Connect with us

ព័ត៌មានអន្តរជាតិ

បាតុកម្មប្រឆាំងក្រុមរដ្ឋប្រហារនៅមីយ៉ាន់ម៉ានៅតែបន្ត ទោះបីមានការបង្ហូរឈាម

ក្រុមបាតុករបានត្រឡប់មកលើវិថីក្នុងទីក្រុងណៃពិដោរ រាជធានីប្រទេសមីយ៉ាន់ម៉ា ដើម្បីបន្តបាតុកម្ម បន្ទាប់ពីមានអំពើហិង្សាកើតឡើងប្រឆាំងក្រុមរដ្ឋប្រហារដែលបញ្ឈប់ការផ្លាស់ប្តូរបណ្តោះទៅលទ្ធិប្រជាធិបតេយ្យក្រោមការដឹកនាំរបស់លោកស្រី អ៊ុង សានស៊ូជី។

សហរដ្ឋអាមេរិកនិងអង្គការសហប្រជាជាតិ (United Nation) បានថ្កោលទោសចំពោះអំពើហិង្សាប្រឆាំងបាតុករ ដែលទាមទារឱ្យផ្លាស់ប្តូរអំណាចក្រុមរដ្ឋប្រហារ និងតម្រូវដោះលែងលោកស្រី អ៊ុង សានស៊ូជី រួមទាំងថ្នាក់ដឹកនាំនៃគណបក្សសម្ព័ន្ធជាតិដើម្បីប្រជាធិបតេយ្យ និងសកម្មជនមួយចំនួនដែលត្រូវបានគេឃុំខ្លួន។

យុវជនដឹកនាំ Esther Ze Naw ថ្លែងប្រាប់សារព័ត៌មាន Reuters ថា «ពួកយើងមិននៅស្ងៀមនោះទេ ប្រសិនបើមានការបង្ហូរឈាមអំឡុងការបាតុកម្មដោយសន្តិភាពរបស់ពួកយើងនោះ វាក៏អាចនឹងមានច្រើនជាងនេះទៀតដែរ បើសិនជាពួកយើងអនុញ្ញាតឱ្យពួកវាយកប្រទេសរបស់យើង។»

ក្នុងទីក្រុងណៃពិដោរ មានក្រុមមន្ត្រីបម្រើរដ្ឋាភិបាលជាច្រើនរយនាក់បានចូលរួមដើរដង្ហែរក្បួនគាំទ្រយុទ្ធនាការប្រឆាំងនឹងការមិនគោរពស៊ីវិល ដែលត្រូវបានចូលរួមដោយវេជ្ជបណ្ឌិត គ្រូបង្រៀន និងបុគ្គលិកផ្លូវដែក។ គ្រូពេទ្យម្នាក់បាននិយាយថា បាតុករម្នាក់ត្រូវបានរំពឹងថាបាត់បង់ជិវិតពីការបាញ់បោះនិងមានរបួសត្រង់ក្បាល។ នាងបានរងរបួសនៅពេលដែលប៉ូលីសបានបាញ់កាំភ្លើងទៅមេឃ ដើម្បីបោសសំអាតក្រុមអ្នកតវ៉ានៅក្នុងទីក្រុងណៃពិដោ។ មនុស្ស ៣ នាក់ផ្សេងទៀតកំពុងត្រូវបានព្យាបាលរបួសដោយសារគ្រាប់កាំភ្លើងជ័រ។

ក្រុមអ្នកតវ៉ាក៏ត្រូវបានគេធ្វើទុក្ខទោសនៅក្នុងទីក្រុង Mandalay និងទីក្រុងដទៃទៀត ដែលកងកម្លាំងសន្តិសុខបានប្រើប្រាស់កាណុងបាញ់ផងដែរ។ ប្រព័ន្ធផ្សព្វផ្សាយរដ្ឋបានរាយការណ៍ពីការរងរបួសដល់ប៉ូលីសក្នុងអំឡុងពេលពួកគេព្យាយាមបំបែកក្រុមអ្នកតវ៉ាដែលត្រូវបានគេសង្កេតឃើញមានគប់ដុំថ្ម និងដុំឥដ្ឋ។ ក្រសួងការបរទេសសហរដ្ឋអាមេរិកបាននិយាយថា ខ្លួនកំពុងពិនិត្យមើលជំនួយដល់មីយ៉ាន់ម៉ា ដើម្បីធានាថាអ្នកដែលទទួលខុសត្រូវចំពោះការធ្វើរដ្ឋប្រហារប្រឈមមុខនឹង “ផលវិបាក”។

អ្នកនាំពាក្យ លោក Ned Price បាននិយាយនៅក្រុងវ៉ាស៊ីនតោនថា «យើងសូមអំពាវនាវម្តងទៀតដល់យោធា ឲ្យ លះបង់អំណាចឱ្យរដ្ឋាភិបាលដែលបានជាប់ឆ្នោតតាមបែបប្រជាធិបតេយ្យ ដោះលែងអ្នកដែលត្រូវបានឃុំឃាំងនិងដកការរឹតត្បិតលើប្រព័ន្ធទូរគមនាគមន៍ទាំងអស់ហើយចៀសវាងអំពើហិង្សា។ អង្គការសហប្រជាជាតិបានអំពាវនាវឱ្យកងកំលាំងសន្តិសុខមីយ៉ាន់ម៉ាគោរពសិទ្ធិរបស់ប្រជាជនក្នុងការតវ៉ាដោយសន្តិវិធី។

លោក Ola Almgren តំណាងអង្គការសហប្រជាជាតិប្រចាំនៅមីយ៉ាន់ម៉ាបានមានប្រសាសន៍ថា «ការប្រើប្រាស់កម្លាំងមិនសមាមាត្រទៅនឹងក្រុមបាតុករ មិនអាចទទួលយកបានទេ។»

ការតវ៉ានេះគឺធំបំផុតនៅមីយ៉ាន់ម៉ាអស់រយៈពេលជាងមួយទស្សវត្សរ៍មកហើយនៃការគ្រប់គ្រងកងទ័ពដោយផ្ទាល់និងការបះបោរបង្ហូរឈាមរហូតដល់យោធាចាប់ផ្តើមដំណើរការដកខ្លួនចេញពីនយោបាយស៊ីវិលនៅឆ្នាំ ២០១១ ។សមាគមជំនួយសម្រាប់អ្នកទោសនយោបាយបានកត់ត្រាថាមានមនុស្សជិត ៦០ នាក់ដែលត្រូវបានចាប់ខ្លួននៅក្នុងផ្នែកផ្សេងៗនៃប្រទេសមីយ៉ាន់ម៉ា៕

Click to comment

Leave a Reply

Your email address will not be published.

Facebook