលបច្ចេកទេស និងវិជ្ជាជីវៈនីមួយ»។
មន្ត្រីទទួលពាក្យសុំអាហារូបករណ៍នៃមជ្ឈមណ្ឌលបណ្ដុះបណ្ដាលវិជ្ជាជីវៈខេត្តព្រៃវែងបានថ្លែងថា មជ្ឈមណ្ឌលបណ្ដុះបណ្ដាលវិជ្ជាជីវៈខេត្តព្រៃវែង ប្រកាសជ្រើសរើសសិស្សឱ្យចូលរៀនចំនួន ៧០០នាក់ ប៉ុន្ដែត្រូវឆ្លងកាត់ការប្រឡងជ្រើសរើសជាមុន។ ក្នុងនោះនឹងមានផ្ដល់អទិភាពចំពោះសិស្សក្រីក្រ និងសិស្សជាជនជាតិដើមភាគតិច។
លោកបញ្ជាក់ថា កម្មវិធីអាហារូបករណ៍នេះ គឺយើងជ្រើសរើសជារៀងរាល់ឆ្នាំ ប៉ុន្ដែឆ្នាំនេះរៀងយឺតបន្ដិចដោយសារវិបត្តិកូវីដ១។ កម្មវិធីសិក្សាមានជំនាញ និងរយៈពេលសិក្សាផ្សេងៗគ្នា គឺជំនាញរយៈពេលខ្លីចាប់ពី ៤ខែដល់ ៨ខែ រីឯជំនាញរយៈពេលវែង ចាប់ពី ១០ខែដល់ ១៨ខែ៕
សម្តេចពិជ័យសេនាទៀ បាញ់ ជំរុញឱ្យរដ្ឋបាលខេត្តសៀមរាប បន្តពង្រឹងការអភិវឌ្ឍលើគ្រប់វិស័យ ដើម្បីលើកកម្ពស់ជីវភាពពលរដ្ឋ
ឥណ្ឌូនេស៊ីស្វែងរកអ្នកវិនិយោគសម្រាប់គម្រោងកំដៅក្នុងផែនដីថ្មី
សមាគមធនាគារចំនួន៣ សហការជាមួយក្លឹបអ្នកកាសែតកម្ពុជា បើកវគ្គបណ្តុះបណ្តាលសម្រាប់អ្នកសារព័ត៌មានស្ដីពីវិស័យធនាគារ ហិរញ្ញវត្ថុ និងធានារ៉ាប់រងនៅកម្ពុជា
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
