សម័យប្រជុំលើកទី៨ នៃរដ្ឋសភាជាតិអនុម័តលើសេចក្តីព្រាងច្បាប់ស្តីពី ហិរញ្ញវត្ថុសំរាប់ឆ្នាំ២០២៣

(ភ្នំពេញ)៖  ថ្ងៃទី២៩ ខែវិច្ឆិកា ឆ្នាំ២០២២ បានបើកសម័យប្រជុំពេញអង្គលើកទី៨ នៃរដ្ឋសភាជាតិកម្ពុជា បានធ្វើការពិភាក្សា និងអនុម័តលើសេចក្តីព្រាងច្បាប់ ស្តីពី ការគ្រប់គ្រងហិរញ្ញវត្ថុ សម្រាប់ឆ្នាំ២០២៣។នៅក្នុងឱកាសនេះដែរ ឯកឧត្តម ហ៊ុន ម៉ានី ប្រធានគណៈកម្មការទី៧នៃរដ្ឋសភាជាតិ បានថ្លែងបទអន្តរាគមន៍ ដោយបានកោតសរសើរ ចំពោះសមត្ថភាពដឹកនាំរបស់រាជរដ្ឋាភិបាលកម្ពុជា ក្នុងការគ្រប់គ្រងស្ថានភាពនៃជំងឺកូវីដ-១៩ ទាំងលើសមរភូមិប្រឆាំងនឹងការឆ្លងរាលដាល ព្រមទាំងការគិតគូរដល់សុខទុក្ខ និងជីវភាពរបស់ប្រជាពលរដ្ឋ ។ ជាមួយគ្នានេះ ឯកឧត្តម ក៏បានរំឭកឡើងវិញពី មហាចលនាសាមគ្គីរបស់ប្រជាជាតិកម្ពុ ជា​ ទាំងមូល ដែលរួមមាន៖ អង្គព្រះមហាក្សត្រជាទីសក្ការៈខ្ពស់បំផុតផងដែរ ក្នុងការចូលរួមយុទ្ធនាការប្រឆាំងនឹងជំងឺកូវីដ-១៩ ។

ទទួលបានជោគជ័យនៃការគ្រប់គ្រងសភាពការណ៍ប្រកបដោយភាពម្ចាស់ការ ហើយថែមទាំង បានអនុញ្ញាតឱ្យកម្ពុជាទទួលធ្វើជាម្ចាស់ផ្ទះ និងដឹកនាំកិច្ចប្រជុំកំពូលថ្នាក់តំបន់រួមមានៈ មហាសន្និបាតអន្តរសភាអាស៊ាន (អាយប៉ា) លើកទី៤៣ និងកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំកំពូលពាក់ព័ន្ធនានា ដែលទទួលបានលទ្ធផលយ៉ាងត្រ ចះត្រចង់ ។

បទអន្តរាគមន៍របស់ឯកឧត្តម ហ៊ុន ម៉ានី ក៏បានឆ្លុះបញ្ចាំងពីសមត្ថភាពដ៏ប៉ិនប្រសប់របស់ ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ ក្នុងការថែករក្សាស្ថិរភាពម៉ាក្រូសេដ្ឋកិច្ច ដែលអនុញ្ញាតឱ្យយើងអាចឆ្លងផុតពីវិបត្តិ ដែលជាវិញ្ញាសារដ៏លំបាកបំផុតពុំធ្លាប់មានសម្រាប់កម្ពុជា ។

សូមបញ្ជាក់ថាៈ ឆ្លៀតក្នុងឱកាសនោះដែរ ឯកឧត្តមក៏បានធ្វើការថ្លែងអំណរគុណសារជាថ្មីដល់ប្រជាពលរដ្ឋកម្ពុជា ដែលបានធ្វើការសម្រេចដ៏ត្រឹមត្រូវក្នុងការបោះឆ្នោត កាលពីឆ្នាំ ២០១៨  លទ្ធផលនៃការបោះឆ្នោតបានបញ្ជាក់យ៉ាងច្បាស់ពីធម្មានុរូប នៃរាជរដ្ឋាភិ បាលដែលដឹកនាំដោយគណបក្សប្រជាជន ដែលទទួលបានការគាំទ្រពីម្ចាស់ឆ្នោត ៕