ថវិកាការពារជាតិរបស់តៃវ៉ាន់ ផ្តល់សញ្ញាដល់ប្រទេសចិនថា ការប្រើប្រាស់កម្លាំងអាចមានតម្លៃថ្លៃមិនខាន

គួរំលឹកថា តៃវ៉ាន់នៅថ្ងៃព្រហស្បតិ៍ ម្សិលមិញ បានប្រកាសផែនការសម្រាប់ការបង្កើន ១៤ ភាគរយពីមួយឆ្នាំទៅមួយឆ្នាំដល់ 19 ពាន់លានដុល្លារក្នុងការចំណាយលើវិស័យការពារជាតិសម្រាប់ឆ្នាំក្រោយ ដែលជាការកើនឡើងយ៉ាងខ្លាំង បើធៀបនឹងកំណើនការចំណាយប្រចាំឆ្នាំពីមុនក្រោម ៤ ភាគរយចាប់តាំងពីឆ្នាំ ២០១៧ ។

ការបង្កើនកញ្ចប់ថវិកានេះកើតឡើងបន្ទាប់ពីប្រទេសចិនបានរៀបចំល្បែងសង្គ្រាមទ្រង់​ទ្រា​យ​ធំជុំវិញកោះ ដែលទីក្រុងប៉េកាំងចាត់ទុកជាទឹកដីអធិបតេយ្យភាពរបស់ខ្លួន ក្នុងប្រតិកម្មតបទៅនឹងដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi កន្លងទៅដែលបានធ្វើអោយចិនក្តៅស្លឹកត្រជៀកនិងបានធ្វើសមយុទ្ធបាញ់គ្រាប់ពិតរហូតដល់៦ចំណុចជុំវិញកោះតៃវ៉ាន់។

អ្នកវិទ្យាសាស្ត្រនយោបាយនៃសាកលវិទ្យាល័យជាតិសិង្ហបុរី (NUS) លោក Chong Ja Ian បាននិយាយថា កំណើននៃថវិកាយោធារបស់តៃវ៉ាន់គឺត្រូវបានរំពឹងទុក ដោយសារការកើនឡើងសម្ពាធលើកោះនេះពីយោធារបស់ប្រទេសចិន។ សាស្ត្រាចារ្យដដែលបានបន្ថែមថា “ការកំណត់ពីមុនលើការពង្រីកការចំណាយយោធាសម្រាប់តៃវ៉ាន់ ពាក់ព័ន្ធនឹងការសង្ស័យចំពោះភាពបន្ទាន់នៃការគំរាមកំហែងផ្នែកយោធាពីដីគោក” តែពេលនេះគឺការកំណត់ផែនការច្បាស់ពិសេសគឹការគមរាមកំហែងពីចិនដីគោកតែម្តង។

“ការគំរាមកំហែងខាងយោធារបស់ PRC (សាធារណៈរដ្ឋប្រជាមានិតចិន) បានកាត់បន្ថយការភ័យខ្លាចបែបនេះយ៉ាងខ្លាំង” ។ ជំនួយការសាស្រ្តាចារ្យ Benjamin Ho មកពីកម្មវិធីប្រទេសចិននៅសាលា  Rajaratnam School of International Studies ក៏បាននិយាយផងដែរថា ការផ្លាស់ប្តូររបស់តៃវ៉ាន់ក្នុងការបង្កើនថវិការបស់ខ្លួន “មិនគួរឱ្យភ្ញាក់ផ្អើលទាល់តែសោះ” ដោយសារតែការកើនឡើងនៃការគំរាមកំហែង និងការញុះញង់ពីប្រទេសចិនឆ្ពោះទៅកាន់តៃប៉ិក្នុងរយៈពេលពីរឆ្នាំចុងក្រោយនេះ។

តៃវ៉ាន់បានកត់ត្រាការលុកលុយដោយយន្តហោះចម្បាំងចិនប្រហែល ៩៧០ គ្រឿងចូលទៅក្នុងតំបន់ការពារដែនអាកាសរបស់ខ្លួនក្នុងឆ្នាំ 2021 ដែលច្រើនជាងទ្វេដងនៃចំនួនប្រហែល ៣៨០ ក្នុងឆ្នាំ ២០២០ កត្តាទាំងនេះបានជម្រុញអោយតៃវ៉ាន់ ត្រូវតែពង្រឹងសមត្ថភាពយោធារបស់ខ្លួនដើម្បីការពារនៅដែនកោះជាអធិបតេ្យរបស់ខ្លួនអោយខានតែបានមិនថាតម្លៃណានោះឡើយ៕