Connect with us

ព័ត៌មានទាន់ហេតុការណ៍

មនុស្ស​រាប់​ពាន់​នាក់​ប្រមូល​ផ្ដុំ​គ្នា​បង្ហាញ​ការ​គាំទ្រ​ដល់​យោធា​ចំពោះ​រដ្ឋប្រហារ​នៅ​មី​យ៉ាន់​ម៉ា

មី​យ៉ាន់​ម៉ា៖ មនុស្ស​ប្រមាណ ៣.០០០​នាក់​បាន​ប្រមូល​ផ្តុំគ្នា​ នៅ​ទីក្រុង​យ៉ាង​ហ្គោ​ន​កាលពី​ថ្ងៃ​អង្គារ​ដើម្បី​គាំទ្រ​យោ​ធា​មី​យ៉ាន់​ម៉ា ​មួយថ្ងៃ​បន្ទាប់ពី​យោធា​បាន​ដណ្តើម​អំណាច​ នៅក្នុង​រដ្ឋប្រហារ​មួយ​ និង​បាន​ឃុំខ្លួន​អ្នកនយោ​បាយ​ជាន់ខ្ពស់​ជាច្រើន​នាក់ រួមទាំង​មេដឹកនាំ​របស់​ប្រទេសនេះគឺ​លោកស្រី Aung San Suu Kyi ​ផងដែរ​។

​ពួកគេ​បាន​គ្រវី​ទង់ ​និង​ស្រែក​ហ៊ោកញ្ជ្រៀវ​ ស្រប​ពេល​ថ្លែង​សុន្ទរកថា​ដែល​បន្លឺ​ឡើង​យ៉ាង​ខ្លាំង​ សរសើរ​កងទ័ព​នូវ​ពាក្យ​ថា តាត​ម៉ា​ដ​ (Tatmadaw) ​ជា​យោធា​ដែល​ត្រូវ​បាន​គេ​ស្គាល់ ​ចំពោះ​សកម្មភាព​របស់​ពួកគេ​។​ រដ្ឋប្រហារ​បាន​កើត​ឡើង​ នៅ​ព្រឹក​ដែល​ក្រុម​តំណាងរាស្ត្រ​បាន​ប្រមូល​ផ្តុំ​គ្នា ​នៅ​ក្នុង​រដ្ឋធានី​សម្រាប់​ការ​បើក​សម័យប្រជុំ​ស​ភា​ថ្មី​។​ រដ្ឋប្រហារ​នេះ​បង្ហាញ​ពី​វិសាលភាព​ ដែល​ឧត្ដមសេនីយ៍​បាន​រក្សា​ការគ្រប់គ្រង​នៅ​ទីបំផុត​នៅ​មី​យ៉ាន់​ម៉ា ​ ទោះបី​ជា​មាន​ការ​ចរចា​អស់​រយៈពេល​ជាង​ ១​ទសវត្សរ៍​អំពី​កំណែទម្រង់​ប្រជាធិបតេយ្យ​ក៏ដោយ​។

​នៅ​ក្នុង​សកម្មភាព​ផ្សេងទៀត ក្រុម​អ្នកគាំទ្រ​យោធា​មី​យ៉ាន់​ម៉ា ​និង​គណបក្ស​សាមគ្គីភាព ​និង​ការ​អភិវឌ្ឍ​ដែល​គាំទ្រ​ដោយ​យោធា​ បាន​បើក​រថយន្ត​ជុំវិញ​ទីក្រុង​យ៉ាង​ហ្គោ​ន​កាលពី​ថ្ងៃ​អង្គារ ​មួយថ្ងៃ​បន្ទាប់ពី​យោធា​បាន​ធ្វើ​រដ្ឋប្រហារ។​ ទីក្រុង​យ៉ាង​ហ្គូ​ន​ក៏ដូចជា​​ផ្នែក​ផ្សេង​​ទៀត​នៃ​ប្រទេស​នេះ ​នៅ​តែ​មាន​ភាព​ស្ងប់ស្ងាត់​ជាមួយ​នឹង​សញ្ញា​ខាងក្រៅ ​នៃ​ភាព​ចលាចល​នយោបាយ​ដែល​បាន​ឈាន​ដល់ ការ​ក្ដោប​ក្ដាប់​​ប្រទេស​នេះ​។​ នៅ​ឆ្នាំ​១៩៨៨ និង ២០០៧ ការបះបោរ​ជា​សាធារណៈ ​ប្រឆាំង​នឹង​យោធា​បាន​បញ្ចប់​ដោយ​ការ​បង្ហូរ​ឈាម​៕

Click to comment

Leave a Reply

Your email address will not be published.

Facebook