Connect with us

ព័ត៌មានជាតិ

ក្រុមអ្នកអភិរក្ស កំពុងធ្វើតាមដានវត្តមានអកត្រីក្បាលប្រផេះនៅកម្ពុជា ដែលជាសត្វរង​ការគំរាមកំហែង

(ភ្នំពេញ)៖ យោងតាមប្រភពព័ត៌មានពីគេហទំព័រ BirdLife International Cambodia Programme នាព្រឹកថ្ងៃទី២១ ខែមករា ឆ្នាំ២០២១នេះ បានឲ្យដឹងថា ក្រុម​អ្នក​អភិរក្ស​នៃ​អង្គការ​សត្វ​ស្លាប​អន្តរជាតិ ​នៅពេលនេះ​កំពុងតែ​តាមដាន​នូវ​វត្តមាន​សត្វ​បក្សី​មួយ​ប្រភេទ គឺ​អក​ត្រី​ក្បាល​ប្រផេះ​។​

ប្រភព​ដដែល​បាន​អះអាងថា អក​ត្រី​ក្បាល​ប្រផេះ​កំពុង​ទទួលរង​ការគំរាមកំហែង​ដោយ​ការបាត់​ទីជម្រក ​និង​ការនេសាទ​ត្រី​ហួស​កម្រិត​។​

​ប្រភព​ដដែល​បាន​បន្តថា នៅ​ដែនជម្រកសត្វព្រៃ​លំផាត់​ក្រុមការងារ​តាមដាន​ជីវចម្រុះ​យើង​បាន​កត់ត្រា​វត្តមាន ​និង​សំបុក​សត្វ​ប្រភេទ​នេះ​នៅ​រាយប៉ាយ​ជាពិសេស​ទីតាំង​ជាប់​តំបន់ដីសើម​ធំៗ និង​ទន្លេស្រែពក​។ ដោយឡែក​ក្នុង​ខែធ្នូ​កន្លងមក ​យើង​កត់ត្រា​បាន​នៅ០​៤​ទីតាំង​ផ្សេងគ្នា​នៃ​ដែនជម្រកសត្វព្រៃ​លំផាត់​។​

គួរបញ្ជាក់ផងដែរថា អក​ត្រី​ក្បាល​ប្រផេះ​នៅ​កម្ពុជា គឺជា​ប្រភេទ​សត្វ​បក្សី​ដែល​ស៊ី​ត្រី ហើយ​មាន​ដែន​ជម្រក​នៅ​តំបន់អាស៊ី​អ​គ្នេ​យ៍ ។ ​សត្វ​បក្សី​ប្រភេទ​នេះ​ត្រូវបាន​គេ​ដឹងថា អាចមាន​ចំនួន​ពី ១០ ០០០ ទៅ ១០០ ០០០ ក្បាល ហើយ​អាច​នឹង បន្ត​ធ្លាក់ចុះ​ដោយសារតែ​ការបាត់បង់​ទីជម្រក ការបំពុល ការ​ខ្សត់​ចំណី ។

​នៅពេល​បច្ចុប្បន្ននេះ អក​ត្រី​ក្បាល​ប្រផេះ​​គឺជា​ប្រភេទ​សត្វ​ដែល​កំពុងតែ​បោះជំហាន​ទៅរក​សត្វ​ដែល​ជិត​នឹងរង​នូវ​ការ​គំរាមកំហែង ៕​

Click to comment

Leave a Reply

Your email address will not be published.

Facebook