Connect with us

ព័ត៌មានជាតិ

ខេត្តព្រះសីហនុនឹងរៀបចំ ក្លឹបឆ្នេរសមុទ្រដែលស្អាតបំផុតលើសកលលោក នៅថ្ងៃទី៩-១៤ ខែធ្នូនាពេលខាងមុខនេះ

(ព្រះសីហនុ)៖ នៅរសៀលថ្ងៃទី១០ ខែកញ្ញា ឆ្នាំ២០២២ បានបើកកិច្ចប្រជុំពិភាក្សាការងារស្តីពីការរៀបចំមហាសន្និបាតលើកទី១៦ របស់ក្លឹបឆ្នេរសមុទ្រដែលស្អាតបំផុតលើសកលលោក នៅខេត្តព្រះសីហនុ ក្រោមអធិបតេយភាព ឯកឧត្តម ថោង ខុន រដ្ឋមន្ត្រីក្រសួងទេសចរណ៍, ឯកឧត្តម គួច ចំរើន អភិបាលខេត្តព្រះសីហនុ និងលោក Bruno Bodard អគ្គនាយកក្លឹបឆ្នេរសមុទ្រ ដែលស្អាតជាងគេបំផុតលើសកលលោក  ។

ឯកឧត្តម គួច ចំរើន បានស្វាគមន៍លោក Bruno Bodard អគ្គនាយកក្លឹបឆ្នេរសមុទ្រ និងឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងប្រតិភូអញ្ជើញមកកាន់ខេត្តព្រះសីហនុ ។ ឯកឧត្តមអភិបាលខេត្តបន្តថា រដ្ឋបាលខេត្តរីករាយ ចំពោះមហាសន្និបាតក្លឹបឆ្នេរសមុទ្រស្អាតបំផុតលើសគេលើសកលលោកនៅចុងឆ្នាំ២០២២ ក្នុងខេត្តព្រះសីហនុ ដែលជាព្រឹត្តិការណ៍ជួបជុំដ៏ធំមួយក្រោយកម្ពុជា បានយកឈ្នះលើការរាតត្បាតជំងឺកូវីដ១៩។

ឯកឧត្តម គួច ចំរើន បានលើកឡើងទៀតថា៖  ព្រឹត្តិការណ៍នៃសន្និបាតក្លឹបឆ្នេរសមុទ្រ ដែលស្អាតបំផុតលើសគេលើសកលលោក និងពិធីបុណ្យសមុទ្រ ជាការបង្ហាញពិភពលោកអំពីជោគជ័យរបស់កម្ពុជា ក្នុងការដឹកនាំប្រយុទ្ធប្រឆាំងនឹងជំងឺកូវីដ១៩ ប្រកបដោយជោគជ័យ ហើយកម្ពុជាបានបើកប្រទេស និងបើកសេដ្ឋកិច្ចសង្គមមានសុវត្ថិភាពសម្រាប់ប្រជាពលរដ្ឋ ភ្ញៀវទេសចរ និងអ្នកវិនិយោគ ។

ឯកឧត្តមបន្ដថា បុណ្យសមុទ្រជាបុណ្យដ៏ធំមួយសម្រាប់បណ្តាខេត្តជាប់សមុទ្រ និងមានការគៀគរភ្ញៀវជាតិ និងអន្តរជាតិ មកពីគ្រប់ទិសទីដើម្បីមកចូលរួមកម្សាន្តសប្បាយ រួមផ្សំនឹងសន្និបាតក្លឹបឆ្នេរ កាន់តែធ្វើឲ្យព្រឹត្តិការណ៍នេះ មានភាពផុលផុសថែមទៀត បង្ហាញពីសមត្ថភាពខិតខំរបស់រាជរដ្ឋាភិបាលក្នុងពេលកន្លងមក ទាំងការគ្រប់គ្រង ថែរក្សាសុខសន្តិភាព និងការអភិវឌ្ឍសមិទ្ធិផល និងហេដ្ឋារចនាសម្ព័ន្ធក្នុងមូលដ្ឋាន ។

ក្នុងនាមរដ្ឋបាលខេត្ត ឯកឧត្តម គួច ចំរើន គាំទ្រដំណើការមហាសន្និបាតក្លឹបឆ្នេរ និងបុណ្យសមុទ្រនាពេលខាងមុខនេះ។

លោក Bruno Bodard បានសរសើរកម្ពុជាមានភាពក្លាហានរៀបចំព្រឹត្តការធំៗ ដូចជាកិច្ចប្រជុំអន្តរជាតិជាច្រើន និងការទទួលនាវា Wasterdam ក្នុងកំលុងពេលពិភពលោកជួបវិបត្តិរាតត្បាតជំងឺកូវីដ១៩ ដែលជាសក្ខីភាពបង្ហាញពីភាពខ្លាំងរបស់កម្ពុជា លើការគ្រប់គ្រងជំងឺកូវីដ១៩៕

Click to comment

Leave a Reply

Your email address will not be published.

Facebook